Lan erreformaren aurkako grebak eragin handia izan du Frantzian
Jende andana elkartu da Baionan Frantziako Gobernuak sustatu duen lan erreformaren kontra deitu duten manifestazioan.
Santezpiriteko plazatik abiatu da sindikatuek eta ikasle elkarteek deitu duten ekitaldia, eta hiria zeharkatu dute Hollanderen asmoen kontra.
Bestalde, garraioan izan du bereziki eragina grebak, eta zazpi hegaldi bertan behera geratu dira Biarritzeko aireportuan, eta Espainiako Estatutik Frantziakora joatekoak ziren beste 11 hegaldi ere ez dira atera.
Hegaldiak eta trenak, bertan behera
Gobernu sozialistaren lan erreformaren kontrako greba orokorra, garraio publikoan nabaritu da gehien: tren gutxiago herrialde osoan, ohizko 3tik tren bakarra Paris inguruan, eta metroan ibiltzeko aukerak ere murriztuta hiriburuan.
Hala, Aire-kontrolatzaileen grebak Paris-Orlyko aireportuaren hegaldien % 20 bertan behera uztera behartuko zuela iragarri zuen Hegazkintza Zibileko Zuzendaritza Nagusiak (DGAC). Marseillako aireportuan ere hegaldien herena bertan behera geratzea espero da.
Gainontzeko aireportu nagusietan 40 eta 70 minutuko atzerapenak errepikatu dira goiz osoan.
Eiffel dorrea bera, munduan ordainpeko bisitari gehien jasotzen duen monumentua itxita dago, lanuzteak medio, bertako kudeatzaileek ezin dutelako segurtasuna bermatu.
Bestalde, hainbat lizeo edo institutu ere itxita egon dira, horrela aginduta edota ikasleek beraiek, haserre, eragotzi dutelako.
Prentsa ere ez da kioskoetara iritsi, eta errepideko trafikoari dagokionez, hiriburuko sarbideetan gaur metatu diren goizeko auto-ilarak, guztira 430 kilometroak izan dira, ohituraz baino ia bi aldiz gehiago.
Deialdia
Francois Hollande presidente sozialistaren Gobernuak beste greba orokor bati egin beharko dio aurre gaur, Frantzian. Lanuztea sindikatu gehienek deitu dute lan erreformaren aurka.
Frantzia osoan manifestazioak eta mobilizazioak izango dira. Parisen protesta Italia Plazan egin dute, 12:00etan.
Ikasleen bi elkartek (Unef eta UNL) lau sindikatu nagusiren (CGT, FO, FSU eta SUD) deialdiarekin bat egin dute, Myriam El Khomri Lan ministroaren lege-proiektua atzera botatzea eskatzeko.
Otsailaren amaieran egitasmoaren puntu batzuk filtratu ziren eta protesta-oldea hasi zen. Martxoaren 9an 200.000 bat pertsonek, buruzagien arabera, eta 450.000 bat lagunek, antolatzaileen hitzetan, kaleak hartu zituzten.
Zure interesekoa izan daiteke
Bizkaiko Aldundiak iragarritako aldaketa fiskalek langileen artean desberdintasunak sortzen dituztela salatu du ELAk
Aldundiak beherapen fiskalak eskaini nahi ditu enpresak bertan errotzeko eta langileak erakartzeko. ELAren arabera, "enpresarien zerbitzura" egindako neurriak dira, eta langileen artean ezberdintasunak sortuko dituzte.
Araban, AP-68a % 70 merkeago izango dute autoek, eta % 50, kamioiek
Foru Aldundiak azaroan hartuko du bere gain bide horren Arabako zatiaren kudeaketa. Tarifen helburua lurraldeko gaitasun handiko bideen "zaintzeko eta modernizatzeko baliabideak biltzea" izango dela adierazi du.
Osakidetzak deitutako EPEaren azterketak gainditu dutenen batez besteko tasa % 90 ingurukoa da
Epaimahaiek berehala zuzentzen dituzte azterketak, eta Osakidetzak egun berean edo hurrengo egunean argitaratzen ditu notak. Normaltasunez eta gorabeherarik gabe egin dituzte probak.
Osakidetzako EPEaren azken egun handia BECen
Guztira, 13.112 pertsonak eman dute izena Erizaintzako hautaprobak egiteko. Administrari laguntzaile (16.728 hautagai) eta administrari (9.821) lanpostuak betetzeko azterketak ere egin dituzte goizean.
Kutxa Fundazioak Elgoibarko Geminis enpresa erosi du
Lehendik erosita zuen Itziarko Gurutzpe enpresarekin batzea da operazioaren asmoa, talde indartsu baten bidez nazioartean lehiatu ahal izateko. Guztira 70 milioi euro fakturatzea espero dute.
Medikuek "benetako negoziazioa" eskatu dute, "greba mugagabea saihestu" nahi bada
"Lanbidearen garrantzia eta berezitasuna onartua izan arte", mobilizatzen jarraituko dutela ziurtatu du Euskadiko Medikuen Sindikatuak.
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.
Albiste izango dira: Saretzen mugikortasunari buruzko azterlana, Osakidetzako inoizko LEP handiena eta "Mitoaroa III"
Gaurkoan Orain-en albiste izango direnen laburpena, bi hitzetan.
Nafarroak etxebizitza berrien stocka agortu zuen 2025eko amaierarako, eta Euskadik % 0,23ra murriztu zuen
Urte amaieran, 2.502 etxebizitza zeuden saldu gabe Euskal Autonomia Erkidegoan (EAE). Espainiar Estatuan, berriz, saldu gabeko etxebizitza berrien stocka 452.670 etxebizitzakoa izan zen.