Bizkaiko Abokatuen Bazkuna, 'haserre', espedientea dela eta
Bankia auzia dela-eta Merkatuen eta Lehiaren Batzorde Nazionalak bederatzi abokatu elkargori, tartean bizkaitarrari, zabaldutako espedienteak Bizkaiko Abokatuen Bazkunaren "haserrea" eragin du.
Valentzia, Bartzelona, Avila, Errioxa, Bizkaia, Santa Cruz (Tenerifekoa), Albacete, Coruña eta Sevillako abokatuen elkargoen kontra salaketa jarri zuen Bankiak, prozesu-kostuetan gainprezioak adostu zituztelakoan. Merkatuen eta Lehiaren Batzorde Nazionalak espedientea ireki die bederatzi elkargo horiei, eta hilabete barru emango du bere erabakiaren berri.
Bizkaiko Abokatuen Bazkunak ohar baten bidez jakinarazi duenez, oraindik ez dute espedientea irakurtzeko aukerarik izan, baina Bankiaren salaketak kontuan hartuta, ematen du bankuak "tratu berezia" eskatu duela "hainbat epaiketako prozesu-kostuak" ordaintzeak eragin dion gastua apaltze aldera.
Bizkaiko abokatuen hitzetan, "Bazkunak ez du dirurik jasotzen prozesu-kostu horietatik", eta "ez du kostuok artifizialki igotzeko inongo esku-hartzerik egin".
Kostu horiek zehazteko orduan, gainerako elkargoekin ez duela ezer ere adostu esan du Bazkunak, ez Bankia auzian "ezta beste prozesuetan ere".
"Epaitegiek ezartzen dituzte prozesu-kostuak. Epaitegientzat loteslea ez den gutxi gorabeherako txosten bat baino ez dute egiten elkargoek", azaldu du Bizkaiko Abokatuen Bazkunak oharrean.
kunak oharrean.Zure interesekoa izan daiteke
Petronorren Muskizko findegiko unitate guztiak geratu dituzte hornidura elektrikorik ez dagoelako
17:15ean segurtasun-neurri guztiak aktibatu dira automatikoki, eta ke beltza atera da hiru tximinietatik.
Beste greba egun bat Tubos Reunidosen, espedientea negoziatzeko batzarrarekin bat eginez
Langileek 24 orduko geldialdia egingo dute astelehenean zuzendaritzari presioa egin eta enplegu-erregulazioko espedientearen baldintzak hobetze aldera.
Pentsiodunek ez dute trukerako txanpona izan nahi: "Ez dezatela pentsioekin jolastu"
Euskal Herriko Pentsiodunen Mugimenduak deituta, milaka pertsona bildu dira Bilbon eta Donostian egin diren manifestazioetan. Kolektiboak berriro eskatu du gutxieneko pentsioak lanbide arteko gutxieneko soldatarekin parekatzea, bereziki emakume pentsiodunak "duintasunez bizi daitezen eta hilaren amaierara irits daitezen".
Mercosurren eta EBren arteko akordioaren kontra egin dute ehunka lagunek Gasteizen
Lehen sektoreko kideek, traktore eta guzti, manifestazioa egin dute larunbat honetan Gasteizen, Europar Batasunaren eta Mercosurren arteko akordioaren aurka eta Euskal Herriaren elikadura-subiranotasunaren alde. Araba Bizirik, Ataca, Bionekazaritza eta UAGA elkarteek deitutako protestan, itun horrek elikagaien osasuna eta segurtasuna arriskuan jarriko dituela salatu dute, "Europan debekatuta dauden pestizida, transgeniko eta osasunerako kaltegarriak diren hormonak erabiltzen dituzten multinazionalei ateak are gehiago irekitzen dizkielako".
Solaria Zierbena proiektuak Araban "kalte konponezinak" eragin ditzakeela salatu dute
Kaltetutako udalerrietako ordezkariek, eragile sozialek, sindikatuek eta tokiko agintariek protesta egin dute larunbat honetan Gasteizen, Solaria enpresak bultzatutako Zierbena Solar "makroproiektu fotovoltaikoa irmoki gaitzesteko", Araba Bizirik plataformak jakinarazi duenez.
Eusko Jaurlaritzak zuhurtzia eskatu du AEBko Auzitegi Gorenak muga-zergen eta Trumpen tasa global berriaren inguruan hartutako erabakiaren ostean
Gogoratu du indarrean jarraitzen dutela altzairu eta aluminioari (% 50) eta autoei (% 15) eragiten dieten muga-zergek.
Mobilizazio jendetsua egin dute Amurrion Tubos Reunidos eta Maderas de Llodio enpresetako langileei babesa adierazteko
"Ez diegu utziko etorkizuna lapurtzen" lelopean, Amurrioko kaleak zeharkatu dituzte. Aiaraldea eskualdeak egoera kritikoa bizi du, Arabako langabezia-tasa handienarekin, eta mobilizazio horrek inguruko industria defendatzeko ere balio izan du.
Medikuek hiriburuetan egindako manifestazioekin eman dute amaitutzat estatutu propioa eskatzeko astebeteko greba
Parte-hartze handia egon dela ziurtatu dute, eta ezohikoa izan arren, zerbait lortzeko grebaren bidea azpimarratu besterik ez dutela egin. Aldaketarik ez badago, grebaren bigarren astea martxoaren 16an hasiko da.
Lehendakariak iragarri du Ayesaren egoitza Donostian egongo dela
Pradalesek adierazi duenez, Eusko Jaurlaritzak eta erosketan parte hartzen ari diren gainerako akziodunek erabakia hartu dute jada. "Ayesa Donostian sortu eta garatu zen, eta bertan jarraitu behar du", esan du.
Etxebizitzen salerosketak % 14,7 hazi ziren iaz EAEn, 2007ko burbuilako markak gaindituz
INE Espainiako Estatistika Institutuak gaur jakinarazi dituen datuen arabera, salerosketen kopuruak bigarren urtez jarraian egin du gora.