ACBko langile-batzordeak ez du onartu Arcelorren proposamen berria
Sestaoko ACB enpresako langile-batzordeak errefusatu egin du asteazken honetan ArcelorMittalek zuzendaritzak aurkeztu duen gizarte-plan berria. Proposamen berrian jasotzen denez, egun indarrean dagoen enplegua erregulatzeko espedienteak bermatzen duen soldataren % 92tik % 65era jaitsiko litzateke. Horrez gain, 1955 eta 1957 urteen bitartean jaiotako langileentzat espediente bat planteatzen du erretiroa hartzen duten arte, eta soldata % 15 murriztea lantegian jarraitzen duten langileei, langile kopurua erdira jaitsi ostean.
Langileen ordezkarien batzordeak azaldu duenez, plana "ez da egokiena industria-jarduera eta enplegua mantentzeko", eta enpresari "beste proposamen bat" aurkezteko eskatu dio.
Langile-batzordeak langileei bidali dien zirkularraren arabera, asteazken honetan izandako batzarrean, zuzendaritzak jakinarazi die asteburuetan 10.000 tona ekoizteko bere industria-plana gauzatu ahal izateko, beharrezkoa dela gizarte-planak honako ezaugarri hauek betetzea: "erabateko balioaniztasuna eta malgutasuna, langileen kopurua erdira murriztea eta soldata % 15 jaistea".
Horrez gain, ArcelorMittalek Sestaoko lantegirako aurkeztutako planak egun indarrean dagoen enplegua erregulatzeko espedienteak bermatzen duen soldata berriro negoziatzea barne hartzen du (une honetan soldataren % 92 bermatzen du eta zuzendaritzak % 65 bermatzea eskatu du, 2016ko uztailetik aurrera eta langile guztiei eraginez).
Bestalde, 1955 eta 1957 urteen bitartean jaiotako langileentzat beste espediente bat aurkeztuko lukete erretiro partzialera arte, eta beste 50 langilek lan-poltsa bat osatuko lukete, ekoizpen-karga areagotzen den uneetan erabiltzeko.
Halaber, lantegiak asteburuetan ekingo lioke berriz ere bere jarduerari, bi txandan egindako 12 orduko lanaldietan.
Manifestazioa Sestao eta Santurtzi artean
Bestalde, ACBko langileak gaur goizean manifestazioan atera dira Sestaotik Santurtzira dagoen bidea egin eta euren egoera salatu asmoz.
Zure interesekoa izan daiteke
Donostiako Atotxako geltokiko lanak azken fasean, AHTaren iritsieraren zain
Urumea eta Egia lotzen dituen pasabidea erabat zabaldu dute eta trenbideen gainean 5.700 m2-ko plaza zabal bat eraiki dute. 2027an jakingo da noiz iritsiko den AHT-a Donostiara, Espainiako Gobernuaren hitzetan.
Petronorrek 27,8 milioi irabazi zituen 2025ean, aurreko urtean baino % 61 gutxiago, itzalaldiaren eta hiru hilabeteko grebaren eraginez
Konpainiak apirileko itzalaldiaren eraginari eta urteko azken hiruhilekoko lan-gatazkari egotzi die irabazien beherakada. Hala ere, inbertsioak % 48 igo zituen, 217,8 milioi euroraino.
Petrolioaren prezioa % 5 jaitsi da, 98 dolar ingururaino, AEBren eta Iranen arteko elkarrizketen traza ona dela eta
Brenta 98,1 dolarretan kotizatzen da gaur goizean, joan den ostiralean Europan burtsak ixtean kotizatzen zen 103 dolarretatik behera, % 5,2 gutxiago, zehazki. Ekialde hurbileko gerra laster bukatuko den itxaropenak bultzatuta, Asiako Burtsak igoerekin ekin diote egunari eta Burtsa europarren gerorako inbertsioek ere % 1 egin dute gora.
Lekeitioko arrantzale bat hil da Senegalgo uretan
Bermeoko ATUNSA enpresako langilea zen. LAB sindikatuaren esanetan, "heriotza ez traumatiko" gisa sailkatu dute, eta enpresa horretan aurten izan den bigarren heriotza ez traumatikoa izan dela salatu du.
Pakistandarrak lanean esplotatzeagatik ikertutako hiru pertsonak aske utzi dituzte, Espainiatik irtetea galarazita
Ikertuek epailearen aurrean ez deklaratzeko eskubideari heldu diote, eta epaileak pasaportea kentzea eta hileko lehenengo egunean eta hamabosgarrenean epaitegian agertzea agindu du.
A-15 autobidea osorik zabalduko dute igandean, tunelak egokitzeko lanak guztiz amaitu ostean
Asteburuan behin-behineko seinaleak eta obrako gainerako elementuak kenduko dira eta, lanak bukatzeko, Andoain eta Berastegi artean itxita egongo da errepidea, ostiral gauetik igandera bitarte.
Iberdrolak 125. urteurrena ospatu du Bilbon, begirada "argindarraren aroan" jarrita
Iberdrolak bere 125. urteurrena ospatu du astearte honetan, Bilboko egoitzan. Erakundeetako eta enpresa munduko ordezkariak bildu ditu ekitaldiak, eta konpainiaren historia gogora ekarri dute. "Argindarraren aroa" deiturikoan jarri dute etorkizunerako begirada. Bere hitzartzean, Ignacio Sanchez Galan Iberdrolaren presidenteak esan du "euskal sustraiak" inoiz galdu ez dituen "proiektu integratzaile baten emaitza" dela gaur egungo konpainia.
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.