Bizkaitarrek 30 euro ordainduko dituzte gehienez bidesariengatik
AP-8 bidesaria, Artxandako tunelak edo Metropoliaren Hegoaldeko Saihesbidea erabiltzen duten Bizkaitarrek 30 euro ordainduko dituzte gehienez hilean. Bizkaiko Foru Aldundiak iragarri duen neurri hori 2017ko urtarrilaren 1etik aurrera jarriko dute indarrean.
Unai Rementeriak, Bizkaiko ahaldun nagusiak, azaldu duenez, orain arte ematen zituzten laguntzak, deskontuak eta diru laguntzak bateratu egingo dituzte.
Datorren urtetik aurrera, erabiltzaileak orain arte bezala ordaindu beharko du zerbitzua, baina 30 eurotara iristen denean, ez du gehiago ordaindu behar izango.
Baina Bizkaiko Foru Aldundiak dio gehiegizko erabilera egiten dutenek tarifa osoa ordaindu beharko dutela, iruzurra ekiditeko asmoz. Era berean, hiru tarifa bateratzea bizkaitar guztientzat ona dela esan du.
Rementeriak aipatu duenez, sistema berria ezartzeak 3,3 miloi euroko kostua izango du, eta, urtean, 24.800 erabiltzaile egongo direla aurreikusten dute.
Hala ere, erabiltzaileari ez diola kalterik ekarriko azpimarratu du. Izan ere, erabiltzaile mota horrek oraindik ere aukera izango du diru laguntzak egindako bidaien kopuruaren arabera jasotzeko.
Alabaina, sistema berrian parte hartu ahal izateko funtsezkoa izango da pertsona fisiko bat izatea (ezin da enpresa bat izan), Bizkaian erroldatuta egotea eta eskabidea betetzea. Horrez gain, bidesaria OBE gailuarekin ordaindu beharko dela gogoratu du.
Zure interesekoa izan daiteke
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "sindikatu mediko batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.
Gasteizko Udalak taxilarien guardiak arautu ditu, dekretu bidez
Dokumentuak larunbat eta jai bezperetarako guardien egutegia ezartzen du, 00:00etatik 08:00etara, eta tarte horretan gutxienez 50 taxi arituko dira zerbitzua ematen.
Etxebizitzen salerosketa % 11,6 jaitsi da EAEn, eta % 8,2 igo da Nafarroan
Donostian 418 etxebizitza salerosi dira 2026ko urtarrila eta apirila bitartean, aurreko hiruhilekoan baino % 26,8 gutxiago, eta iazko tarte berean baino % 30,8 gutxiago.
Banku-txartelari agur? Bizum bidezko ordainketa saltokietara iritsi da
NFC teknologiaren bidez egingo dira ordainketak, contactless metodoaz, erabiltzaileak Bizum aktibatuta duen banku-aplikazioaren edo Bizum Pay-ren diru-zorro digital berriaren bitartez. Ordainketa berehala egingo da, eta ez da bitartekaririk (Visa, Mastercard…) beharko. Massimo Cermelli ekonomialariaren ustez, Bizum "erakargarria izan daiteke; saltoki txiketarako, batik bat", komisioetan aurreztu dezaketelako.
Tubos Reunidosen enpresak "antolatutako" eta patronalak babestutako kanpaina bat egon dela salatu du ELAk
Mitxel Lakuntza ELA sindikatuko idazkari nagusiak enpresak azken urteetan egindako "kudeaketa tamalgarria" gaitzetsi, eta "akziodunek 170 milioiko zorra" sortu dutela salatu du.
Amurrioko Tubos Reunidosko langileak lanera itzuliko dira, greba mugagabearen ostean
Batzordeak, hala ere, ez du baztertzen etorkizunean lanuzteei berriro ekitea, eta oraingoz bi greba eta mobilizazio egun deitu ditu maiatzaren 26rako eta 28rako.
Ikuskizunetako langileek greba eguna dute gaur Araban, Bizkaian eta Gipuzkoan
Sektorearentzako hitzarmen bat eskatzen dute lan-baldintza duinak bermatzeko. Ekitaldi asko bertan behera gelditu dira jada, eta gorabeherak espero dira gaur kontzertu, antzerki eta kongresuetan.
Greba mugagabea bertan behera utzi dute Tubos Reunidosen, eta bi mobilizazio egun iragarri dituzte, maiatzaren 26an eta 28an
Gaur Amurrioko lantegian bildu diren gehienek greba bertan behera uztea eta 24 orduko lanuzteak hastea erabaki dute. ELA, LAB eta ESK sindikatuek adierazi dutenez, hemendik aurrera, "erantzukizun gehiago" eskatuko dizkiete erakundeei, eta, beraz, bilerak deituko dituzte.