Eskatutako informazioa helarazi die Arcelor Mittalek langileei
Arcelor Mittalen zuzendaritzak Zumarragako lantegiko beharginen ordezkariei eskatutako informazioa eman die ostiral honetan egindako bileran. Zuzendaritzak lantegiaren itxiera justifikatzeko erabili duen txosten ekonomikoa oso-osorik aztertu nahi du enpresa-batzordeak.
Zuzendaritzaren eta enpresa-batzordearen iturriek baieztatu dutenez, gaurko bileran ez da negoziaziorik izan eta bi aldeek euren jarrerei eutsi diete.
Enpresak bere planarekin aurrera jarraitzen du eta Zumarragako fabrikako jarduera datorren asteartean geldituko du. Langileek ordezkariek, berriz, lantegiaren funtzionamendua bermatuko duen plan industriala diseinatzea exijitzen dute.
Arcelor Mittaleko zuzendaritzatik adierazi dute ez daudela behartuta enpresa-batzordeak eskatutako informazio ematera, baina “keinu honekin negoziazio prozesua ahalbidetu nahi dugu”.
Hurrengo bilera asteazkenean
Leo Bote enpresa-batzordearen presidenteak azaldu duenez, orain sindikatu bakoitzak bere aldetik aztertuko du gaur jasotako informazioa; beraz, hurrengo bilera astelehenetik asteazkenera atzeratzea adostu dute bi aldeek.
Horrez gain, Botek azaldu du negoziazioan “erabakitzeko ahalmena” izango duen Arcelor Mittaleko zuzendariren bat egotea eskatu dutela.
Bitartean, langile ordezkariek berean jarraitzen dute, hau da, Zumarragako fabrikako lanpostu guztiak mantentzea eta fabrika bideragarri egingo duen industria plana lantzea. Enpresak, ordea, langileak beste lantoki batzuetara eramatea negoziatu nahi du soilik.
Arcelor Mittalen asmoa da Zumarragako fabrikan txatarrerako parkea bakarrik mantentzea, eta hor zortzi beharginek egiten dute lan. Zumarragako lantegian 350 langile daude.
Zumarragako 268 langile Asturiaseko plantara eramatea proposatzen du zuzendaritzak; beste 50 Euskal Herriko lantegietara eramango lituzkete; eta gainerakoei erretiroa aurreratzea planteatu du.
Mobilizazioak
Bestalde, mobilizazioen egutegian aldaketa batzuk egin dituzte langileek. Hilaren 20rako greba orokorra deitu behar zuten eskualdean, baina fabrikako jarduera bezperan geldituko dutenez, lanuztea bertan behera uztea erabaki dute, egun horretan lanik egongo ez delako.
Gauzak horrela, apirilaren 20an giza katea eta elkarretaratzea egingo dituzte, laugarren bileraren aurretik. Batzarra Zumarragako lantegian izango da.
Zure interesekoa izan daiteke
Jose Antonio Santano: "AHTren Nafarroarekiko loturari buruzko erabakia aurten hartu beharko da"
Garraio estatu idazkariak berretsi du kontuan hartuko direla Aralar mendilerroan egiten ari diren zulaketen emaitzak, baita ibilbideen denboren azterketa funtzionalak emandako ondorioak, kostu ekonomikoak eta obren epeak ere.
Donostiako Atotxako geltokiko lanak azken fasean, AHTaren iritsieraren zain
Urumea eta Egia lotzen dituen pasabidea erabat zabaldu dute eta trenbideen gainean 5.700 m2-ko plaza zabal bat eraiki dute. 2027an jakingo da noiz iritsiko den AHT-a Donostiara, Espainiako Gobernuaren hitzetan.
Petronorrek 27,8 milioi irabazi zituen 2025ean, aurreko urtean baino % 61 gutxiago, itzalaldiaren eta hiru hilabeteko grebaren eraginez
Konpainiak apirileko itzalaldiaren eraginari eta urteko azken hiruhilekoko lan-gatazkari egotzi die irabazien beherakada. Hala ere, inbertsioak % 48 igo zituen, 217,8 milioi euroraino.
Petrolioaren prezioa % 5 jaitsi da, 98 dolar ingururaino, AEBren eta Iranen arteko elkarrizketen traza ona dela eta
Brenta 98,1 dolarretan kotizatzen da gaur goizean, joan den ostiralean Europan burtsak ixtean kotizatzen zen 103 dolarretatik behera, % 5,2 gutxiago, zehazki. Ekialde hurbileko gerra laster bukatuko den itxaropenak bultzatuta, Asiako Burtsak igoerekin ekin diote egunari eta Burtsa europarren gerorako inbertsioek ere % 1 egin dute gora.
Lekeitioko arrantzale bat hil da Senegalgo uretan
Bermeoko ATUNSA enpresako langilea zen. LAB sindikatuaren esanetan, "heriotza ez traumatiko" gisa sailkatu dute, eta enpresa horretan aurten izan den bigarren heriotza ez traumatikoa izan dela salatu du.
Pakistandarrak lanean esplotatzeagatik ikertutako hiru pertsonak aske utzi dituzte, Espainiatik irtetea galarazita
Ikertuek epailearen aurrean ez deklaratzeko eskubideari heldu diote, eta epaileak pasaportea kentzea eta hileko lehenengo egunean eta hamabosgarrenean epaitegian agertzea agindu du.
A-15 autobidea osorik zabalduko dute igandean, tunelak egokitzeko lanak guztiz amaitu ostean
Asteburuan behin-behineko seinaleak eta obrako gainerako elementuak kenduko dira eta, lanak bukatzeko, Andoain eta Berastegi artean itxita egongo da errepidea, ostiral gauetik igandera bitarte.
Iberdrolak 125. urteurrena ospatu du Bilbon, begirada "argindarraren aroan" jarrita
Iberdrolak bere 125. urteurrena ospatu du astearte honetan, Bilboko egoitzan. Erakundeetako eta enpresa munduko ordezkariak bildu ditu ekitaldiak, eta konpainiaren historia gogora ekarri dute. "Argindarraren aroa" deiturikoan jarri dute etorkizunerako begirada. Bere hitzartzean, Ignacio Sanchez Galan Iberdrolaren presidenteak esan du "euskal sustraiak" inoiz galdu ez dituen "proiektu integratzaile baten emaitza" dela gaur egungo konpainia.
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.