Torresek ez du dimititzeko asmorik, BBVAk Sabadell erosteko ahaleginak porrot egin arren
BBVAko presidenteak azaldu duenez, administrazio kontseiluak hartu ditu erabaki guztiak, eskaintza aurkeztearena barne.
Carlos Torres BBVAko presidenteak ez du dimisioa aurkezteko asmorik, Bilbon egoitza duen bankuak Sabadell erosteko eskaintzak porrot egin arren. Ostiral honetan hedabideen aurrean adierazi duenez, presidente karguan jarraitu ala ez ez zegoen eskaintza publikoaren emaitzaren menpe.
Torresen arabera, administrazio kontseiluak hartu ditu erabaki guztiak, eskaintza aurkeztearena barne. Are gehiago, administrazio kontseiluaren babesa ez ezik, akziodunen batzarrarena ere baduela nabarmendu du.
Bankariak eskaintza publikoaren emaitza onartu du, baina aitortu du ez dela espero zutena. BBVAk ez du Sabadellen kapitalaren % 26 ere bereganatu.
Etorkizunean beste saiakeraren bat egingo duten galdetuta, baztertu egin du aukera hori, eta aurrera begiratu beharra dagoela azpimarratu du.
Sabadell bankuak, bere aldetik, "balio handiagoa" sortu du
Josep Oliu Sabadell bankuko presidenteak eta Cesar Gonzalez-Bueno kontseilari ordezkariak eskerrak eman dizkie akziodun, bezero eta langileei, BBVAren eskaintza publikoaren aurrean emandako erantzunarengatik. Horien hitzetan, Sabadell bankuak bere aldetik jarraituta "balio handiagoa" sortuko du.
Oliu eta Gonzalez-Buenok ohar batean adierazi dutenez, Sabadellek "bakarkako bidea egiten jarraitu ahal izango du, eta duela 144 urte baino gehiago hasi zuen bidean aurrean egin".
Catalunya Radio katean egin dioten elkarrizketan, operazioa espero ez bezala amaitu dela aitortu du. "Ez genuen hain emaitza garbirik espero", gaineratu du.
Kataluniako bankuko presidentearen hitzetan, Carlos Torres BBVAko presidentearekin hitz egin du bart, eta ez batak ez besteak ez zuten emaitza hori espero. Biek ala biek uste zuten BBVAk Sabadellen kapitalaren % 30 gutxienez eskuratuko zuela (operazioarekin aurrera jarraitu ahal izateko gainditu beharreko langa).
Zure interesekoa izan daiteke
Inbertsioak eskatu dituzte Bilbon eta Gasteizen, osasun publikoa desegin ez dadin
Osasun publikoaren aldeko 68 erakundek manifestazioak egin dituzte Bilbon eta Gasteizen, EH Bildu, Podemos eta Sumar alderdien eta hainbat sindikaturen babesarekin. Protesta horietan, Alberto Martinez Osasun sailburuaren dimisioa ere eskatu dute.
ELA, LAB eta ESK sindikatuek Tubos Reunidosen enplegu-erregulazioko espedientea inpugnatuko dute
Beste ostiral batean, Tubos Reunidoseko langileek manifestazioa egin dute Amurrion, eta enpresa-batzordeko kideek azaldu dute etsituta hartu dutela Lan Ikuskaritzaren ebazpena. Hiru sindikatuk, ELAk, LABek eta ESK-k, dagoeneko iragarri dute enplegu-erregulazioko espedientea inpugnatuko dutela datorren astean.
Euskadiko BPGk urteko % 2,2ko hazkundea izan du lehen hiruhilekoan, eta % 0,5 igo da aurrekoaren aldean
Euskal ekonomiak hazkunde-erritmoari eutsi dio 2026an, eraikuntzak eta zerbitzuek bultzatuta.
Eusko Jaurlaritzak "nolabaiteko erosotasuna" ikusten du osasun arloko negoziazioan, eta asistentzian izan dezakeen ondorioen beldur da
Alberto Martínez Osasun sailburuak egoerak paziente eta herritarrentzat sortzen dituen zailtasunez ohartarazi du, eta erantzukizun handiagoa eskatu die inplikatutako aldeei. Onartu du ez duela informaziorik eta ez dela parte hartzen abian dagoen negoziazioan, eta, ohartarazi duenez, egoera hori ziurgabetasuna eta zailtasunak sortzen ari da pazienteentzat eta asistentzia-sistemarentzat. Martinezek kezka hori helarazi du Lurralde arteko Kontseiluan, eta inplikatutako alderdien erantzukizuna eskatu du.
Medikuek beste urrats bat eman dute beren aldarrikapenetan, eta aparteko orduak egiteari uzten hasi dira zenbait
Osakidetzako eta Osasunbideko medikuak beren nagusiei jakinarazten ari zaizkie ez dituztela egingo medikuek arratsaldez egiten dituzten eta itxaron-zerrendak murrizten laguntzen duten borondatezko aparteko orduak, "peonadak" izenekoak. Horrek, besteak beste, arratsaldean egiten diren kirurgiak murriztea ekarriko du.
Sindikatuek eta Jaurlaritzak talka egin dute Tubos Reunidosen etorkizunaren inguruan, argitasun faltagatik
LAB eta ESK sindikatuek Eusko Jaurlaritzaren zeregin aktiboagoa eskatu dute, eta enplegu industrialaren defentsan irmo jardutea eta abian dauden negoziazioen gardentasun handiagoa eskatu diote. Jaurlaritzak berretsi du pilatutako zor handia dela Tubos Reunidosen arazo nagusia.
Energia Agentziak ohartarazi du Europak hegazkinentzako erregai eskasia izan dezakeela sei astean
Ekialde Hurbiletik zetorren hornidura Europako hegazkinetarako erregai-inportazio garbien % 75 zen orain arte.
Babes zabala jaso du osasun publikoaren aldeko plataformek larunbaterako deitutako protestak
60 taldek baino gehiagok egin dute bat deialdiarekin. Manifestazioak 12:00etan abiatuko dira Bilbon (Jesusen Bihotza plazatik) eta Gasteizen (Bilbo plazatik), eta 17:00etan, Donostian (Boulevardetik).
Lan Ikuskaritzak ondorioztatu du Tubos Reunidoseko enplegu-erregulazioko espedienteak legea betetzen duela eta arrazoi ekonomikoak daudela
Espedienteak 240 langileri eragiten die: 177, Amurrioko lantegian, eta 63, Trapagaranen.
Etxeko hegaztien konfinamendua kendu dute, hegazti gripearen egoerak hobera egin baitu
Neurria 2025eko azarotik zegoen indarrean, eta bertan behera utzi da, kasurik ez dagoela egiaztatu baitute, eta tenperaturak gora egin duela ikusita.