Greziari finantziazioa kendu dio Europako Banku Zentralak
Europako Banku Zentralak (EBZ) ito beharrean utzi du Grezia. Bart kaleratutako ohar batean Syrizaren gobernu berria ekonomikoki estutzeko neurria iragarri du: herrialde heleniarrari finantzazioa kendu dio, eta Greziako bankuei likidezia ematearen truke Greziako bonuak onartzeari utzi dio. Erabakia Tsiprasen eta Varoufakisen taldearekin egiten ari den Greziako erreskate-planaren negoziazioaren baitan hartu du Draghik. Argudiatu duenez, ezin du negoziazioa "modu onean" bukatuko denik ziurtatu.
Estutu bai, baina Banku Zentralak ez du Grezia erabat "akabatu". Finantziazioa lortzeko emergentziazko laguntza-lerroa eskaini die bankuei, Greziako Banku Zentralaren bidez. Finantziazio mota hau, baina, EBZk eskainitako baino garestiagoa eta mugatuagoa da.
Europako finantza erakundeak hari batetik zintzilik utzi du Grezia, eta erlojupeko negoziazio batera behartu, merkatuen erreakzioaren menpe baitago.
Burtsek behera egin dute
Hain justu, erabakiaren biharamunean, amildu egin da Atenaseko Burtsa, % 6,90 jaitsita eta 789,55 puntutan geratu da saioa hasi eta berehala. Iragarpenak Alemaniako Burtsan eta Espainiakoan ere izan du eragina, % 0,67 eta % 1,74 jaitsi dira gaur.
Frankfurten bilera egin ostean hartu zuen erabakia EBZren gobernu kontseiluak, Draghi Yanis Varoufakis Greziako Finantza ministroarekin batzarra egin eta gero.
"Eurosistemaren joko-arauen barruan dago finantzazio etete hau, ezin baitugu erreskate-planaren negoziazioa modu egokian bukatuko denik", agertu du Banku Zentralak.
Otsailaren 11n utziko diote bonuak onartzeari. Egun horretan, hain justu, Euroguneko herrialdeek bilera dute, Greziako egoera eztabaidatzeko.
Grezia, "presio politikoa"ren aurrean
Erabakia ezagutu eta biharamunean, lasaitasunerako deia egin du Greziako Finantza Ministerioak. Emergentziazko laguntza-lerroari esker, herrialdea blindatuta dagoela argudiatu du eta.
Finantza Ministerioaren arabera, EBZren ebazpenak Euroguneari egiten dio presio, "bientzat onuragarria" den erabakia lortze aldea.
Gavriil Sakelaridis Syrizaren Gobernuko bozeramaileak nabarmendu duenez, "ez dago kezkatzeko motiborik" eta erreskate-planaren negoziazioaren baitan EBZren "presio politikoa" salatu du. "Guk ez dugu xantaiarik egiten baina ez dugu xantaiarik onartuko", adierazi du Sakelaridisek telebistan.
Zure interesekoa izan daiteke
CAFek lortu egin du "mendeko kontratua": 1.700 milioi euro Belgikan trenak egiteko
Beasainen egoitza duen konpainiak kontratu horren inguruko ziurgabetasunarekin amaitu du; izan ere, polemika handia piztu zen han, Alstom enpresa frantziarrak dagoeneko hainbat lantegi baititu Belgikan, eta enpresa horrek kontratua ez lortzea kritikatu zuten.
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.