Uztailean 3.013 langabe gutxiago zenbatu dituzte EAEn eta Nafarroan
Uztailean 3.013 langabe gutxiago zenbatu dituzte Euskal Autonomia Erkidegoan (EAE) eta Nafarroan, Espainiako Ekonomia Ministerioak emandako datuen arabera. Horrenbestez, 181.070 pertsona daude Hego Euskal Herrian lan barik.
2015eko uztailarekin alderatuta, 15.133 lagun gutxiago zeuden lan gabe.
Lurraldeka, Araban jaitsi da gehien langabezia (portzentajeari erreparatuta, bederen). Bertan, 638 pertsona gutxiago zeuden Lanbiden izena emanda (% 2,69 gutxiago). Gipuzkoan da zerrendan bigarrena, % 2,11ko jaitsierarekin eta 824 langabe gutxiagorekin. Bizkaian, % 1,84 jaitsi da langabezia (1.499 pertsona gutxiago lan gabe). Nafarroan oso beherakada apala izan du uztailean: % 0,13ko jaitsiera eta 52 langabe gutxiago.
2015eko uztaileko datuekin alderatuta, Gipuzkoa izan da jaitsiera gehien izan duen lurraldea (% 9,46 gutxiago, eta 3.996 langabe gutxiago); Araban % 8,38 egin du behera langabeziak (2.108 pertsona gutxiago lan egin barik), Bizkaian % 7,29 (6.305 langabe gutxiago) eta Nafarroan % 6,44 (2.724 langabe gutxiago).
Estatuan, ekainean baino 83.993 gutxiago zeuden enplegu bulegoetan izena emanda. Uztaila batean izandako beherakadarik handiena da honakoa, 1997tik. Espainiako Estatuan 3.683.061 langabe daude.
Langabezia, gazteriaren artean
Uztailean Hego Euskal Herrian zeuden 181.070 langabeen artean 12.061ek 25 urte baino gutxiago zituzten, eta 10.806 emakumezkoak ziren.
Arloka, denetan egin du behera langabeziak, Nafarroan zerbitzu sektoreak izan ezik (igo egin da, 199 pertsona geratu baitira lan barik). Txanponaren beste muturrean, zerbitzu sektorean izan da gorakadarik handiena EAEn 1.371 beharginek eskuratu dute lana. Eraikuntza (701 langabe gutxiago) Industria (514 langabe gutxiago), Aurretik Lan Gabe (300 gutxiago) eta Nekazaritza (77 gutxiago). Nafarroan, aurretik lan gabe zeudenen artean jaitsi da gehien langabezia (73 pertsona gutxiago), ondoren ageri dira Industria (64 gutxiago), Eraikuntza (59 gutxiago) eta Nekazaritza (55).
Uztailean 111.401 kontratu berri izenpetu dira Hego Euskal Herrian, ekainean baino 9.655 gutxiago, eta 2015eko uztailean baino 5.768 gutxiago. Estatuan, kontratazioak behera egin du, % 5,42 aurreko hilabetearekin alderatuta. Iazkoarekin erkatuta, ordea, gora egin du, % 1,14.
Sinatutako kontratuen % 94,6 aldi baterakoak ziren. Guztira, 105.462.
Gizarte Segurantza
EAEn behera egin du Gizarte Segurantzan izena emanda daudenen kopurua, gutxi bada ere (% 0,10). 2015eko uztailarekin alderatuta, aldiz, gora egin du (% 1,92). Guztira 912.386 pertsona daude alta emanda.
Nafarroan, 1.019 afiliatu gutxiago zenbatu dituzte uztailean, aurreko hilabetearekin alderatuta. Urte arteko tasak, berriz, gora egin du, % 2,49. 264.144 pertsona daude Gizarte Segurantzan izena emanda.
Jaurlaritzaren eta Nafarroako Gobernuaren balorazioa
Angel Toña Eusko Jaurlaritzako Enplegu eta Gizarte Politiketako sailburuak nabarmendu duenez, uztaila "ez da hilabete ona" izaten langabeziari dagokionez. Industria eta hezkuntza alorrean behera egiten du jarduerak, eta Estatuan ez bezala, Euskadin ez dago "turismoaren horrenbesteko bultzada".
Sailburuaren hitzetan, EAEn enpleguaren hazkundea moteltzeko joera dago, Europa osoan bezala, baina Euskadin "ondo ari diogu eusten", esan du.
Gizarte Segurantzaren afiliatuen datua positiboa dela adierazi du Toñak, azken hilabeteetan 900.000ko langa igarota baitago.
Manu Ayerdi Nafarroako Gobernuaren Ekonomia Garapenerako presidenteordeak onartu duenez, uztaileko datua "ez da ona". Haren hitzetan, "joera orokorrean ondo gabiltza, baina uztaileko datu hau ez da ona, ez da borobila".
Azken hilabetean Gizarte Segurantzan izena emanda zeuden 1.000 pertsona galdu izana ere deitoratu du Ayerdik.
atu du Ayerdik.Zure interesekoa izan daiteke
Osakidetzak deitutako EPEaren azterketak gainditu dutenen batez besteko tasa % 90 ingurukoa da
Epaimahaiek berehala zuzentzen dituzte azterketak, eta Osakidetzak egun berean edo hurrengo egunean argitaratzen ditu notak. Normaltasunez eta gorabeherarik gabe egin dituzte probak.
Osakidetzako EPEaren azken egun handia BECen
Guztira, 13.112 pertsonak eman dute izena Erizaintzako hautaprobak egiteko. Administrari laguntzaile (16.728 hautagai) eta administrari (9.821) lanpostuak betetzeko azterketak ere egin dituzte goizean.
Kutxa Fundazioak Elgoibarko Geminis enpresa erosi du
Lehendik erosita zuen Itziarko Gurutzpe enpresarekin batzea da operazioaren asmoa, talde indartsu baten bidez nazioartean lehiatu ahal izateko. Guztira 70 milioi euro fakturatzea espero dute.
Medikuek "benetako negoziazioa" eskatu dute, "greba mugagabea saihestu" nahi bada
"Lanbidearen garrantzia eta berezitasuna onartua izan arte", mobilizatzen jarraituko dutela ziurtatu du Euskadiko Medikuen Sindikatuak.
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.
Albiste izango dira: Saretzen mugikortasunari buruzko azterlana, Osakidetzako inoizko LEP handiena eta "Mitoaroa III"
Gaurkoan Orain-en albiste izango direnen laburpena, bi hitzetan.
Nafarroak etxebizitza berrien stocka agortu zuen 2025eko amaierarako, eta Euskadik % 0,23ra murriztu zuen
Urte amaieran, 2.502 etxebizitza zeuden saldu gabe Euskal Autonomia Erkidegoan (EAE). Espainiar Estatuan, berriz, saldu gabeko etxebizitza berrien stocka 452.670 etxebizitzakoa izan zen.
Zabalik dago Tubos Reunidos erosteko interesa agertzeko epea
Hartzekodunen konkurtsoa kudeatzen duen epaileak erosketa-prozesua aktibatu du eta konkurtso-administratzaileak prozesua bideratzeko jarritako arauak onartu ditu. Lehentasuna ematen dio talde osoa saltzeari.
Ekitaldi eta ikuskizunetako teknikariek greba egingo dute berriz
“Patronalaren pasibotasunaren aurrean”, maiatzaren 15ean egin zuten bezala, greba egingo dute Bilbao BBK Liveko zein Gasteiz, Donostia eta Bilboko jaietako egun banatan.