Europar Batasunak baztertu egin du 'roaming'aren amaiera mugatzea
Europar Batasuneko herritarrek gainkosturik gabe erabili ahal izango dute Estatu kide guztietan 'roaming'a inolako egun eta datu kopuru mugarik gabe, hala erabaki baitu Europako Batzordeak. Dena dela, telefonia zerbitzua eskaintzen duten enpresek "gehiegikeriak galarazteko neurriak hartu ahal izango dituzte.
Hori horrela, Europako Batzordeak atzera egin du, hasiera batean 90 egunera mugatu baitzuen beste herrialde batzuetan 'roaming'a ez kobratzeko aukera.
"Edozein herritarrek etxean bezala erabili ahal izango du datu zerbitzua. Baina horretarako, gehiegikeriak saihestu behar ditugu", adierazi du prentsaurreko batean Andrus Ansip Merkatu Digital bakarreko presidenteordeak.
Jean-Claude Juncker Europako Batzordearen presidenteak aurreko irailaren 9an eskatu zuen hasierako zuzentarauak atzera botatzeko, eta berriak egiteko, 2017ko ekainaren 15ean 'roaming'ari amaiera emateko prozesua guztiz bete dadin.
"Gehiegikeriak" galarazteko eta enpresek etekinak lortzeko tartea izan dezaten, hala sare berrietan inbertitzeko, Europako batzordeak proposatu du "bidaiatzen duten pertsonek" gainkosturik ez ordaintzea.
Telefonia enpresek bezeroen erabilera ohiturak egiaztatu ahal izango dituzte: Estatu barruko kontsumoa "ezereza" bada roamingaren aldean, datuak roamingez soilik erabiltzen baditu edo erabiltzaile berak roamingean txartel asko erabiliz gero.
Kasu horietan, enpresek bezeroak ohartaraziko dituzte eta, "soilik baldintza horiek betez gero", "gainkostu txikiak" ezarriko dizkiete: 4 zentimo minutuko, zentimo bat SMSko, eta 0,85 zentimo megabyte bakoitzeko.
Hala, enpresak izango dira gehiegikeria nork egin duen zehaztuko dutenak, eta bezeroak erreklamazioa jarri ahal izango du.
EBko iturrien arabera, prozedura horrek ez du enpresen zaintza areagotuko, dagoeneko biltzen duten informazioa baita.
Ansipek, gainera, azpimarratu du "kasuen % 99k" ez duela arazorik izango.
Zure interesekoa izan daiteke
Espainiak gasolio-, gasolina- eta keroseno-erreserbak ditu ia 100 egunerako
Sara Aagesen hirugarren presidenteorde eta Trantsizio Ekologikorako eta Erronka Demografikorako ministroak berretsi du Espainiako gas- eta petrolio-merkatuak "lasai eta normal" funtzionatzen ari direla.
Espainiako Gobernuak 107 milioi inbertituko ditu Multiverse Computing enpresa donostiarrean
2025ean, Eraldaketa Teknologikorako Espainiako Sozietateak bere babesa eman zion konpainiari 59,2 milioi euroko inbertsioarekin, AAri lotuta aurrerapen teknologikoak sustatzeko helburuarekin.
Bizkaiko Aldundiak iragarritako aldaketa fiskalek langileen artean desberdintasunak sortzen dituztela salatu du ELAk
Aldundiak beherapen fiskalak eskaini nahi ditu enpresak bertan errotzeko eta langileak erakartzeko. ELAren arabera, "enpresarien zerbitzura" egindako neurriak dira, eta langileen artean ezberdintasunak sortuko dituzte.
Araban, AP-68a % 70 merkeago izango dute autoek, eta % 50, kamioiek
Foru Aldundiak azaroan hartuko du bere gain bide horren Arabako zatiaren kudeaketa. Tarifen helburua lurraldeko gaitasun handiko bideen "zaintzeko eta modernizatzeko baliabideak biltzea" izango dela adierazi du.
Osakidetzak deitutako EPEaren azterketak gainditu dutenen batez besteko tasa % 90 ingurukoa da
Epaimahaiek berehala zuzentzen dituzte azterketak, eta Osakidetzak egun berean edo hurrengo egunean argitaratzen ditu notak. Normaltasunez eta gorabeherarik gabe egin dituzte probak.
Osakidetzako EPEaren azken egun handia BECen
Guztira, 13.112 pertsonak eman dute izena Erizaintzako hautaprobak egiteko. Administrari laguntzaile (16.728 hautagai) eta administrari (9.821) lanpostuak betetzeko azterketak ere egin dituzte goizean.
Kutxa Fundazioak Elgoibarko Geminis enpresa erosi du
Lehendik erosita zuen Itziarko Gurutzpe enpresarekin batzea da operazioaren asmoa, talde indartsu baten bidez nazioartean lehiatu ahal izateko. Guztira 70 milioi euro fakturatzea espero dute.
Medikuek "benetako negoziazioa" eskatu dute, "greba mugagabea saihestu" nahi bada
"Lanbidearen garrantzia eta berezitasuna onartua izan arte", mobilizatzen jarraituko dutela ziurtatu du Euskadiko Medikuen Sindikatuak.
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.