2016ko enplegu sorreraren aurreikuspenei eutsi die Adegik
Maiatzean egindako aurreikuspenei eutsi die Adegi Gipuzkoako enpresaburuen elkarteak. Hala, urtea amaitzerako, Gipuzkoako enpresek 5.500 enplegu berri sortuko dituzte, eta ekonomia % 2,8 haziko da.
Enpresaburuen artean aldiro egiten duen Gipuzkoako ekonomiaren inkestaren emaitzak aurkezteko prentsaurrekoa eskaini dute Pello Guibelalde Adegiko presidenteak, Jose Miguel Ayerza zuzendari nagusiak eta Patxi Sasigainek.
Bildutako datuen arabera, Gipuzkoako enpresen % 95ek langile kopuruari eusteko edo handitzeko asmoa dute. Horrez gain, enpresen % 90,5en ustez, merkatuaren egoera "normala edo normaltze bidean dago".
Hori horrela, Gipuzkoako ekonomiaren egoera "egonkorra eta normala" dela uste dute enpresaburuek, eta horrek "lagundu" egiten die, "nolabaiteko oparoaldia" ekarriz.
Langile kopuru egokia
Guibelaldek emandako datuen arabera, sektore pribatuan, enpresetan, ari dira Gipuzkoako langile gehienak (% 85). Hain justu, enpresaburuei duten langile kopuruaz galdetuta, gehienek (% 82,5) diote "egokia" dela, eta % 12ren ustez, "ez da nahikoa".
"Enpresen % 5,5entzat, ordea, langile larregi dituzte". Guibelaldek azpimarratu duenez, "inkesta egiten hasi ginenetik,2000. urtetik, inoizko portzentaiarik txikiena da hauxe ".
Hori horrela, enpresen % 95ek adierazi dute langile kopuruari eutsi edota behargin gehiago kontratatuko dituzte aurten. %5ek langileria gutxitzeko asmoa dute.
Enpresaburuek ekonomian duten konfiantzak gora egin du, 10 enpresatik 9k uste dutelako egoera "normala edo suspertzen hasia" dela.
Inkestan bildutako datuei erreparatuta, salmentak % 2,1 igo dira, eta eskaerak % 4.
Guibelalde, prentsaurrekoan. Argazkia: EFE
Kezkak
Enpresaburuei kezka eragiten dieten gaiei dagokienez, langile kualifikatuak kontratatzeko zailtasuna, Espainiako ekonomiaren ahultasuna, salmenten errentagarritasunaren jaitsiera eta nazioarteko ekonomiaren ahultasuna aipatu ditu Guibelladek.
Diru bilketa handitzeko Espainian eta Euskadin etorkizunean egin dezaketen zerga erreformaz galdetuta, Ayerzak esan du bilakaera positiboa izaten ari dela, baina agian bilakaera hori ez dela aurreikusi bezain positiboa.
Gainera, Sozietateen gaineko Zerga igotzea enpresen lehiakortasunarentzat kaltegarria izango litzatekeela azpimarratu du, eta enpresek enpleguaren % 85 sortzen dutela ohartarazi du. Ildo horretan, epe luzerako analisia egitearen beharra nabarmendu du enpresen jarduera sustatzeko eta, horrenbestez, enplegua sortzeko eta hazkunde ekonomikoa sustatzeko.
Bestalde, zerga armonizazioaren alde egin du eta zergak Espainiarekin eta Europarekin "homologatzea" defendatu du, enpresak "fiskalitatearen alorrean ere lehiakorrak izan daitezen".
izan daitezen".Zure interesekoa izan daiteke
51 urteko langile bat hil da Iurretan, paper-enpresa batean
Sorospen-dispositiboan parte hartu duten Ertzaintzako bi agente bertan artatu behar izan dituzte osasun-langileek, isuritako gasak arnastuta intoxikatu baitira.
Sopela eta Urduliz bizitegi-merkatuko gune tentsionatu izendatu ditu Eusko Jaurlaritzak
Bizkaiko bi udalerriek urtarrilean eta otsailean eskatu zuten izendapena, eta hiru urteko hasierako indarraldia izango du, luzatzeko aukerarekin.
Espainiako Gobernuak diesela 20 zentimo jaitsiko du irailean, uztailean prezioak gora egin ostean
KPIa lau hamarren igo da uztailean, % 3,6raino Espainia osoan, erregaien eta elektrizitatearen garestitzeak bultzatuta. EAEn, hazkundea bost hamarrenekoa izan da, % 3,7raino. Nafarroan, aldiz, zazpi hamarrenekoa, % 3,4ra arte.
HLREk Megapark merkataritza-gunea saldu dio NEPI Rockcastleri, 254 milioi euroren truke
Akordio honek, NEPI Rockcastlek Europako merkataritza-zentroen sektorean duen presentzia indartuko du, eta Bizkaian erreferentziazko aktibo nagusietako bat gehituko dio bere merkataritza-ondareari.
Euskadiko ikuskizunetako teknikariek grebari eutsi diote, lehen hitzarmen kolektiboaren negoziazioa blokeatuta dagoela salatuta
Lanuzteek abuztuaren 14an eta 26an jarraituko dute, Donostiako eta Bilboko jaiekin bat eginez.
Euskal erakundeek bazka erosketa bateratua egingo dute abeltzaintza ustiategi txikienei laguntzeko
Abuztuan egingo dute erosketa, lehorteak gogorren jo dituen ustiategien benetako beharrak zehazteko inkesta egin ondoren. Dirulaguntza zuzenak, berriz, urte amaieran aztertuko dituzte.
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.