Hamar familiatik lauk zailtasunak dituzte hil amaierara heltzeko
Hamar euskal familietatik lauk zailtasunak dituzte hilabete amaierara heltzeko, eta erdiek baino gehiagok (% 56) uste dute bere egoera ekonomikoak txarrera egin duela azken hiru urteetan.
Eustaten arabera, familien % 40,9k onartu dute azken hiru urteetan murrizketak egin behar izan dituztela, krisi ekonomikoaren eraginez. 2009ko datuekin alderatuta, gora egin du (16 puntu) hori dioten familien kopuruak, baina oraingoan ez da 1994n erdietsitako langa gainditu (% 47).
Murrizketok aisialdian, janztekoetan eta oinetakoetan egin dituzte, baina aipatzekoa da itaundutakoen % 14k janarian ere egin dituztela murrizketak. Langabeziak eragin zuzena du datu honetan, izan ere, familiaren erreferentzia (etxera soldata daramana) lanik gabe egonda, murrizketak egin zituzten familien kopurua % 69koa izan da.
Etxetresnei buruz galdetuta, familia ia guztiek dute halakoren bat, baina % 16,6k diote gutxi dituztela (2009ko datuekin alderatuta, hazi egin da kopuru hori, sei puntu, zehazki). Ikus-entzunezko ekipamenduak zabalduago daude, familia guztiek baitute halakoren bat.
Gas bidezko banakako berokuntza-sistema hedatuz doa, eta etxeen % 65ean dago. Dena dela, 22.000 familia daude (% 2, 5) etxea berotzeko sistema barik, 2009an baino puntu bat gehiago.
Kalean dauden arazoei buruz galdetuta, familien % 19k hiri-segurtasuneko arazoak (lapurretak eta erasoak) aipatu dituzte. Hazi egin da eskale kopurua (sei puntu gehiago), alkoholismoa (lau puntu gehiago) eta delinkuentzia (hiru puntu gehiago) nabarmendu dituztenak.
Zure interesekoa izan daiteke
Pasaiako portuak urtean 10 milioi inbertitzea aurreikusten du, "Ardatz Atlantikoko nodo lehiakor" gisa kokatzeko
EAJren eta PSE-EEren arteko ika-mika iturri den portuaren eskumenaren transferentziaz galdetuta, Izaskun Goñi Pasaiako Portu Agintaritzako presidenteak adierazi du hori arlo politikoan argitu behar dela.
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELAk adierazi du asanbleak ez duela baliorik eta "ezin duela greba-deialdia aldatu"; aldi berean, ESK-k zalantzan jarri du bere zilegitasuna.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.
Apirilean, 3.368 langabe gutxiago zenbatu dituzte EAEn, eta 833 gutxiago, Nafarroan
Urtearteko datuak alderatuta, langabeziak behera egin du bai EAEn (-3.006) eta baita Nafarroan ere (-588).
Tubos Reunidosek hartzekodunen konkurtsoa aurkeztu du
Enpresak maiatzaren 6an bilera egingo du Trapagaran eta Amurrioko langile batzordeekin. Bestalde, Amurrioko greba mugagabearekin jarraitu ala ez erabakitzeko asanblada egin ahal izateko beharrezkoak ziren 235 sinadurak aurkeztu dituzte Lan Ikuskaritzaren aurrean.
Medikuek mahai sektoriala eratzea eskatu dute, “Osakidetzaren egitura aldatzeko”
Salatu dutenez, lanean jasaten duten "gainkargak" etengabe luzatzen diren "agenda txikle" deritzonak eragiten dizkie, eta horrek haien osasunerako kaltegarria da.