Sindikatuek salatu dute sortutako enplegua kalitate eskasekoa dela
Sindikatuek zuhurtziaz hartu dituzte langabezia datuak, uste baitute beherakada txikia izan dela eta sortu den enplegua kalitate eskasekoa dela, aldi baterako eta partziala.
LABek azpimarratu du "oso arriskutsua" izango litzatekeela "enplegu suntsiketak hondoa jo duela esatea", izan ere, "dozenaka enpresatan daude itxieraren eta kaleratzeen mehatxua".
Prentsa ohar batean adierazi duenez, langabeziaren beherakada "txikia eta ez da nahikoa" krisia hasi zenetik Hego Euskal Herrian "112.000 lagunek enplegua galdu dutela kontuan izanda".
Sindikatu abertzalearen ustez, enplegua sortu baino gehiago, "dagoen enpleguaren banaketa desegokia dago, jardunaldi partzialetarako kontratazioak ugarituta".
Abenduan sinatutako kontratuen % 93,6 aldi baterako izan zirela eta epemugarik gabeko kontratuen kasuan % 41a jardunaldi partzialenak zirela salatu du.
Bestalde, CCOOk azpimarratu du langabeziaren beherakada "oso eskasa" izan dela, eta EAE dela "Estatu osoan beherakada txikiena izan duena".
UGT ere Espainiako Estatuan sortzen diren lanpostu gehienak aldi baterako, jardunaldi partzialekoak eta azpienplegua direla kritikatu du.
Sindikatu espainiarrak uste du susperraldia lortzeko kalitatezko enplegua behar dela, "eskubideak aitortzen dituena", eta horretarako ezinbestekotzat jo du enplegua sustatzeko politikak eta lan bitartekaritza.
Zure interesekoa izan daiteke
Osakidetzako inoizko lan eskaintzarik handiena egingo dute gaurtik igandera: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.
Albiste izango dira: Mugikortasunari buruzko Saretzen azterlana, inoizko LEP handiena Osakidetzan eta Mitoaroa III
Gaurkoan Orain-en albiste izango direnen laburpena, bi hitzetan.
Nafarroak etxebizitza berrien stocka agortu zuen 2025eko amaierarako, eta Euskadik % 0,23ra murriztu zuen
Urte amaieran, 2.502 etxebizitza zeuden saldu gabe Euskal Autonomia Erkidegoan (EAE). Espainiar Estatuan, berriz, saldu gabeko etxebizitza berrien stocka 452.670 etxebizitzakoa izan zen.
Zabalik dago Tubos Reunidos erosteko interesa agertzeko epea
Hartzekodunen konkurtsoa kudeatzen duen epaileak erosketa-prozesua aktibatu du eta konkurtso-administratzaileak prozesua bideratzeko jarritako arauak onartu ditu. Lehentasuna ematen dio talde osoa saltzeari.
Ekitaldi eta ikuskizunetako teknikariek greba egingo dute berriz
“Patronalaren pasibotasunaren aurrean”, maiatzaren 15ean egin zuten bezala, greba egingo dute Bilbao BBK Liveko zein Gasteiz, Donostia eta Bilboko jaietako egun banatan.
Pirinioetako abeltzainek hartzak zaintzeko eskatu dute, horien kopurua abeltzaintza estentsiboarekin "bateragarria" izan dadin
Ezkaroze eta Aribe herrietan, etxeetatik gertu dauden eremuetan, bi hartz ikusi dituzte asteburuan. Hartza hain gertu izateak kezka zabaldu du inguruko abeltzainen artean, abere taldeetan zer ondorio izango dituen beldur.
Tubos Reunidosko langileen batzordeak konpainiaren jarraipena bermatzeko eskatu du Diputatuen Kongresuan
Amurrioko lantegiko beharginen ordezkariak Diputatuen Kongresuko hainbat talderekin bildu dira, tartean Podemos eta EH Bildurekin, legez besteko proposamen bat aurkezteko. SEPIren zorra akzio bihurtzea eskatu dute, jarduera eta enplegua bermatzeko, hala nola plan industrial bat eta bankuei laguntzeko neurriak hartu ditzatela, besteak beste, BBVAri, akziodun eta hartzekodun gisa. Tubos Reunidosek 263 milioi euroko zorra duen hartzekodunen konkurtso bati aurre egin behar dio.
Arabako lantegietan aldi baterako lan erregulazioa aktibatzea proposatu du Tubacexek, eskaeren jaitsieragatik
Ormuzko itsasartea ixtearen ondorioz, eskaera-kopuru asko jaitsi delako proposatu du neurria. Alabaina, Iranen eta AEBren arteko akordioa gauzatzen bada, egoera alda daiteke.
Cl Group taldeak Papresa erosteko eskaintza onartu du epaitegi batek
Cristian Layri lotutako Extremadurako taldeak 39,3 milioi euroko eskaintza egin zuen, baina azkenean erosketaren zenbatekoa handiagoa izango da Donostiako Merkataritza Arloko Epaitegiaren arabera.
Bizkaiak “etorkizuna eraikitzeko lekua” dela aldarrikatu du Madrilen, inbertitzaileak erakartzeko
Aldundiak bere erreforma fiskala aurkeztu du Madrilen, ehun bat enpresatako eta erakundetako ordezkarien aurrean.