'Euskal Y'-a uste baino motelagoa izango dela iragarri du Espainiak
Hasiera batean iragarritakoa baino motelagoa izango da abiadura handiko trena (AHT), Sustapen Ministerioaren arabera. Zentzu horretan, EAEko hiru hiriburuak lotzeko denbora gora egiteak Eusko Jaurlaritza “harritu” du.
Ana Pastor Sustapen ministroak Bergarako lotunea bisitatu zuen urtarrilaren 28an. 2019an lanak amaitu behar zituztela iragarri zuen ministroak. Bidaiariek Gasteiztik Bilbora joateko 40 minutu inguru, eta Donostiatik Gasteizera zein Bilbora 50 minutu beharko zituztela iragarri zuen Pastorrek.
Manuel Niño Azpiegituretako Estatu idazkariak denborak zehaztu zituen atzo. Horrela, Bilbo eta Gasteiz lotzeko 43 minutu beharko dituztela azaldu zuen Niñok. Donostia beste bi hiriburuekin lotzeko 55 minutu beharrezkoak izango direla iragarri zuen.
Denbora iragarpen horiek hasiera batean agindutakoak baino handiagoak dira: 28 minutu Bilbo eta Gasteiz lotzeko, 34 minutu Donostia eta Gasteiz lotzeko eta 38 minutu Donostia eta Bilbo lotzeko.
Datuak hasierako kalkuluekin “kontraesanean” daudela onartu du gaur Josu Erkoreka Eusko Jaurlaritzako bozeramaileak. Kasu horretan, abiadura handiko trenak “lehiakortasuna” galduko lukeela esan du.
Hirietako sarbidea
Hala ere, hiriburuetara sartzeko garaian hartzen den aukeran ezberdintasuna izan daitekeela uste du Erkorekak.
Eduardo Molina Adif Abiadura Handiko plangintza zuzendariak gaur, Bilbon, azaldu duenez, hirietan trenbidea lurperatzeko lanak aurrera eramateko proiektuak finantza bideragarritasuna izan behar du.
Trena Bilbon sartzeko Abandoko geltokira arte trenbidea lurperatzeko egitasmoa berreskuratu behar zutela iragarri zuen Ana Pastor ministroak duela zenbait aste.
Espainiako hiri askotan abiadura handiaren sarbideak lurperatze proiektuekin bideratu izan direla gogorarazi du Adifeko zuzendariak, baina egitasmo horiek “egun bideragarritasun eskasa” dutela onartu du.
Lanak gelditzeko eskatu du EH Bilduk
Azkenik, AHTren “obrak gelditzeko unea” dela adierazi du Dani Maeztu EH Bilduko legebiltzarkideak. Ibilbideak egiteko denbora aurreikuspenen aldaketa ezagutu eta gero, kostu eta mozkinak kontu handiz aztertzeko garaia dela uste du koalizio abertzaleak.
Koalizio abertzalearen hitzetan, datu berri horiek proiektua hasieratik “lardaskeria” bat dela demostratzen dute, ingurumen arrazoiengatik, kostu ekonomikoagatik eta errepideko garraioaren arazoak konpontzen ez dituelako.
Zure interesekoa izan daiteke
Saltokietan eskuko telefonoarekin ordaintzeko aukera emango du Bizumek maiatzaren 18tik aurrera
CaixaBank, Sabadell eta Bankinter izango dira Bizum bidezko ordainketak baimentzen lehenak. Laboral Kutxak ere hilaren 18tik aurrera eskainiko du aukera, baina denda kopuru mugatu batean.
Lanera itzuli nahi duten Amurrioko Tubos Reunidoseko beharginek lantegira sartzeko autobusa izango dute asteartetik aurrera
Ostegunean, 232 langilek, CCOOk eta UGTk babestuta, greba amaitzearen eta berriro lan egitearen alde bozkatu zuten, ELA, LAB eta ESKk ordezkatutako gehiengoaren iritziaren aurka. Neurri horren helburua, enpresaren arabera, lanera itzuli nahi duten horiek lantokira segurtasun baldintza egokietan sartu eta irtetea da.
ELAk ezkutuko 28 kaleratze salatu ditu Sidenorren Azkoitiko lantegian Reinosara lekualdatzeko prozesuan
Ohar batean, enpresak esan du ez dela "kaleratze bakar bat ere" izan Azkoitian, eta 32 pertsona joango direla Reinosara, horietako bi euren borondatez.
Pasaiako portuak urtean 10 milioi inbertitzea aurreikusten du, "Ardatz Atlantikoko nodo lehiakor" gisa kokatzeko
EAJren eta PSE-EEren arteko ika-mika iturri den portuaren eskumenaren transferentziaz galdetuta, Izaskun Goñi Pasaiako Portu Agintaritzako presidenteak adierazi du hori arlo politikoan argitu behar dela.
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELAk adierazi du asanbleak ez duela baliorik eta "ezin duela greba-deialdia aldatu"; aldi berean, ESK-k zalantzan jarri du bere zilegitasuna.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.