Ibex35 % 2,22 jaitsi da, otsaileko mailara, Greziak ezetz esan ostean

Espainiako burtsaren indize nagusiak, Ibex35ek, % 2,22ko beherakada izan du, eta 10.500 puntuko mailan geratu da, otsailetik izan duen maila baxuenean, greziarrek hartzekodunen erreskatearen baldintzei uko egin ostean.

Arrisku sariak gora egin du, 160 punturaino, eta Ibex35en beherakada 239,7 puntukoa izan da, eta 10.540,1 puntuko mailan geratu da.

Ibex35eko balore nagusiak negatiboan geratu dira gaurko itxieran: BBVAk % 3,25eko galera izan du; Santanderrek, % 2,28koa; Repsolek, % 2,78koa; Telefonicak, % 2,27koa; Iberdrolak, % 2,07koa; eta Inditexek, % 1,73koa.