Langile bat hil da Gasteizen

57 urteko langile bat hil da gaur Gasteizko Michelin enpresan izandako lan istripu batean.

Ezbeharra 13:00ak aldera jazo da. Behargina igeltserotza lanak egiten zegoen.

Ertzaintzak gertatutakoaren berri eman die goardiako epaitegiari eta Osalani. Oraindik ez dago argi zer dela eta gertatu den istripua.

Biktima ez zen multinazional frantziarreko langilea, baizik eta igeltserotza enpresa batena.

Osalanek ikertzen dihardu, eta heriotza “zapaltze” baten ondorioz jazo dela azaldu du.

Enpresa batzordea bildu egin da gaur arratsaldean, gertatutakoa aztertu eta mobilizazioak deitzeko.