Kutxabankek 276 aurretiko erretiro proposatu ditu
Kutxabankek langile kopurua murrizteko egitasmoa aurkeztu die sindikatuei, eta 276 aurretiko erretiro eta borondatezko kontratu eteteak proposatu ditu. Era berean, jardunaldi murrizketak ere proposatu ditu, bankuaren eraginkortasuna areagotzeko helburuarekin, sindikatuetako eta bankuko iturriek jakitera eman dutenez.
Bankuak bilera egin du sindikatuekin gaur goizean langile kopurua murrizteko dituen asmoen berri emateko, eta azpimarratu du kasu guztietan "boluntarioak" izango direla, ez direla izango "traumatikoak". 2019ra begira egindako Negozio Planaren barruan sartzen dira neurriok, urte horretan 500 milioi euroko etekinak lortzeko asmoz.
Aurreikuspenak betez gero, iazko etekinak hirukoiztu egingo dituzte horrela, Kutxabankek 150 milioi euroko etekina lortu baitzuen 2014an, 2013an baino % 38 gehiago.
1953. eta 1954. urteetan jaiotako 276 langilek aurretiko erretiroa hartzea proposatu du Kutxabankek, eta 55 urteko "gutxi batzuk" ere proposatu ditu erretiroa hartzeko. Era berean, borondatezko kontratu eteteak eta jardunaldi murrizketak ere eskainiko ditu.
Bestalde, sukurtsalak ixteari dagokionez, Kutxabankek ez du zehaztu zenbat izango diren, baina errentagarriak ez direnak bakarrik izango omen dira itxiko dituztenak, eta ez da "kopuru esanguratsua" izango.
Hala, errentagarritasunari buruzko azterketa bat egingo du, eta horren arabera erabakiko du bulegoak itxi ala ez.
Sindikatuen erreakzioa
ELAk salatu du Kutxabankek enplegua "suntsitu" egingo duela, eta lan-baldintzak "urratu" egingo dituela. Horrenbestez, zuzendaritzaren eta ordezkari politikoen jokaera "onartezina" dela kritikatu du.
Bestalde, CCOOk esan du eskaintza "etsigarria eta eskasa" dela. Horregatik, aurretiko erretiro gehiago eskaintzeko eta neurri hori 1953-1956 epean jaiotako langileei luzatzea eskatu du.
Zure interesekoa izan daiteke
Saltokietan eskuko telefonoarekin ordaintzeko aukera emango du Bizumek maiatzaren 18tik aurrera
CaixaBank, Sabadell eta Bankinter izango dira Bizum bidezko ordainketak baimentzen lehenak. Laboral Kutxak ere hilaren 18tik aurrera eskainiko du aukera, baina denda kopuru mugatu batean.
Lanera itzuli nahi duten Amurrioko Tubos Reunidoseko beharginek lantegira sartzeko autobusa izango dute asteartetik aurrera
Ostegunean, 232 langilek, CCOOk eta UGTk babestuta, greba amaitzearen eta berriro lan egitearen alde bozkatu zuten, ELA, LAB eta ESKk ordezkatutako gehiengoaren iritziaren aurka. Neurri horren helburua, enpresaren arabera, lanera itzuli nahi duten horiek lantokira segurtasun baldintza egokietan sartu eta irtetea da.
ELAk ezkutuko 28 kaleratze salatu ditu Sidenorren Azkoitiko lantegian Reinosara lekualdatzeko prozesuan
Ohar batean, enpresak esan du ez dela "kaleratze bakar bat ere" izan Azkoitian, eta 32 pertsona joango direla Reinosara, horietako bi euren borondatez.
Pasaiako portuak urtean 10 milioi inbertitzea aurreikusten du, "Ardatz Atlantikoko nodo lehiakor" gisa kokatzeko
EAJren eta PSE-EEren arteko ika-mika iturri den portuaren eskumenaren transferentziaz galdetuta, Izaskun Goñi Pasaiako Portu Agintaritzako presidenteak adierazi du hori arlo politikoan argitu behar dela.
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELAk adierazi du asanbleak ez duela baliorik eta "ezin duela greba-deialdia aldatu"; aldi berean, ESK-k zalantzan jarri du bere zilegitasuna.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.