ACB lantegiarentzat 'epe luzeko' plan bat eskatu dio Tapiak Arcelorri
Sestaoko ACB bideragarria izateko konpromisoarekin lan egin dezala eskatu dio gaur Arantxa Tapia Garapen Ekonomiko eta Lehiakortasunerako sailburuak ArcelorMittali. Horregatik, “epe luzeko etorkizun” baterako egitasmo bat aldarrikatu du sailburuak.
Konpainiak ACBko “langileei eta Eusko Jaurlaritzari orokorrean aurkeztutako planteamendua onartezina da; epe luzerako apustu eta ikuspen faltagatik batez ere”, adierazi du buruzagiak Bilbon.
Multinazionalak Sestaoko enpresa-batzordeari proposatu dion planak lanpostuen % 50 eta soldaten % 15 deuseztatzea aurreikusten du. Hilabetero bi asteburu lan eginda, 10.000-12.000 tona ekoizteko asmoa zuen zuzendaritzak, baina langileek ez zuten proposamena onartu.
Hala ere, Tapiaren hitzetan, multinazionalaren proposamena “sakon” aztertuko du Sailak, Jaurlaritzak “lau zertzeladaren” berri baino ez duelako oraingoz.
“Enpresak epe luzeko bideragarritasun baten aldeko apustua egiten baldin badu, ekoizpenarekin eta enpleguarekin, langileek eta Administrazioak esfortzu bat egiteko prest daude”, esan du Tapiak.
“Hiru aldeko” bilerak nahi ditu enpresa-batzordeak
Bestalde, ACBko enpresa-batzordeak “hiru aldeko” bilerak eskatu dizkio ArcelorMittali, Eusko Jaurlaritzaren presentziarekin, industria plan “alternatibo bideragarri” bat adosteko, “enpresak irauteko”.
Zuzendaritzaren plana aztertu ondoren, “hilero bi asteburu lan eginda, enpresaren bideragarritasuna bermatzen” ez dela ondorioztatu du langileen ordezkaritzak, agiri batean azaldu duenez.
Enpresa-batzordearen ahotan, ArcelorMittalen egitasmoek ez dute enpleguaren aldeko apusturik egiten. Gainera, langileei aplikatu nahi zaizkien baldintzak “iraingarriak eta guztiz onartezinak dira”.
Zure interesekoa izan daiteke
Inoizko mahats bilketarik goiztiarrena egin dute Arabako Errioxan, klima aldaketak eraginda
Tenperatura altuak izan dira eta ez du ia euririk egin. Horren ondorioz, apenas egon da onddoek eragindako gaixotasunik, eta mahatsaren kalitatea "bikaina" da. Ifrentzuan, baldintza meteorologikoek alkohol graduazioa igoarazi dute; "upategian konpentsatu beharko dute hori", azaldu dute.
Bateriekin izandako intzidentzia batek auto elektrikoen ekoizpena geldiarazi du Nafarroako Volkswagenen
Hornitzaileak arazoa konpondu du eta normaltasunez ekoizten ari da; hortaz, Nafarroako Volkswagenek jarduerari "berehala" ekitea espero du.
CCOOk Pradalesi hainbat eskumenen aurrean dituen "zuhurtziak" azaldu dizkio, langile askori eragiten dietelako
CCOO Euskadiko idazkari nagusi Santiago Martinezek Gernikako Estatutua oso-osorik betetzearen alde egin du lehendakariaren aurrean, baina "zuhurtzia" agertu du eskumen-transferentzia batzuen aurrean, hala nola FOGASAren edo pentsioen ingurukoen aurrean; izan ere, langile askori eragiten diete, eta, azpimarratu duenez, "ondo egin behar dira".
UGTk enpresen irabaziak soldatetara bideratzeko eskatu dio Pradalesi
UGT Euskadiko batzorde kudeatzaileko presidente Jose Manuel «Tximi» Lopezek enpresa handien irabaziak langileen soldatetan islatu behar direla defendatu du Imanol Pradales lehendakariaren aurrean, eta Eusko Jaurlaritzari eskatu dio bitartekari lanak egin ditzala euskal patronala hitzarmenen bidezko gutxieneko soldata interprofesionala negoziatzera esertzeko.
Ondarroako arraste flota: "Gasolioaren prezioarekin itsasora irteteak diru galera dakar"
Gasolio profesionala % 227 garestitu da otsailetik, eta Ondarroako Alturako Arrantza Ekoizleen Elkarteak salatu duenez, igoera hori arrantzaleek asumitu behar dute, handizkariak finkatzen duelako arrainaren erosketa-prezioa.
Gazteentzako hipotekak: zer hartu kontuan sinatu aurretik eta zer dira Gazteaval laguntzak?
EKA kontsumitzaileen elkarteak gutxienez hiru edo lau banketxeren eskaintzak alderatzea, presarik ez izatea eta Urteko Tasa Baliokideari, lotutako produktuei eta benetako ordainketa-ahalmenari erreparatzea gomendatzen du. Gazteaval programari esker, gainera, zenbait kasutan etxebizitzaren balioaren % 80tik gorako finantzaketa lor daiteke.
Bizkaiko Foru Aldundiak arau fiskal berriaren proiektua onartu du, EAJren botoekin eta PSE-EEren abstentzioarekin
Foru erakundearen arabera, EAJk eta PSE-EEk "gutxieneko akordioa" lortu dute, eta testua Batzar Nagusietara bidaliko dute, Legebiltzarrean izapidetzen hasteko.
Hipotekak 600 euro baino gehiago garestituko dira urtean, maileguan hartutako 100.000 euro bakoitzeko
ASUFINen arabera, euriborra % 3,2an kokatuko da irailean, eta tasa aldakorreko hipotekak garestituko ditu.
EBZk tasak % 2,5era igo ditu eta inflazioak epe luzean altu jarraituko duela ohartarazi du
Erakundeak hiru tasa ofizialak 25 oinarri-puntutan igo ditu, urteko bigarren igoeran, prezioen gorakadaren ondorioz.
"Eusko Jaurlaritzak ez du Osakidetzaren kolektibo guztien egoera hobetzeko borondaterik"
SATSE, ELA, LAB, CCOO eta UGT sindikatuek bost greba egun iragarri dituzte urritik abendura bitartean, Osakidetzako kolektibo guztientzako lan-baldintza hobeak eta "benetako edukiak dituen benetako negoziazioa" aldarrikatzeko.