Zumarragako alkateak lantegia ixtearen aurka egin du Luxenburgon
Zumarragako lantegia ixtearen aurka dagoela jakinarazi dio Mikel Serrano alkateak ArcelorMittaleko zuzendaritzari Luxenburgon.
Eider Gardiazabal PSOEko eurodiputatuarekin batera, Serrano Mary Varkados ArcelorMittal Europako Komunikazio zuzendariarekin eta Pascal Moisy Harremanetarako gerentearekin bildu da multinazionalaren egoitzan, Luxenburgon.
Bileran, Augustine Kochuparampil ArcelorMittaleko presidenteordeari zuzendutako gutun bat eman die alkateak. “Zuzendaritzaren egitasmoari” aurre egiteko “konpromiso irmoa” agertu du Serranok gutunean.
Aukerak
Itxiera saihestearen aldeko apustua egin du alkateak, eta “Zumarragako lantegiak zabalik jarraitzeko aukerak negoziatzeko jarrerarik onena” erakutsi dio enpresari, Udalak agiri batean jakitera eman duenez.
“Lantegia ixteko erabakiak gure herriarentzat eta zuzenean edo zeharka fabrikarekin lotura duten milaka familiarentzat ondorio onartezinak ekarriko ditu”, adierazi du alkateak.
"Enpresarik gabeko etorkizunik ez dugu ikusten”
ArcelorMittalek eragin handia du herriaren jarduera ekonomiko eta fiskalean, horren esanetan, eta “ez dugu ikusten herriaren eta herritarren etorkizuna enpresarik gabe”, erantsi du.
Espainiako, Euskadiko eta Gipuzkoako Aldundiko ordezkariekin eta eskualde horretako alkateekin biltzeko eskatu dio Zumarragako alkateak Kochuparampili.
Ixteko arrazoiak “ez dira legezkoak”, ELAren ustez
ELAren arabera, ArcelorMittalek “mozkin handiagoa lortu nahi du beste lantegi batzuk betez”, horregatik erabaki du Zumarragako lantegia ixtea, baina “hori ez da enpresa ixteko legezko arrazoi bat ez”, gaineratu du sindikatu abertzaleak.
Luis Fernandez ELAko Industria Federakundeko idazkari nagusiaren ondokoak, Zumarragako enpresa-batzordeko kideek eta Xabier Olaizola eskualdeko arduradunak prentsaurrekoa eman zuten atzo Donostian, iragan astean sindikatuak zuzendaritzari eman zion agiriaren edukia azaltzeko. ELAren ahotan, talde siderurgikoak lantegia ixteko emandako argudioak “zapuztu” egiten ditu dokumentuak.
Zure interesekoa izan daiteke
Oiartzunen atzo izandako istripuan hildako gizona lanean ari zen ezbeharra gertatu zenean
Biktima 61 urteko azpeitiar bat da. Antza, gasolindegiko zutoin baten kontra talka egin zuen laneko furgonetarekin.
Ondarroako itsas zabaleko flotak berehalako irtenbideak eskatu dizkio Espainiako Arrantza Ministerioari
"Gasolioaren prezioaren igoerak blokeatuta uzten gaitu, gaur egun itsasora ateratzeak dirua galtzea baitakar", esan du Ondarroako itsas zabaleko flotaren gerente Mikel Ortizek, eta zehaztu du, batez beste, astean 20.000 euro inguru ari direla galtzen arrantzara ateratzen diren itsasontziak.
ELAk zerbitzu publikoak hobetzeko premiazko neurriak eskatu dizkio Pradalesi, eta gutxieneko soldataren aldeko urratsak galdegin ditu
Mikel Lakuntzak politika publikoetan "norabide aldaketa" eskatu dio lehendakariari, zerbitzu publikoen "gainbehera" lehengoratzeko eta patronalari presioa egiteko, Euskadin gutxieneko soldata ezar dadin.
LAB: Pradalesen Gobernuak "suspentso atera du" langileen aldeko politiketan
Garbiñe Aranburuk zalantzan jarri du lehendakariarekin egindako bilera-sortaren sinesgarritasuna, eta elkarrizketa soziala instituzionalizatzeko legea bertan behera uzteko eskatu dio Imanol Pradalesi.
EHUren intersindikalak salatu du Unibertsitate Lege berriak unibertsitate publikoari beharrean, pribatuari egiten diola mesede
Sindikatuok "kezka handia" agertu dute Unibertsitate Lege berriarekin, eta salatu unibertsitate pribatuei diru publikoa jasotzeko bidea errazten diela, publikoaren kaltetan. Hain justu, EHUren "arazo larriena azpifinantzaketa" dela nabarmendu dute.
Greba deitu dute Bizkaiko metal merkataritzan urriaren 7rako, lan hitzarmen berri baten alde
ELA, UGT, CCOO eta LAB sindikatuek soldatak KPIaren arabera eguneratzea eta lanaldia Bizkaiko merkataritzako beste hitzarmen batzuetan ezarritako urteko 1.725 orduetara murriztea.
Gipuzkoako gasolindegietako langileak kalera atera dira lan-hitzarmen berriaren alde
Gipuzkoako gasolindegietako langileek elkarretaratzea egin dute Lan Harremanen Kontseiluaren egoitzaren aurrean, hitzarmen berriaren negoziazioen blokeoa salatzeko. Ia bi urteko prozesuaren ostean, langileak kexu dira patronalak ez duelako erakusten elkarrizketarako borondaterik. Akordiorik lortu ezean, iragarri dute datozen asteetan mobilizazioak areagotu ditzaketela.
Inoizko mahats bilketarik goiztiarrena egin dute Arabako Errioxan, klima aldaketak eraginda
Tenperatura altuak izan dira eta ez du ia euririk egin. Horren ondorioz, apenas egon da onddoek eragindako gaixotasunik, eta mahatsaren kalitatea "bikaina" da. Ifrentzuan, baldintza meteorologikoek alkohol graduazioa igoarazi dute; "upategian konpentsatu beharko dute hori", azaldu dute.
Bateriekin izandako intzidentzia batek auto elektrikoen ekoizpena geldiarazi du Nafarroako Volkswagenen
Hornitzaileak arazoa konpondu du eta normaltasunez ekoizten ari da; hortaz, Nafarroako Volkswagenek jarduerari "berehala" ekitea espero du.
CCOOk Pradalesi hainbat eskumenen aurrean dituen "zuhurtziak" azaldu dizkio, langile askori eragiten dietelako
CCOO Euskadiko idazkari nagusi Santiago Martinezek Gernikako Estatutua oso-osorik betetzearen alde egin du lehendakariaren aurrean, baina "zuhurtzia" agertu du eskumen-transferentzia batzuen aurrean, hala nola FOGASAren edo pentsioen ingurukoen aurrean; izan ere, langile askori eragiten diete, eta, azpimarratu duenez, "ondo egin behar dira".