Zumarragako Arcelor lantegiaren itxiera hasi dute gauean
ArcelorMittal konpainiaren Zumarragako lantegiaren itxiera prozesua martxan da; izan ere, gauean hasi dira labea ixten eta datorren astean itxiko dute laminazio trena.
Laminazio trena “gutxi gorabehera astebete gehiago” egongo da martxan, ondoren amaitutako produktuari irteera emateko beste egunen bat beharrezkoa izango da, jakinarazi dute Indiako multinazionalaren iturriek.
Hala, iragarpenen arabera, lantegia datorren astearen amaieran itxiko dute, eta txatarra parkea bakarrik geratuko da zabalik. Bertan zortzi beharginek lan egingo dute, enpresaren proposamenaren arabera.
24 orduko lanuztea
Mobilizazioei dagokienez, beharginak 24 orduko lanuztea egiten ari dira astearte honetan. Leo Bote enpresa-batzordeko presidenteak Radio Euskadin jakitera eman duenez, Olaberriako eta Bergarako lankideek ere lau orduko lanuztea egiten ari dira gaur, 12:00etatik 16:00etara.
Bi lantegi horietako beharginak auto-ilaran joano dira Zumarragako lantegira arte, bertako langileen elkarretaratzearekin bat egiteko, 13:00etatik 15:00etara. Gainera, 18:00etan manifestazioa egingo dute, Urretxutik abiatuta.
Asteazkenean dute bigarren bilera zuzendaritzak eta enpresa-batzordeak, baina, gauzak dauden bezala, gehiago ematen du langileen egoeraz eta beste lanpostu bat emateaz hitz egiteko izango dela. Hala, asteazkenean berriz bilduko dira 15:30ean, eta ostiralean 11:00etan.
“Inbertsioekin lantegia errentagarria” izan daitekeela esan dute beharginek behin eta berriro. Multinazionalaren ustez, aldiz, "ezinezkoa" da Zumarragako fabrika lehiakorra izatea. Horregatik, langile gehienak Asturiasen dituen lantegietara eramatea planteatu du konpainiak, eta gainerako beharginei EAEko fabriketan lanpostu berri bat ematea.
Bestalde, Eusko Jaurlaritzarekin ere bilera egitekoa du zuzendaritzak, baina ez dute noiz bilduko diren zehaztu, batzarra diskrezioz egin nahi dutelako. Erakundeek langileekin batera egindako agiria aurkeztuko dio Exekutiboak zuzendaritzari, lantegia zabalik jarraitzea posible dela konbentzitzeko.
Zure interesekoa izan daiteke
Inoizko mahats bilketarik goiztiarrena egin dute Arabako Errioxan, klima aldaketak eraginda
Tenperatura altuak izan dira eta ez du ia euririk egin. Horren ondorioz, apenas egon da onddoek eragindako gaixotasunik, eta mahatsaren kalitatea "bikaina" da. Ifrentzuan, baldintza meteorologikoek alkohol graduazioa igoarazi dute; "upategian konpentsatu beharko dute hori", azaldu dute.
Bateriekin izandako intzidentzia batek auto elektrikoen ekoizpena geldiarazi du Nafarroako Volkswagenen
Hornitzaileak arazoa konpondu du eta normaltasunez ekoizten ari da; hortaz, Nafarroako Volkswagenek jarduerari "berehala" ekitea espero du.
CCOOk Pradalesi hainbat eskumenen aurrean dituen "zuhurtziak" azaldu dizkio, langile askori eragiten dietelako
CCOO Euskadiko idazkari nagusi Santiago Martinezek Gernikako Estatutua oso-osorik betetzearen alde egin du lehendakariaren aurrean, baina "zuhurtzia" agertu du eskumen-transferentzia batzuen aurrean, hala nola FOGASAren edo pentsioen ingurukoen aurrean; izan ere, langile askori eragiten diete, eta, azpimarratu duenez, "ondo egin behar dira".
UGTk enpresen irabaziak soldatetara bideratzeko eskatu dio Pradalesi
UGT Euskadiko batzorde kudeatzaileko presidente Jose Manuel «Tximi» Lopezek enpresa handien irabaziak langileen soldatetan islatu behar direla defendatu du Imanol Pradales lehendakariaren aurrean, eta Eusko Jaurlaritzari eskatu dio bitartekari lanak egin ditzala euskal patronala hitzarmenen bidezko gutxieneko soldata interprofesionala negoziatzera esertzeko.
Ondarroako arraste flota: "Gasolioaren prezioarekin itsasora irteteak diru galera dakar"
Gasolio profesionala % 227 garestitu da otsailetik, eta Ondarroako Alturako Arrantza Ekoizleen Elkarteak salatu duenez, igoera hori arrantzaleek asumitu behar dute, handizkariak finkatzen duelako arrainaren erosketa-prezioa.
Gazteentzako hipotekak: zer hartu kontuan sinatu aurretik eta zer dira Gazteaval laguntzak?
EKA kontsumitzaileen elkarteak gutxienez hiru edo lau banketxeren eskaintzak alderatzea, presarik ez izatea eta Urteko Tasa Baliokideari, lotutako produktuei eta benetako ordainketa-ahalmenari erreparatzea gomendatzen du. Gazteaval programari esker, gainera, zenbait kasutan etxebizitzaren balioaren % 80tik gorako finantzaketa lor daiteke.
Bizkaiko Foru Aldundiak arau fiskal berriaren proiektua onartu du, EAJren botoekin eta PSE-EEren abstentzioarekin
Foru erakundearen arabera, EAJk eta PSE-EEk "gutxieneko akordioa" lortu dute, eta testua Batzar Nagusietara bidaliko dute, Legebiltzarrean izapidetzen hasteko.
Hipotekak 600 euro baino gehiago garestituko dira urtean, maileguan hartutako 100.000 euro bakoitzeko
ASUFINen arabera, euriborra % 3,2an kokatuko da irailean, eta tasa aldakorreko hipotekak garestituko ditu.
EBZk tasak % 2,5era igo ditu eta inflazioak epe luzean altu jarraituko duela ohartarazi du
Erakundeak hiru tasa ofizialak 25 oinarri-puntutan igo ditu, urteko bigarren igoeran, prezioen gorakadaren ondorioz.
"Eusko Jaurlaritzak ez du Osakidetzaren kolektibo guztien egoera hobetzeko borondaterik"
SATSE, ELA, LAB, CCOO eta UGT sindikatuek bost greba egun iragarri dituzte urritik abendura bitartean, Osakidetzako kolektibo guztientzako lan-baldintza hobeak eta "benetako edukiak dituen benetako negoziazioa" aldarrikatzeko.