Sestaoko ACB irekitzen saiatzeko bideak aztertzen ari da Arcelor
ArcelorMittalek Sestaoko ACB lantegia irekitzen saiatzeko bideak aztertzen ari da, baina aitortu du "gaur egun, irtenbiderik ez" dagoela, enpresako iturriek jakitera eman dutenez.
ACB mugarik gabeko geldialdian dago aurreko otsailetik, enpresak esaten baitu zailtasunak dituela Txinako altzairugileekin lehiatzeko eta energia garesti dagoela.
Enpresako iturrietatik azaldu dutenez, "hainbat bide eta aukera" aztertzen ari dira lantegia irekitzeko, eta geldialditik ari omen dira horretan.
Hala ere, aitortu dute oraingoz ez dagoela "irtenbiderik ez erabakirik Sestaoren inguruan". "Oraindik ez dago irtenbide bideragarririk lantegia irekitzeko. Irtenbide horren bila lanean jarraitzen dugu", gaineratu du.
ArcelorMittalek ostiralean aurkeztuko du Zumagarrarako egitasmoa
ArcelorMittalen zuzendaritzak errefusatu egin du langile batzordeak hurrengo bileretarako lan bitartekari bat sartzeko egin duen eskaera.
Gaurko bileran, seigarrena kontsulta hasi zenetik, bi aldeek ez dute atzera egin eta ez dute aurrerapausorik eman, nahiz eta enpresak positibotzat jo duen langileek trasladoen ordainaren inguruko informazioa eskatu izana.
Enpresa batzordeko iturriek, ordea, ukatu egin dute langileek trasladoen inguruan negoziatu nahi dutenik, eta Zumarragan jarduerari eusteko exijentzia helarazi dutela berretsi dute.
Batzordeak Lan ordezkaritzako pertsona batek bileretan "bitartekari" lanak egitea eskatu du, baina zuzendaritzak errefusatu egin du proposamena.
Lantegiko zuzendaritzak ostiralean aurkeztuko dio Enpresa Batzordeari 342 langileentzako aurreikusi dituen neurrien proiektua.
Zure interesekoa izan daiteke
Jose Antonio Santano: "AHTren Nafarroarekiko loturari buruzko erabakia aurten hartu beharko da"
Garraio estatu idazkariak berretsi du kontuan hartuko direla Aralar mendilerroan egiten ari diren zulaketen emaitzak, baita ibilbideen denboren azterketa funtzionalak emandako ondorioak, kostu ekonomikoak eta obren epeak ere.
Donostiako Atotxako geltokiko lanak azken fasean, AHTaren iritsieraren zain
Urumea eta Egia lotzen dituen pasabidea erabat zabaldu dute eta trenbideen gainean 5.700 m2-ko plaza zabal bat eraiki dute. 2027an jakingo da noiz iritsiko den AHT-a Donostiara, Espainiako Gobernuaren hitzetan.
Petronorrek 27,8 milioi irabazi zituen 2025ean, aurreko urtean baino % 61 gutxiago, itzalaldiaren eta hiru hilabeteko grebaren eraginez
Konpainiak apirileko itzalaldiaren eraginari eta urteko azken hiruhilekoko lan-gatazkari egotzi die irabazien beherakada. Hala ere, inbertsioak % 48 igo zituen, 217,8 milioi euroraino.
Petrolioaren prezioa % 5 jaitsi da, 98 dolar ingururaino, AEBren eta Iranen arteko elkarrizketen traza ona dela eta
Brenta 98,1 dolarretan kotizatzen da gaur goizean, joan den ostiralean Europan burtsak ixtean kotizatzen zen 103 dolarretatik behera, % 5,2 gutxiago, zehazki. Ekialde hurbileko gerra laster bukatuko den itxaropenak bultzatuta, Asiako Burtsak igoerekin ekin diote egunari eta Burtsa europarren gerorako inbertsioek ere % 1 egin dute gora.
Lekeitioko arrantzale bat hil da Senegalgo uretan
Bermeoko ATUNSA enpresako langilea zen. LAB sindikatuaren esanetan, "heriotza ez traumatiko" gisa sailkatu dute, eta enpresa horretan aurten izan den bigarren heriotza ez traumatikoa izan dela salatu du.
Pakistandarrak lanean esplotatzeagatik ikertutako hiru pertsonak aske utzi dituzte, Espainiatik irtetea galarazita
Ikertuek epailearen aurrean ez deklaratzeko eskubideari heldu diote, eta epaileak pasaportea kentzea eta hileko lehenengo egunean eta hamabosgarrenean epaitegian agertzea agindu du.
A-15 autobidea osorik zabalduko dute igandean, tunelak egokitzeko lanak guztiz amaitu ostean
Asteburuan behin-behineko seinaleak eta obrako gainerako elementuak kenduko dira eta, lanak bukatzeko, Andoain eta Berastegi artean itxita egongo da errepidea, ostiral gauetik igandera bitarte.
Iberdrolak 125. urteurrena ospatu du Bilbon, begirada "argindarraren aroan" jarrita
Iberdrolak bere 125. urteurrena ospatu du astearte honetan, Bilboko egoitzan. Erakundeetako eta enpresa munduko ordezkariak bildu ditu ekitaldiak, eta konpainiaren historia gogora ekarri dute. "Argindarraren aroa" deiturikoan jarri dute etorkizunerako begirada. Bere hitzartzean, Ignacio Sanchez Galan Iberdrolaren presidenteak esan du "euskal sustraiak" inoiz galdu ez dituen "proiektu integratzaile baten emaitza" dela gaur egungo konpainia.
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.