Beste modelo bat ekoitziko du Volkswagenek Landabenen
Volkswagenek iragarri du beste modelo bat, bigarrena, ekoitziko duela Landabengo (Iruña) lantegian, 2018tik aurrera.
Lehen aldia izango da Landabengo lantegian bi modelo egingo dituztena, eta hori lehiakortasuna hobetzeko zuzendaritzak eta UGT, CCOO eta CGC sindikatuek martxoan sinatutako akordioari esker izango da.
Francisco Javier Garcia Sanz Volkswagen Taldeak nazioartean duen presidenteordeak esleipenaren berri eman die Luis de Guindos Espainiako Gobernuko jarduneko Ekonomia ministroari eta Uxue Barkos Nafarroako Exekutiboko presidenteari.
"Volkswagen Taldeak berretsi egiten du Espainiarekin duen konpromisoa, herrialde hori giltzarria baita eta izango baita gure konpainiako estrategian", gaineratu du.
Bere aldetik, Emilio Saenz Volkswagenek Nafarroan duen presidenteak adierazi du esleipena errealitate egin den "desio handia" dela.
Azkenik, Alfredo Morales enpresa batzordeko presidenteak esan du albistea "historikoa" dela bai lantegiarentzat, bai Nafarroarentzat.
Volkswagenek Polo familiako zazpi milioi auto ekoitzi ditu Nafarroan, lau modelotakoak.
Iaz, ekoizpena 298.358 autokoa izan zen, eta, horietako % 91, 60 herrialdetara esportatu zituzten.
Albiste gehiago ekonomia
Gasteizko lorezainen sindikatuek Lan Sailaren proposamena beharginek bozkatzea erabaki dute, "nahikoa ez" dela uste duten arren
Sindikatuek "aurrerapausoak" ikusten dituzte Eusko Jaurlaritzaren proposamenean. Bestalde, Enviser enpresak, Gasteizko lorategiak mantentzeaz arduratzen den azpikontratak, proposamena onartu du.
Gasteizko lorezainen grebarekin amaitzeko Jaurlaritzak egindako proposamena ez dela nahikoa uste dute sindikatuek
Eusko Jaurlaritzak langileen greba mugagabearekin amaitzeko proposamen bat egin die sindikatuei eta Enviserreko zuzendaritzari. Proposamen horren arabera, KPI + % 2,2ko soldata-igoera izango da aurten, % 2koa 2026rako eta 2027rako, eta 2250 eurokoa 2028rako. Enviserrek onartu egin du planteamendu hori, eta ESKk eta LABek, berriz, uste dute igoera "ez dela nahikoa", nahiz eta konpromisoa hartu duten proposamena barne-organoei helarazteko.
Emakume bat larri zauritu da Azagran lan-istripu batean
Pisuak altxatzeko orga batek harrapatu du langilea eta ospitalera eraman dute, aldaka hautsita.
EB eta AEB, muga-zergei buruzko “atariko akordioa” lortzear
Trumpek akordiorako jarritako epemuga asteazkenean, uztailaren 9an, amaituko da, eta AEBko Merkataritza idazkariak esan du abuztuaren 1ean jarriko dituztela indarrean muga-zergak.
AHTaren Aralarko zulaketa-lanak “berehala” hasiko dira, Santanoren arabera
Garraio eta Mugikortasun Iraunkorrerako Estatu idazkariak azaldu du udalekin eta lurjabe partikularrekin egin beharreko elkarrizketak "elkarlan onean" egin direla. Zulaketen ondorengo txostenak "datorren urteko udaberrirako" egotea espero du.
Gasteizko lorezainek negoziazioari berrekingo diote astelehen honetan, Jaurlaritzaren bitartekaritzarekin
Lan Sailak langileak eta Enviser enpresa deitu ditu bilera batera astelehen honetan, grebaren 100. egunean.
Villavesen grebak aurrera jarraitzen du, Mankomunitatearen bitartekaritzarekin ere aurrerapausorik izan ez delako
Langileek manifestazioa egin dute arratsaldean, Labriteko Aldapatik abiatu eta Nafarroako Parlamenturaino, eta ehunka herritarren babesa jaso dute.
BSHko eta Villavesako langileak elkarrekin manifestatu dira enpleguaren alde
Ezkirozko lantegiaren bideragarritasuna aldarrikatzeko manifestatu dira larunbat honetan, Iruñean.
Europako Inbertsio Bankuak 45 milioiko mailegua eman dio Ulma kooperatiba talde gipuzkoarrari
Gipuzkoako kooperatiba-taldeak fabrikazio-teknologia aurreratuak finantzatuko ditu eraikuntza-negozio lerroan eta hormigoi polimerozko soluzio arkitektonikoak. Akordioak, halaber, eraikuntzarako material jasangarri berriak fabrikatzeko planta berri bat eraikitzeko beharrezko inbertsioak bultzatuko ditu.
Gasteizko lorezainen manifestazioa, Eusko Jaurlaritzaren bitartekaritzaren berri izan ondoren
Gasteizko lorezainen sindikatuek positibotzat jo dute Eusko Jaurlaritzako Lan Sailaren bitartekotza. Jaurlaritzak langileen ordezkariak eta Gasteizko lorategiak kudeatzen dituen Enviser enpresa deitu ditu 100 egun bete dituen lan-gatazkan bitartekari izateko.