ACBko plan sozialean bi aldaketa planteatu ditu Arcelorrek orain
Arcelorrekin astelehenean egindako bileraren akta langileen batzarraren esku utziko duela iragarri du ACBko enpresa-batzordeak. Konkretuki, egitasmo sozialeko soldata murrizketa ezabatzea eta lan-erregulazioko osagarria mantentzea proposatu du orain konpainiak.
Arcelorren proposamen industrialari berriro eutsi diote zuzendaritzak eta enpresa-batzordeak, konpainiak beharginen ordezkarien azken egitasmoa errefusatu ondoren, “bideragarria ez” delako.
Sindikatuetako iturriek jakitera eman dutenez, langileek batzarrean alternatiba berretsi edo arbuiatu beharko dute. Beharginek proposamena atzera botatzen baldin badute, Arcelorrek lantegia ixteko borondatea agertu du, baina langileek planari babesa ematen baldin badiote, planteatutako baldintzetan uztailean berriz zabaltzeko konpromisoa hartu du.
Arcelorrek eta ACBko enpresa-batzordeak bilera egin dute astelehen goizean. Beharginen ordezkariek plan industrial alternatibo bat aurkeztu zuten iragan astean. ACBko eta azpikontratetako langile guztiek 70.000-80.000 tona ekoiztea planteatu zuten.
Konpainiak, aldiz, asteburu batzuetan soilik lan eginda 10.000 tona ekoitzi nahi ditu. Horretarako, langileen kopurua erdira murriztu eta soldata % 15 jaistea proposatu zuen.
Azken bileran, sindikatuen proposamena errefusatu du Arcelorrek, “bideragarritasunik ez duelako”. Bere plan industriala aplikatzea eskatu du berriro. Egitasmo sozialeko soldata murrizketa (% 15) ezabatzea eta lan-erregulazioko osagarria % 65 murriztea baztertu du zuzendaritzak.
Proposatutako aldaketak langileen batzarraren esku utziko ditu enpresa-batzordeak, “ondo edo gaizki deritzon bozkatzeko”, iturri berdinen arabera. Proposamena onartzen baldin badute, lantegia “martxan jartzeko” izapideak hasiko lirateke, bestela, “enpresa itxiko lukete”.
Bozketa, astearte honetan
Astearte honetan langileak asanbladan batu dira enpresak bidalitako azken proposamenen berria eztabaidatzeko. Arcelorrek, azken momentuko aldaketak egin ondoren, enpresa berriro irekitzeko aurkeztu duen plan berria bozkatuko dute langileek.
Enpresak egindako azken aldaketak batez ere plan sozialaren ingurukoak dira, izan ere, soldaten %15eko beherapena bertan behera utzi du, nahiz eta, oraindik, langile kopurua erdira murriztu nahi duen. Modu berean, uztailean enpresa berriro zabaltzeko plan industrial bat aurkeztu du Arcelorrek. Plan honetan 12.000 tona ekoiztu nahi ditu 140 langilerekin.
ELA eta LAB sindikatuek ezezkoa eman diote jada enpresaren plan berriari baina, CC.OOk eta UGTk plan berria langileen asanbladara eroatera konprometitu dira, langileak eurak bozkatu dezaten.
Astearte honetan erabakiko dute Arcelorren plan berria onartzen duten ala ez.
Albiste gehiago ekonomia
Akordiorik gabe amaitu da sindikatuen eta Mercedes Vitoriaren arteko kontziliazioa, lanaldiko bederatzigarren orduagatik
UGT sindikatuak aurrera jarraituko du prozesu judizialarekin, eta langileei lan egindako aparteko orduak berreskuratzeko eskubidea aitortzeko eskatu du.
Alokairuen prezioak mugatzeko Gipuzkoako erreferentzia indizea jaso du Etxebizitza Ministerioak
Gipuzkoan, Errenteria, Lasarte-Oria, Zumaia eta Irun daude tentsionatutako eremu gisa aitortuta daude dagoeneko, eta Donostia uztailean gehituko zaio zerrenda horri.
Sindikatuek elkarretaratzea egin dute Eskoriatzan azken lan-istripu hilgarriak salatzeko
LAB, ESK, Steilas, EHNE-Etxalde eta HIRU sindikatuek ahotsa altxatu dute ostiral honetan Eskoriatzan, basogintza sektoreko lan prekaritatearen aurka.
LEAk udazkenean ekingo dio berriro produkzioari Gamarran, aldi baterako poligono batean
Ekoizpena udazkenean hasteak "ondorio positibo argia izango du plantillarentzat", LEAk jakinarazi duenez. Aste honetan, enpresak batzordeari jakinarazi dio aldi baterako lan-erregulazioko espediente bat planteatzeko asmoa duela "ezinbesteko arrazoiengatik". Gaur egun plantilla osatzen duten 120 langileetatik 100 ingururi eragingo lieke.
Irteera-operazioa abian da, 2024an baino erregai-prezio baxuagoekin
95 oktanoko gasolina litroa 1,55 euro inguruan dago, eta diesel litroa, berriz, 1,45 euro inguruan.
Albiste izango da: Osasun Itunaren bilera, Mutrikuko istripua eta irteera operazioa
Gaurkoan albiste izango direnen laburpena, bi hitzetan.
664 pertsona edo enpresak 322,4 milioi euroko zorra dute Nafarroako Ogasunarekin
Zerrendan aurreko urtean baino 11 zordun gehiago agertzen dira. Zor den kantitatea ere hazi egin da eta 2,8 milioi euro gehiagokoa da. Zordun gehienak pertsona juridikoak dira eta ia denek Nafarroan dute egoitza.
LABek ez du osasun ituna babestuko, osasungintza pribatuko kontratuei eutsiko zaielako
LAB sindikatuak iragarri du ez duela osasun ituna babestuko, ezta biharko bilerara joango ere, "sektore pribatuarekiko menpekotasunak" bere horretan jarraituko baitu .
Zaborren tasa berria onartuta eta gainerako zergak izoztuta, Bilbon
Udalak ordenantza berria onartu du oposizioaren ezezkoarekin, neurriak herritarren poltsikoetan izango duen eragina kritikatzen baitute. Tasak gaur egungo zaborren tasa ordezkatuko du eta zerbitzuaren benetako kostuaren araberakoa izango da.
Gatikako azpiestazio elektrikoa 2028an egongo da martxan, eta Europarekin konexio energetikoa indartuko du
Gatikatik abiatu eta lurpeko eta itsaspeko trazadura bidez egingo da. Elektrizitatea trukatzeko ahalmena 5.000 megawattekoa izatea ahalbidetuko du; gaur egungoa bikoiztuko du, alegia. 2.850 milioi inbertitu dira proiektuan, eta Europar Batasunak Interes Komuneko Proiektu izendatu du, Europarekin dagoen lotura "ahula" indartzea baitu helburu.