ITPn duen zatia erosiko dio Rolls-Roycek Senerri, 720 milioigatik
Rolls-Royce Erresuma Batuko ibilgailu fabrikatzaile britaniarra ITP enpresaren % 53,1en jabe izango da aurki, 720 milioi eurogatik Senerri erosita. Iragarpena gaur egin dute tartean dauden hiru konpainiek ohar baten bidez.
Adostutakoaren arabera, Rolls-Roycek bi urteko epean ordainduko dio dirutza Senerri, kopuruaren % 50 akzio bidez likidatzeko aukera duela. Operazioa 2017 hasieran ixtea aurreikusi dute, sektorearen baimenak jaso eta gero.
ITPk Zamudion (Bizkaia) du egoitza eta 3.000 langile ditu mundu guztian. Motorrak eta hegazkin osagaiak egiten ditu, eta urte luzean Rolls-Royceren hornitzaile nagusienetakoa izan da. Hala, konpainia britainiarraren baitan integratzea "denbora kontua" zela uste zuten aldeek, "prozesu natural bat", erantsi dute.
Operazioa iragartzeko oharrean nabarmendu dutenez, erosketak ez du deslokalizaziorik edota langile kopuruan aldaketarik ekarriko. Hala, ITPren egoitzak Zamudion egoten jarraituko du.
Hiru enpresek pozik hartu dute salerosketa. Jorge Sendagorta Senerreko presidentearen hitzetan, 27 urte igaro dira ingeniaritza enpresak ITP sortu zuela, baina orain Rolls-Royceri dagokio "etorkizun oparoa" eraikitzea. Senerrek "ingeniaritza eta eraikuntza alorrean hazten jarriko du arreta, ikerketa eta garapenean baliabide gehiago jarrita eta nazioartean anbizio handiko estrategia garatuta".
Warren East Rolls-Royceren CEOak ere (ingelesez Chief Executive Officer, zuzendari exekutiboa) "atseginez" hartu du berria. Haren ustez, inbertsioak bere "ahalmen aeroespaziala" handitu eta hazkunde aukera errentagarriak sortuko ditu, dena "azpiegitura, zerbitzu eta produktu bikainen bidez". Ignacio Mataix ITPren zuzendari exekutiboa "oso pozik" dago, Rolls-Royceren zati izanda, "hazkunde aukera berriak" izango dituztelako.
Batzordeak bilera eskatu du
ITPko langile batzordea osatzen duten sindikatuek (UGT, ELA eta CCOO) bilera eskatu diote enpresaren zuzendari exekutiboari akordioaren xehetasun gehiago ezagutzeko.
Hiru sindikatuetako ordezkariak gaur bertan elkartu dira ITPren zuzendaritzarekin, eta bertan eman diete albistea. Bilera horretan, batzordeko arduradunen arabera, enpresak "lasaitasun" mezua helarazi nahi izan die, enpleguari eutsiko diotelako, eta indarrean jarraituko dutelako plan estrategikoek eta kontratuek.
Sindikatuek bilera egingo dute egoera berriaren azterketa egiteko eta Mataixekin biltzea eskatu dute operazioaren xehetasunak jasotzeko. Sindikatuek esan dute "ezustekoa" izan dela akordioa, ez dutelako aukera horri aurreikusteko "mugimendurik" antzeman.
UGTk azaldu du denbora behar dutela guztia aztertzeko, baina enpresa batean "kontrola galtzen" denean, ez dela "guztiz ona" aitortu du.
na" aitortu du.Zure interesekoa izan daiteke
Abeltzainak haserre, Bazka Mahaia irailera atzeratu duelako Jaurlaritzak
Eusko Jaurlaritzak bazkaren beharrei buruz egindako inkestan 435 ustiategiren erantzunak jaso ditu eta horiekin hartuko ditu erosketa bateratuaren kopuruari eta hornitzaileei buruzko erabakiak. UAGAk eta ENHEk lan egiteko modu eraginkorragoak eskatu dituzte. Hala ere, guztiak ados daude, etorkizunera begira bazkari buruzko plangintza bat behar dela esatean.
Hoteletako sarrerak % 7,7 igo dira uztailean EAEn, eta gaualdiak % 6,7
Sarrera guztien % 58,8 eta gaualdien % 59,9 atzerritar jatorriko pertsonenak izan ziren, 2025eko uztailean baino % 11,1 eta % 11,7 gehiago, hurrenez hurren.
Txakolinaren mahats-bilketa aurreratu dute, beroagatik
Txakolinaren mahats-bilketa ohi baino lehenago hasiko da beroaldien ondorioz. Ekoizleen arabera, data hauek ez dira ohikoak mahats-bilketari ekiteko. Etengabe egiten dituzte analisiak mahastietan, mahatsak azukre eta garraztasun puntua noiz hartuko dituen zehatz-mehatz jakiteko, eta biltzeko une egokiena heldu da.
Bazka eroste bateratua eta lehorte deklarazioa berehala gauzatzeko eskatzen dute abeltzainek
Bi aste dira Bazka Mahaia elkartu eta erakundeek hainbat konpromiso hartu zituztela. Abeltzain asko euren kontura belarra eta lastoa erosten hasi dira, eta erakundeei neurriak berehala hartzeko deia egin diete.
Euskotreneko langileek Bilboko tranbian zezenketen publizitatea jarri izana salatu dute
Arriaga plazan gaur goizean egindako elkarretaratzean, Euskotreneko langileek balio publikoekin koherentea den eta animalien ongizatea errespetatzen duen publizitatea exijitu dio enpresari.
Mingain urdin kasu bat atzeman dute Barrundiako artalde batean
Gaitzaren aurka txertatutako 200 ardi baino gehiagoko artalde bateko animaliak eman du positibo mingain urdinaren 3. serotipoan.
Eusko Jaurlaritzak Administrazio Orokorreko 461 lanpostu betetzeko EPEan izena emateko epea ireki du
Izen-emate telematikoa irailaren 16an amaituko da, eta lehen azterketak 2027ko urtarrilean egitea aurreikusi da.
Milioi bat euroko zigorra ezarri diote AVIS enpresari, trafiko isunengatik bezeroei kudeaketa gastuak kobratzeagatik
Autoak alokatzen dituen enpresak 33,88 eta 45 euro arteko errekargua aplikatzen du isunaren ordainketa kudeatzeagatik eta administrazioari arau-hauslearen nortasuna jakinarazteagatik.
51 urteko langile bat hil da Iurretan, paper-enpresa batean
Sorospen-dispositiboan parte hartu duten Ertzaintzako bi agente bertan artatu behar izan dituzte osasun-langileek, isuritako gasak arnastuta intoxikatu baitira.
Sopela eta Urduliz bizitegi-merkatuko gune tentsionatu izendatu ditu Eusko Jaurlaritzak
Bizkaiko bi udalerriek urtarrilean eta otsailean eskatu zuten izendapena, eta hiru urteko hasierako indarraldia izango du, luzatzeko aukerarekin.