6.000 langabe gutxiago EAEn, eta 1.700 gutxiago Nafarroan
Orotara 5.934 pertsona gutxiago izan dira lan gabe maiatzean Euskadin, eta, ondorioz, langabezia tasa % 3,54 jaitsi da, aurreko hilabeteko datuekin alderatuta, Espainiako Gobernuko Enplegu Ministerioak jakinarazi duenez. Guztira, 161.507 pertsona daude lan barik EAEn.
Oro har sektore guztietan jaitsi da langabezia, baina bereziki zerbitzuen arloan. Horretan, 4.138 pertsona gutxiago daude lan gabe.
Iazko maiatzeko datuekin konparatuta, langabeen kopurua % 7,64 jaitsi da, hots, 13.360 pertsona.
Lurraldeka, Bizkaiak izan du jaitsiera handiena (% 3,97), 3.747 biztanle gutxiago baitaude langabezia zerbitzuetako zerrendetan. Hurrena Araba da, langabezia tasa % 3,01 jaitsi baita bertan (824 pertsona). Era berean, Gipuzkoan jaitsiera % 2,98koa izan da, hots, 1.362 pertsona gutxiago izan ditu langabezian.
Kontratuei dagokienez, maiatzean 71.476 sinatu dituzte, apirilean baino % 15,3 gehiago. Hala ere, kontratu mugagabeak % 1,02 jaitsi dira.
Bestalde, Nafarroan % 3,65 murriztu da langabezia tasa, apirilean baino 1.694 pertsona gutxiago baitaude lan gabe. Orotara, 44.676 nafar daude lan egin barik.
Iazko maiatzetik, langabeziak % 4,11 egin du behera (4.480 pertsona) foru erkidegoan.
Estatu osoko datuak kontuan hartuta, 117.985 pertsona gutxiago daude langabezian. 1996an datuak zenbatzen hasi zirenean izandako jaitsiera handiena izan da.
Jaurlaritza: "Enplegua bide onetik doa"
Eusko Jaurlaritzako Lan eta Gizarte Gaietarako departamentuak esan duenez, enplegua bide onetik doala erakusten dute maiatzeko datuok. Azken hamar urteotan langabeziak izan duen jaitsierarik handiena izan duela nabarmendu dute.
Angel Toña sailburuak zuzentzen duen sailaren arabera, Lanbideren bulegoetan azken bi hilabeteotan jasotako datuak 2007ko datuen parekoak dira, gutxi gora behera, "euskal ekonomiaren susperraldiaren garaikoak".
Albiste gehiago ekonomia
Zerga-bilketa % 10,8 igo da Euskadin 2025eko lehen seihilekoan
Hiru euskal ogasunek 11.173,7 milioi euro bildu zituzten uztailera arte, hau da, iazko aldi berean baino % 10,8 gehiago eta 1.092,9 milioi gehiago.
Eusko Jaurlaritzak ingurumen baimena ukatu die Balmasedako El Haya 1 eta 2 parke eolikoei
Kolitza inguruan lau aerosorgailu ezarri nahi ditu Side Recovery Systems konpainiak, baina, txostenaren arabera, eremua sai zuriaren babestokia.
KPIa hamarren bat jaitsi da Euskadin uztailean, eta % 0,2 igo Nafarroan
Urte arteko datuei dagokienez, inflazioa % 3koa da Euskadin eta % 2,7koa Nafarroan, Estatuko batez bestekoaren berdina.
Statkraftek aztertuko du Piaspe parke eolikoaren ingurumen baimenari buruzko erabakiari helegitea jarri ala ez
Parke eolikoa Gipuzkoako Azpeitia, Zestoa eta Errezil udalerrietan zegoen planifikatuta eta kontrako ingurumen-ebazpena jaso du. Enpresaren aburuz, parke eolikoa "energiaren sozializazioa bultzatzeko diseinatu zen, enpresen, administrazioen eta tokiko komunitateen inplikazioa bilatuz".
Jaurlaritzak ingurumen baimena ukatu dio Piaspe proiektu eolikoari
Eusko Jaurlaritzako Industria, Transizio Energetiko eta Jasangarritasun sailak atzera bota du Statkraft enpresak Azpeitia, Zestoa eta Errezil artean egitekoa zuen parke eolikoaren proiektua. Mendi inguru horretan eraikitzekoak zituzten errotek eta energia azpiegiturek ingurumenari kalte egingo lioketela ebatzi du txostenak.
BBVAk bere eskaintzari eutsi eta aurrera jarraitzen du Sabadell erosteko ahaleginean
Sabadelleko akziodunek ia aho batez TSB Erresuma Batuko filiala Santander bankuari saltzea onartu eta astebetera hartu du Carlos Torres buru duen konpainiak erosketa eskaintzari eusteko erabakia.
Greba Bilboko Udaltzaingoaren telefono bidezko arreta-zerbitzuan, Aste Nagusian zehar
ELAk salatu du Udalak eta Lanalden azpikontratak ez dutela negoziatu nahi zerbitzua osatzen duten bost profesionalen lan-baldintzak hobetzea.
Jaurlaritzak onartu egin du Araban bi eguzki-parke eraikitzea, bata Agurainen eta bestea Arespalditzan
Euskal Herriko Agintaritzaren Aldizkariak ostegun honetan argitaratu du bi proiektuek ingurumen baimena lortu dutela. Instalazioek 32 hektareako azalera eta 20 megawatteko potentzia izango dute.
EHNE sindikatuak salatu du Nafarroako Gobernuak urratu egin duela suteei aurre egiteko hitzartutako protokoloa
Nafarroako Gobernuak suteak saihesteko lehen sektoreko hainbat jarduerei ezarri dien murrizketa-sortak hautsak harrotu ditu. Hala, EHNE laborarien sindikatuak protesta egin du astearte honetan, salatzeko Barne Departamentuak urratu egin duela hitzartua zuten suteen kontrako protokoloa.
Trumpen muga-zergek 400 milioi inguruko eragina izango lukete Euskadin, eta 73 milioi ingurukoa, Nafarroan
Bi lurraldeek dituzten esportazio-kopuruak direla eta, merkataritza-gerrak hainbat ondorio utziko lituzke Hego Euskal Herrian. Sektore kaltetuenak automobilgintza, makina-erremintagintza, altzairugintza eta ardogintza dira.