Ekoizpena guztiz eten egin dute Zumarragako Arcelor Mittal lantegian
Zumarragako Arcelor Mittaleko plantak erabat eten du ekoizpena astearte honetan, zuzendaritzak hala erabakita.
Enpresako zuzendaritzak eta langileen batzordeak beste bilera bat egingo dute asteazken honetan lantegian bertan. Arcelor Zumarragatik Europa Press albiste agentziari jakinarazi diotenez, enpresak bere horretan jarraituko du, langileen kokapenaren proposamenaren inguruan, bihar, asteazkena, 15:30etan egitekoa duten bileran. Proposamen horren arabera, 342 pertsonetatik, 268 Asturiasera eramango dituzte, 50 EAEn eta Nafarroan non kokatuko dituzten zain daude eta 24k aurretiazko erretiroa hartuko dute. Enpresak espero du eskaintza "eztabaidatzen hastea", langileen ordezkariekin.
Gaurtik aurrera, zortzi langile soilik geratu dira txatarra parkea kudeatzen. Gainerakoak Asturiasko eta Euskal Herriko beste lantegi batzuetan birkokatu nahi ditu zuzendaritzak. Ekoizpena etenda, langileek bertan behera utzi dute biharko eskualde mailan deituta zuten greba orokorra.
Joan den astean labeak itzali ostean, gaur ijezketa edo laminazio trena eten dute. Zumarragako faktorian eta eskualdean greba orokor baten bezpera zen izatekoa gaurkoa, baina bertan behera utzi dute deialdia Arcelor Mittaleko langileek.
Greba bertan behera uzteko arrazoien artetik okerrena dute esku artean: jarduna gaur bertan geratuko da bertan behera. Jardunik ez duen lantegi baten jarduna greba eginez eteteak ez duela zentzurik pentsatuta, eta erabaki horretan eskualde osoa inplikatu nahi ez dutelako, bihar ez da lanuzterik izango Urola Garaian.
Mobilizazioak
Ondorioz, 24 orduko lanuztea bertan behera uztea erabaki zuen enpresa-batzordeak, baina mobilizazioek jarraituko dute. Horrela, giza katea eta elkarretaratzea egingo dituzte asteazkenean, negoziazio mahaiaren bileraren aurrean.
Giza katea 11:00etan abiatuko da Zumarragako lantegitik, eta 13:00etan helduko da Urretxura; fabrikaren aurrean elkarretaratzea egingo dute 15:30ean.
Txinako altzairuaren dumping-ak eta argindarraren garestitzeak kinka larrian jarri dute Zumarragako planta, ateak ixteraino.
Langileen eta Eusko Jaurlaritzaren ustez, behar diren inbertsioak egin eta jarduna bideratuz gero, etorkizuna izan lezake Arcelorrek. Arantxa Tapiaren Sailak proposamen bat ere egin zion enpresari, baina erabakia tinko hartu du multinazionalak; faktoria itxi, txatarra arloan zortzi langile utzi eta beste guztiak Euskal Herriko eta Asturiasko lantegietan kokatzea erabaki zuen, eta hori egin du.
Zure interesekoa izan daiteke
Inoizko mahats bilketarik goiztiarrena egin dute Arabako Errioxan, klima aldaketak eraginda
Tenperatura altuak izan dira eta ez du ia euririk egin. Horren ondorioz, apenas egon da onddoek eragindako gaixotasunik, eta mahatsaren kalitatea "bikaina" da. Ifrentzuan, baldintza meteorologikoek alkohol graduazioa igoarazi dute; "upategian konpentsatu beharko dute hori", azaldu dute.
Bateriekin izandako intzidentzia batek auto elektrikoen ekoizpena geldiarazi du Nafarroako Volkswagenen
Hornitzaileak arazoa konpondu du eta normaltasunez ekoizten ari da; hortaz, Nafarroako Volkswagenek jarduerari "berehala" ekitea espero du.
CCOOk Pradalesi hainbat eskumenen aurrean dituen "zuhurtziak" azaldu dizkio, langile askori eragiten dietelako
CCOO Euskadiko idazkari nagusi Santiago Martinezek Gernikako Estatutua oso-osorik betetzearen alde egin du lehendakariaren aurrean, baina "zuhurtzia" agertu du eskumen-transferentzia batzuen aurrean, hala nola FOGASAren edo pentsioen ingurukoen aurrean; izan ere, langile askori eragiten diete, eta, azpimarratu duenez, "ondo egin behar dira".
UGTk enpresen irabaziak soldatetara bideratzeko eskatu dio Pradalesi
UGT Euskadiko batzorde kudeatzaileko presidente Jose Manuel «Tximi» Lopezek enpresa handien irabaziak langileen soldatetan islatu behar direla defendatu du Imanol Pradales lehendakariaren aurrean, eta Eusko Jaurlaritzari eskatu dio bitartekari lanak egin ditzala euskal patronala hitzarmenen bidezko gutxieneko soldata interprofesionala negoziatzera esertzeko.
Ondarroako arraste flota: "Gasolioaren prezioarekin itsasora irteteak diru galera dakar"
Gasolio profesionala % 227 garestitu da otsailetik, eta Ondarroako Alturako Arrantza Ekoizleen Elkarteak salatu duenez, igoera hori arrantzaleek asumitu behar dute, handizkariak finkatzen duelako arrainaren erosketa-prezioa.
Gazteentzako hipotekak: zer hartu kontuan sinatu aurretik eta zer dira Gazteaval laguntzak?
EKA kontsumitzaileen elkarteak gutxienez hiru edo lau banketxeren eskaintzak alderatzea, presarik ez izatea eta Urteko Tasa Baliokideari, lotutako produktuei eta benetako ordainketa-ahalmenari erreparatzea gomendatzen du. Gazteaval programari esker, gainera, zenbait kasutan etxebizitzaren balioaren % 80tik gorako finantzaketa lor daiteke.
Bizkaiko Foru Aldundiak arau fiskal berriaren proiektua onartu du, EAJren botoekin eta PSE-EEren abstentzioarekin
Foru erakundearen arabera, EAJk eta PSE-EEk "gutxieneko akordioa" lortu dute, eta testua Batzar Nagusietara bidaliko dute, Legebiltzarrean izapidetzen hasteko.
Hipotekak 600 euro baino gehiago garestituko dira urtean, maileguan hartutako 100.000 euro bakoitzeko
ASUFINen arabera, euriborra % 3,2an kokatuko da irailean, eta tasa aldakorreko hipotekak garestituko ditu.
EBZk tasak % 2,5era igo ditu eta inflazioak epe luzean altu jarraituko duela ohartarazi du
Erakundeak hiru tasa ofizialak 25 oinarri-puntutan igo ditu, urteko bigarren igoeran, prezioen gorakadaren ondorioz.
"Eusko Jaurlaritzak ez du Osakidetzaren kolektibo guztien egoera hobetzeko borondaterik"
SATSE, ELA, LAB, CCOO eta UGT sindikatuek bost greba egun iragarri dituzte urritik abendura bitartean, Osakidetzako kolektibo guztientzako lan-baldintza hobeak eta "benetako edukiak dituen benetako negoziazioa" aldarrikatzeko.