Ehunka lagun, Zumarragako Arcelor Mittalen itxieraren aurka
Zumarragako Arcelor lantegiko beharginek protesta eguna dute izan dute. 24 orduko lanuztea egin dute eta, 18:00etan, manifestazioa egin dute, 'Arcelor Zumarraga ez itxi' lelopean, fabrikaren bideragarritasuna exijitzeko.
Mobilizazioa Urretxun hasi da eta Zumarragako lantegiaren aurrean amaitu da. Manifestazioaren buruan langileak joan dira, haien senideek eta lagunek babestuta. Ehunka herritarrek ere parte hartu dute manifestazio jendetsuan.
Zuzendaritzak atzo gauean abiarazi zuen lantegia ixteko prozesua, labea geldituta. Datorren astean itxiko dute laminazio trena, eta, aurrerantzean, txatarra parkea solik geratuko da zabalik; bertan zortzi behargin arituko dira bakarrik.
Leo Bote enpresa-batzordeko presidenteak Radio Euskadin jakitera eman duenez, Olaberriako eta Bergarako lankideek ere lau orduko lanuztea egin dute gaur, 12:00etatik 16:00etara, eta Gijongo eta Avileseko lantegietan ere elkarretaratzeak egin dituzte.
Olaberriako eta Bergarako fabriketako beharginak auto-ilaran joan dira Zumarragako lantegira arte, bertako langileen elkarretaratzearekin bat eginez, 13:00etatik 15:00etara.
Bestalde, enpresa-batzordeak datozen asteetan mobilizazio gehiago egitea adostu du, Zumarragako lantegiaren bideragarritasuna defendatzeko. Gauzak horrela, apirilaren 20an greba orokorra deitu dute Urola Garaian, eskualdearen babesa lortu asmoz.
Horrez gain, sindikatu guztiek, euskal industriaren defentsan, modu bateratuan apirilaren 23an Bilbon deitutako manifestazioarekin bat egingo dutela iragarri dute. "Han izango gara, gure laneko arropekin eta gure aldarrikapenekin", erantsi dute.
Bilerak
Bestalde, asteazkenean dute bigarren bilera zuzendaritzak eta enpresa-batzordeak, baina, gauzak dauden bezala, gehiago ematen du langileen egoeraz eta beste lanpostu bat emateaz hitz egiteko izango dela. Hala, asteazkenean berriz bilduko dira 15:30ean, eta ostiralean 11:00etan.
"Inbertsioekin lantegia errentagarria" izan daitekeela esan dute beharginek behin eta berriro. Multinazionalaren ustez, aldiz, "ezinezkoa" da Zumarragako fabrika lehiakorra izatea. Horregatik, langile gehienak Asturiasen dituen lantegietara eramatea planteatu du konpainiak, eta gainerako beharginei EAEko fabriketan lanpostu berri bat ematea.
Bestalde, Eusko Jaurlaritzarekin ere bilera egitekoa du zuzendaritzak, baina ez dute noiz bilduko diren zehaztu, batzarra diskrezioz egin nahi dutelako. Erakundeek langileekin batera egindako agiria aurkeztuko dio Exekutiboak zuzendaritzari, lantegia zabalik jarraitzea posible dela konbentzitzeko.
Zure interesekoa izan daiteke
Donostiako Atotxako geltokiko lanak azken fasean, AHTaren iritsieraren zain
Urumea eta Egia lotzen dituen pasabidea erabat zabaldu dute eta trenbideen gainean 5.700 m2-ko plaza zabal bat eraiki dute. 2027an jakingo da noiz iritsiko den AHT-a Donostiara, Espainiako Gobernuaren hitzetan.
Petronorrek 27,8 milioi irabazi zituen 2025ean, aurreko urtean baino % 61 gutxiago, itzalaldiaren eta hiru hilabeteko grebaren eraginez
Konpainiak apirileko itzalaldiaren eraginari eta urteko azken hiruhilekoko lan-gatazkari egotzi die irabazien beherakada. Hala ere, inbertsioak % 48 igo zituen, 217,8 milioi euroraino.
Petrolioaren prezioa % 5 jaitsi da, 98 dolar ingururaino, AEBren eta Iranen arteko elkarrizketen traza ona dela eta
Brenta 98,1 dolarretan kotizatzen da gaur goizean, joan den ostiralean Europan burtsak ixtean kotizatzen zen 103 dolarretatik behera, % 5,2 gutxiago, zehazki. Ekialde hurbileko gerra laster bukatuko den itxaropenak bultzatuta, Asiako Burtsak igoerekin ekin diote egunari eta Burtsa europarren gerorako inbertsioek ere % 1 egin dute gora.
Lekeitioko arrantzale bat hil da Senegalgo uretan
Bermeoko ATUNSA enpresako langilea zen. LAB sindikatuaren esanetan, "heriotza ez traumatiko" gisa sailkatu dute, eta enpresa horretan aurten izan den bigarren heriotza ez traumatikoa izan dela salatu du.
Pakistandarrak lanean esplotatzeagatik ikertutako hiru pertsonak aske utzi dituzte, Espainiatik irtetea galarazita
Ikertuek epailearen aurrean ez deklaratzeko eskubideari heldu diote, eta epaileak pasaportea kentzea eta hileko lehenengo egunean eta hamabosgarrenean epaitegian agertzea agindu du.
A-15 autobidea osorik zabalduko dute igandean, tunelak egokitzeko lanak guztiz amaitu ostean
Asteburuan behin-behineko seinaleak eta obrako gainerako elementuak kenduko dira eta, lanak bukatzeko, Andoain eta Berastegi artean itxita egongo da errepidea, ostiral gauetik igandera bitarte.
Iberdrolak 125. urteurrena ospatu du Bilbon, begirada "argindarraren aroan" jarrita
Iberdrolak bere 125. urteurrena ospatu du astearte honetan, Bilboko egoitzan. Erakundeetako eta enpresa munduko ordezkariak bildu ditu ekitaldiak, eta konpainiaren historia gogora ekarri dute. "Argindarraren aroa" deiturikoan jarri dute etorkizunerako begirada. Bere hitzartzean, Ignacio Sanchez Galan Iberdrolaren presidenteak esan du "euskal sustraiak" inoiz galdu ez dituen "proiektu integratzaile baten emaitza" dela gaur egungo konpainia.
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.