Urkulluk Mendiari: 'Ez da murrizketarik egongo funtsezko zerbitzuetan'
Iñigo Urkullu lehendakariak aurtengo Aurrekontuetako atal "funtsezkoetan" ez dela murrizketarik egongo "bermatu" dio PSE-EEri. Gainera, hurrengo urtekoak "hazi" egingo direla aurreratu dio, "gutxi izan arren".
Agintaria Idoia Mendia PSE-EEko idazkari nagusiarekin batzartu da gaur, buruzagi sozialistak berak eskatuta. Izan ere, foru aldundien diru-bilketak behera egin duenez, zerbitzu publikoetan "murrizketak" egin zitzaketen beldur zen.
Mendiaren esanetan, sozialistek "beti" errefusatu dute "funtsezko" zerbitzu publikoetan murrizketarik egitea, eta hezkuntza, osasuna, gizarte politika eta enpleguaren eta jarduera ekonomikoaren aldeko neurriak jarri ditu horren adibide gisa.
Bileran, Urkulluk "bermatu" egin dio ez dutela egingo murrizketarik "funtsezko" zerbitzuetan, "inola ere".
Gobernuburuak azaldu duenez, diru-bilketaren jaitsiera orekatzeko, hainbat programa gauzatu gabe utziko dituzte. Horren aurrean, Aurrekontuen egikaritzeak "gertutik" behatuko dituztela esan du PSE-EEk.
Hurrengo urteko Aurrekontuei dagokienez, Urkulluk "zenbaki orokorrak" baino ez dizkio eman, Mendiaren esanetan. Joan den astean, Jaurlaritzak iragarri zuen 2016ko Aurrekontuak % 1 inguru haziko direla.
EAEko sozialisten buruak adierazi duenez, Gobernuak aurtengo Aurrekontuen "oinarriak" mantentzen baditu, eta 2013an PSE-EErekin sinatutako akordioaren nondik norakoak betetzen baditu, proiektua "aztertzeko eta hobetzeko prest" agertuko dira.
Hala ere, "murrizketaren bat" egiten badute, PSE-EEk ez dituela kontuak babestuko ohartarazi du.
Zure interesekoa izan daiteke
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "mediku sindikatu batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.
Gasteizko Udalak taxilarien guardiak arautu ditu, dekretu bidez
Dokumentuak larunbat eta jai bezperetarako guardien egutegia ezartzen du, 00:00etatik 08:00etara, eta tarte horretan gutxienez 50 taxi arituko dira zerbitzua ematen.
Etxebizitzen salerosketa % 11,6 jaitsi da EAEn, eta % 8,2 igo da Nafarroan
Donostian 418 etxebizitza salerosi dira 2026ko urtarrila eta apirila bitartean, aurreko hiruhilekoan baino % 26,8 gutxiago, eta iazko tarte berean baino % 30,8 gutxiago.
Banku-txartelari agur? Bizum bidezko ordainketa saltokietara iritsi da
NFC teknologiaren bidez egingo dira ordainketak, contactless metodoaz, erabiltzaileak Bizum aktibatuta duen banku-aplikazioaren edo Bizum Pay-ren diru-zorro digital berriaren bitartez. Ordainketa berehala egingo da, eta ez da bitartekaririk (Visa, Mastercard…) beharko. Massimo Cermelli ekonomialariaren ustez, Bizum "erakargarria izan daiteke; saltoki txiketarako, batik bat", komisioetan aurreztu dezaketelako.
Tubos Reunidosen enpresak "antolatutako" eta patronalak babestutako kanpaina bat egon dela salatu du ELAk
Mitxel Lakuntza ELA sindikatuko idazkari nagusiak enpresak azken urteetan egindako "kudeaketa tamalgarria" gaitzetsi, eta "akziodunek 170 milioiko zorra" sortu dutela salatu du.