Irailaren 9an irekiko dute berriz Sestaoko ACB
Sestaoko ACB irailaren 9an irekiko dute berriro, langileen ordezkariekin bildu eta gero ArcelorMittal konpainiak baieztatu duenez.
"Lantegia epe laburrean eta ertainean bideragarria izateko Negozio Planean zehaztutako baldintzak betetzen direlako" erabaki du taldeak zentroa irekitzea, prentsa-ohar batean zabaldutakoaren arabera.
Horretarako, aste honetan bertan abiatuko dituzte mantentze lanak.
Konpainiaren esanetan, hainbat faktorek egingo dute posible lantegia berriz irekitzea, hala nola langileek egindako "esfortzua"; izan ere, onartu egin dute asteburuetan (argindarra merkeagoa denean) 12 orduko txandak egitea eta lanpostuen kopurua murriztea.
Arcelorrek aipatutako beste arrazoietako bat da Sestaoko lantegia I+G+B (ikerketa, garapena eta berrikuntza) sektorera bideratuko dutela. Horrela, Jaurlaritzak alor horretan eskaintzen dituen diru-laguntzak jaso ahalko ditu. Duela hilabete, 3,95 eta 5,4 milioi euro arteko laguntzak emateko prest agertu zen Gobernua, betiere zenbait baldintza betetzen baditu.
Konpainiak nabarmendu duenez, Sestaoko lantegiak hainbat abantaila ditu labe garaien estilokoen aurrean, argindarra erabiltzen baitu. Bestalde, beste hainbat neurrirekin kostuak murriztea lortu dutela aipatu du. Horren ildotik, enpresa batzordeak duela bi aste eman zituen azalpenen arabera, konpainiak lurzoruaren zati bat alokatu dio logistika enpresa bati, eta Zamudioko I+G+B zentroa Sestaoko lantegira eramango du.
Langileen ordezkarien iritziz, altzairuaren prezioak gora egin izana ere izan da erabaki hori eragin duen beste faktoreetako bat, egun altzairu tona 430 euroan salerosten baita. Urtarrilean, 387 euroko salneurria zuen.
Jaurlaritzak txalotu egin du erabakia
Testuinguru horretan, Jaurlaritzak txalotu egin du Sestaoko ACB berriro irekitzea erabaki izana, eta jarduera jarraitzeko "hainbat hilabetez" lan handia egin dela gogorarazi du.
Agiri batean, Ekonomiaren Garapen eta Lehiakortasun Sailak adierazi du, hain zuzen ere, lantegia irekitzea zela "Eusko Jaurlaritzak eskatzen zuena".
Gasteizko Gobernuko ordezkariak zuzendaritzarekin eta langileekin harremanetan jarri dira gaur, eta Arantxa Tapia sailburuak prentsaurrekoa emango du bihar, balorazio sakonagoa egiteko.
UGT-Euskadiren ustez, lantegiaren irekiera lehen urrats bat da
Jose Ramon Manso UGT-Euskadiko Sestaoko ACBren ordezkariak gaur jakinarazi duenez, lantegia berriro zabalik izatea "hasiera bat da, behintzat abian jarri delako, baina bestelako balditzetan gertatu izana gustatu izango litzaiguke".
Zure interesekoa izan daiteke
Ikuskizunetako teknikarien grebaren deitzaileak pozik agertu dira, lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Behineko kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian lan egiteagatiko plusik ez jasotzea edota lana eta bizitza pertsonala uztartzeko zailtasunak izatea salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.
Bazka erosketa bateratua aztertuko du Euskadik, lehorteak eragindako larre-eskasia dela eta
ENBA sindikatuko eta UAGA Arabako nekazarien elkarteko ordezkariak Eusko Jaurlaritzarekin bildu dira Lakuan, beroak eta euri faltak lehen sektorean eragindako kalteak aztertzeko.