Bizikleta izango da nagusi BECeko BIBE azoka
Bizikleta eta txirrindularitza ardatz duen azoka hartuko du hiru egunez BECek. Azaroaren 28tik 30era BIBE azoka egingo da eta txirrindularitzaren jarraitzaileen bilgune izango da. Azokaren helburu nagusia Espainiako iparraldeko bizikleta-industriaren eta ziklismoaren erakusleihoa izatea da.
160 bizikleta-ekoizleak parte hartuko dute azokan eta BECeko bigarren pabiloian emango dituzte ezagutzera euren azken nobedadeak. Era berean, 80 stand izango dira eta txirrindularitzarekin eta bizikletaren munduarekin lotutako produktuak erosi ahal izango dira. BH eta Orbea euskal etxeek ere BIBEn parte hartuko dute.
Barakaldora gerturatzen direnek hainbat ekitalditan parte hartzeko aukera izango dute. Julian Sanz indoor arrabolean munduko Guiness errekorra hausten saiatuko da. Dani Comasek, Pump Track eta Free-Park erakustaldiak egingo ditu.
Foroak eta hitzaldiak
Era berean, elikaduraren inguruko foroak antolatu dira eta lesioak ekiditeko lan-jardunaldiak ere egingo dituzte.
Nostalgikoek, gainera, garai bateko bizikletak eta txirrindulari ezagunen bizikletak ikusi ahal izango dituzte bertatik bertara. 1.800 urteko bizikleta bat eta Eddy Mercks, Miguel Indurain eta Aberto Contador txapeldunen bizikletak ikusten aukera izango da.
Jon Odriozolaren Murias euskal talde profesional berriak, berriz, BIBE azokan egingo du aurkezpen ofiziala. Azaroaren 29an izango da hori.
Azoka berriak duela 15 urte desagertutako Cicle azokaren testigantza hartuko du, eta erakusleiho erakargarria bihurtuko da bizikleta, osagai eta osagarriak ekoizten dituzten markentzat, baita txirrindularitzaren zaleentzat ere.
Zure interesekoa izan daiteke
Inoizko mahats bilketarik goiztiarrena egin dute Arabako Errioxan, klima aldaketak eraginda
Tenperatura altuak izan dira eta ez du ia euririk egin. Horren ondorioz, apenas egon da onddoek eragindako gaixotasunik, eta mahatsaren kalitatea "bikaina" da. Ifrentzuan, baldintza meteorologikoek alkohol graduazioa igoarazi dute; "upategian konpentsatu beharko dute hori", azaldu dute.
Bateriekin izandako intzidentzia batek auto elektrikoen ekoizpena geldiarazi du Nafarroako Volkswagenen
Hornitzaileak arazoa konpondu du eta normaltasunez ekoizten ari da; hortaz, Nafarroako Volkswagenek jarduerari "berehala" ekitea espero du.
CCOOk Pradalesi hainbat eskumenen aurrean dituen "zuhurtziak" azaldu dizkio, langile askori eragiten dietelako
CCOO Euskadiko idazkari nagusi Santiago Martinezek Gernikako Estatutua oso-osorik betetzearen alde egin du lehendakariaren aurrean, baina "zuhurtzia" agertu du eskumen-transferentzia batzuen aurrean, hala nola FOGASAren edo pentsioen ingurukoen aurrean; izan ere, langile askori eragiten diete, eta, azpimarratu duenez, "ondo egin behar dira".
UGTk enpresen irabaziak soldatetara bideratzeko eskatu dio Pradalesi
UGT Euskadiko batzorde kudeatzaileko presidente Jose Manuel «Tximi» Lopezek enpresa handien irabaziak langileen soldatetan islatu behar direla defendatu du Imanol Pradales lehendakariaren aurrean, eta Eusko Jaurlaritzari eskatu dio bitartekari lanak egin ditzala euskal patronala hitzarmenen bidezko gutxieneko soldata interprofesionala negoziatzera esertzeko.
Ondarroako arraste flota: "Gasolioaren prezioarekin itsasora irteteak diru galera dakar"
Gasolio profesionala % 227 garestitu da otsailetik, eta Ondarroako Alturako Arrantza Ekoizleen Elkarteak salatu duenez, igoera hori arrantzaleek asumitu behar dute, handizkariak finkatzen duelako arrainaren erosketa-prezioa.
Gazteentzako hipotekak: zer hartu kontuan sinatu aurretik eta zer dira Gazteaval laguntzak?
EKA kontsumitzaileen elkarteak gutxienez hiru edo lau banketxeren eskaintzak alderatzea, presarik ez izatea eta Urteko Tasa Baliokideari, lotutako produktuei eta benetako ordainketa-ahalmenari erreparatzea gomendatzen du. Gazteaval programari esker, gainera, zenbait kasutan etxebizitzaren balioaren % 80tik gorako finantzaketa lor daiteke.
Bizkaiko Foru Aldundiak arau fiskal berriaren proiektua onartu du, EAJren botoekin eta PSE-EEren abstentzioarekin
Foru erakundearen arabera, EAJk eta PSE-EEk "gutxieneko akordioa" lortu dute, eta testua Batzar Nagusietara bidaliko dute, Legebiltzarrean izapidetzen hasteko.
Hipotekak 600 euro baino gehiago garestituko dira urtean, maileguan hartutako 100.000 euro bakoitzeko
ASUFINen arabera, euriborra % 3,2an kokatuko da irailean, eta tasa aldakorreko hipotekak garestituko ditu.
EBZk tasak % 2,5era igo ditu eta inflazioak epe luzean altu jarraituko duela ohartarazi du
Erakundeak hiru tasa ofizialak 25 oinarri-puntutan igo ditu, urteko bigarren igoeran, prezioen gorakadaren ondorioz.
"Eusko Jaurlaritzak ez du Osakidetzaren kolektibo guztien egoera hobetzeko borondaterik"
SATSE, ELA, LAB, CCOO eta UGT sindikatuek bost greba egun iragarri dituzte urritik abendura bitartean, Osakidetzako kolektibo guztientzako lan-baldintza hobeak eta "benetako edukiak dituen benetako negoziazioa" aldarrikatzeko.