% 1,2 hipoteka gutxiago sinatu dira uztailean EAEn
Euskal Autonomia Erkidegoan (EAE), etxebizitzen gaineko 1.105 hipoteka sinatu dira uztailean. Beraz, ekainean baino % 9,4 gutxiago eta aurreko urteko hil berean baino % 1,2 gutxiago sinatu dira, Espainiako Estatistika Institutuak gaur jakinarazitako datuen arabera.
Urte arteko kopuruei begiratuta, EAE izan da etxebizitzen gaineko hipoteketan jaitsiera izan duen erkidego bakarra, Estatuan, batez beste, % 21,8 egin baitute gora.
Hipoteketarako maileguan emandako diru kopuruari dagokionez, 140,67 milioi eurokoa izan da; hau da, ekainean baino % 4,2 gutxiago, baina 2014ko uztailean baino % 7,4 gehiago. Estatuko batez bestekoa % 2,7 areagotu da, hilabete arteko datuei erreparatuz gero, eta % 26,6, urte artekoak alderatuta.
Nafarroan etxebizitzen gaineko 341 hipoteka erregistratu ziren uztailean. % 24,9 hazi da, beraz, 2014ko uztaileko datuekin alderatuz gero.
Estatuko datuei dagokienez, berriz, jabetza-erregistroetan jasotako etxebizitzen gaineko hipoteka kopuruak gora egin du uztailean. 21.863 hipoteka sinatu dira, 2014ko uztailean baino % 21,8 gehiago, zehazki.
Horrenbestez, azken 14 hilabeteetako goranzko joerari eutsi diote hipotekek. Dena dela, uztaileko datua 2015eko ekainekoa baino beherago kokatu da (4,5 puntu beherago, hain zuzen), aurten ekainean % 26,3 hazi baita hipoteka kopurua.
Uztailean, batez beste 104.402 euro utzi dira maileguan hipoteka bakoitzeko, 2014ko hil berean baino % 3,9 gehiago. Bankuek urtebetean maileguan utzitako kapitala, berriz, % 26,6 hazi zen, 2.282 milioi eurotik gora utzi baitzituzten maileguan bankuek etxebitzitzak erosteko.
2015eko lehen zazpi hilabeteetan, % 21,2 hazi da etxebizitzen gaineko hipoteka kopurua, 2014ko aldi bereko datuekin alderatuta. Bankuek % 25,5 gehiago utzi dute maileguan, eta hipotekak, batez beste, % 3,5 hazi dira.
Zure interesekoa izan daiteke
Euskadiko ikuskizunetako teknikariek grebari eutsi diote, lehen hitzarmen kolektiboaren negoziazioa blokeatuta dagoela salatuta
Lanuzteek abuztuaren 14an eta 26an jarraituko dute, Donostiako eta Bilboko jaiekin bat eginez.
Euskal erakundeek bazka erosketa bateratua egingo dute abeltzaintza ustiategi txikienei laguntzeko
Abuztuan egingo dute erosketa, lehorteak gogorren jo dituen ustiategien benetako beharrak zehazteko inkesta egin ondoren. Dirulaguntza zuzenak, berriz, urte amaieran aztertuko dituzte.
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.