Roberto Larrañaga izango da Confebaskeko presidente berria
Roberto Larrañaga SEA patronal arabarrak aurkezturiko hautagaia aukeratu dute Confebaskeko presidente, Miguel Angel Lujua ordezkatzeko, euskal patronalaren Kontseilu Orokorrean, Cebek Bizkaiko patronalaren abstentzioarekin.
Bizkaiko patronalak abstentzioa eman arren hartu du erabakia Confebaskeko Kontseilu Orokorrak. Miguel Angel Lujua presidente ohiak "arrazoituriko abstentzioa" izan dela esan du.
Cebekeko presidente Iñaki Garcinuñok astelehen honetan bertan deitu ditu Bizkaiko patronalak Confebasken dituen ordezkariak, azken erabakia hartzeko, eta, azkenean, abstentziora jotzea erabaki dute.
Horrela, azkenean Roberto Larrañaga izango da Confebaskeko presidente berria, Adegi Gipuzkoako patronalak ere haren aldeko botoa eman baitu astelehen honetan egin den bilkuran.
Zure interesekoa izan daiteke
SMU medikuen sindikatuak deitutako grebaren jarraipena % 4koa da, Osakidetzaren arabera
Repsolek auzitara eraman ditu Endesa, Iberdrola, Naturgy eta Red Electrica, itzalaldiagatik
Etxebizitzaren prezioak markak hautsi ditu berriro: 6.662 €/m2 Donostian eta 4.102 €/m2 Gipuzkoan
Espainiako Gobernuak bihar onartuko du gutxieneko soldata 1.286 eurora igotzea