LAB: 'Eredu ekonomiko honek langileak pobreziara zigortzen ditu'
Langileak “pobreziara” zigortzen dituen eredu ekonomikoa “sendotzen” lagunduko ez dutela ohartarazi du Ainhoa Etxaide LABeko idazkari nagusiak.
Gainera, 1.200 euroko soldata erreferente gisa ezartzea, 35 orduko lanaldia eta gizarte zerbitzu unibertsalak aldarrikatu ditu Etxaidek. LABeko buruzagiaren ahotan, gutxiengo pribilegiatu batek “aberastasuna” pilatzea ahalbidetzen duen sistema bat baino askoz “jasangarriagoak” dira neurri horiek.
Maiatzaren Leheneko, Langileen Eguneko, manifestazioan parte hartu du Etxaidek, Gasteizen. Gobernu zentralaren neurrietan sakondu beharra dagoela defendatzen duen “diskurtso ofiziala” errefusatu du sindikatuak mobilizazioan.
Susperraldiaren diskurtsoa “erosteko” prest ez dagoela ohartarazi du LABeko idazkari nagusiak, datu makroekonomikoak hobetzeko “morrontza lanean” eta gehiengoaren “pobrezian” eraikitako eredu bat erabili dutelako.
Murrizketak “atzera bota”
Etxaideren hitzetan, azken urteetan onartutako gizarte eta lan eskubideen murrizketak eta erreformak “atzera botatzeko” aukera dago. Horregatik, 1.200 euroko soldatak eta diru-laguntzak erreferentzia gisa ezartzeko, 35 orduko lanaldia eta gizarte zerbitzu “unibertsalak” lortzeko lanean jarraituko dutela goraipatu du LABeko agintariak.
Helburu horiek lortzeko modurik onena Euskal Herriaren “subiranotasunean” sakontzea dela uste du LABeko ordezkariak. Horregatik, burujabetzan aurrera egiteko “akordio sendoak” lortzeko prest agertu da.
Bestalde, “sindikalismoa berritzeko“ beharra dagoela onartu du Etxaidek; izan ere, Gobernu zentralak bultzatutako erreformek “oztopo” eta “zailtasun” ugari jarri dizkie sindikatuei.
Zure interesekoa izan daiteke
Enplegu-erregulazioko espedientea bertan behera uzteko eskatu du Tubos Reunidoseko enpresa batzordeak, "borrokari" bidea irekita
"Gure jarrera irmoa da. Ozen eta argi esan nahi dugu: ez dezatela euskal gizartea engainatu, ez Tubos Reunidosek, ez erakundeek, ez Eusko Jaurlaritzak. Izan ere, bideragarritasuna bermatzeko eta industria jarduerari eta enpleguari eusteko diru publiko asko, 100 milioi baino gehiago, jaso dituen enpresa bat da", azaldu dute.
Miren Arzalluzek "oso positibotzat" jo du Euskadin tasa turistikoa ezartzea
Miren Arzalluz Bilboko Guggenheim museoko zuzendari nagusiaren arabera, bisitarien eta egoiliarren arteko "bizikidetza" sustatzeko baliagarria izango da. Radio Euskadin egin dioten elkarrizketan nabarmendu duenez, "ez da zerbait berria", zerga turistikoa XIX. mendean indarrean baitzegoen Biarritzen.
Mercedes Benzek bere ekoizpena etengo du larunbat honetan, Leonardo depresioak eragindako hornidura faltagatik
Enpresak azaldu duenez, denboralearen ondorioz, Gibraltargo itsasartean itsas trafikoa geldiarazten ari dira. Horregatik, larunbateko goizeko txandan jarduera etetea erabaki du.
Baso-langile bat hil da Zornotzan, zuhaitz batek kolpatuta
Lan-istripua 18:30 aldera gertatu da, eta, osasun-langileak bertaratu diren arren, ezin izan dute ezer egin haren bizitza salbatzeko.
Honela banatzen da ostatu turistikoaren eskaintza Euskal Autonomia Erkidegoan
Euskadiko Turismo Enpresen eta Jardueren Erregistroaren azken datuaren arabera, gaur egun 88.604 turismo-plaza daude, ia erdia Bizkaian. EAEko 19 udalerritan 750 ostatu-plaza baino gehiago daude.
Eusko Legebiltzarrak uko egin dio etxebizitza-edukitzaile handien erregistro bat egiteari
EH Bilduren eskariz eztabaidatu da gaia Osoko Bilkuran. Koalizioaren jatorrizko ekimena baztertu egin dute bozketan, baita Sumarren zuzenketa bat ere; aldiz, EAJren eta PSE-EEren zuzenketa bat onartu da. EH Bilduren proposamenak edukitzaile handien erregistro bat eegitea eskatzen zuen, izan pertsona fisiko naiz juridikoena, Nafarroan edo Katalunian daundenen gisan.
Interes-tasak % 2an mantendu ditu EBZk, bosgarren aldiz, merkatuek espero bezala
Europako Banku Zentraleko (EBZ) Gobernu Kontseiluak joera aldatu gabe jarraitzea erabaki du, 2025eko ekainean malgutze-zikloa eten ondoren. Ziklo horrek oinarrizko 200 puntu murriztu zuen diruaren prezioa, beheranzko zortzi doikuntzen bidez.
Hurtado sailburuak turismo-zerga 2027an EAE osoan aplikatu ahal izatea espero du
Javier Hurtado Turismo sailburuak "positibotzat" jo du aldundiek egindako foru arauaren edukia, eta hiru lurralde historikoetarako araudi "homogeneoa" dela nabarmendu du. Gainera, zerga progresiboa izatea txalotu du, "gehien duenak gehiago ordaintzea" eragingo duelako.
Bizkaian garraio publikoko deskontuak abenduaren 31ra arte luzatuko dira
14 urtetik beherako adingabeek garraioa doan izango dute urte amaierara arte eta deskontuak egongo dira Gazte tarifetan eta bidaia ugariko gainerako abonuetan. Hobari-neurriak otsailera arte zeuden indarrean, eta ostegun honetan Bizkaiko Garraio Partzuergoak erabaki du abenduaren 31ra arte mantentzea.
EAErako zerga turistikoa onartzeko aurreproiektua, martxan: eguneko 7,5 eurorainokoa izan daiteke
Egonaldi turistikoen gaineko zerga udarako indarrean izatea aurreikusten dute Araba, Bizkaia eta Gipuzkoako aldundiek. Hori bai, udalerri denetan ez da aldi berean indarrean sartuko, batzar nagusiek zerga onartu eta foru araua lurralde bakoitzeko agerkari ofizialetan argitaratu ostean, udalek sei hilabeteko epea izango dutelako udal-ordenantzak egokitzeko. Udalerri bakoitzari dagokio zerga kobratzea.