Euskadik hiru milioi bisitari baino gehiago izan ditu 2016an
Hiru milioi turista baino gehiagok bisitatu dute Euskadi 2016an, abenduko datuen faltan. % 10, 4 egin dute gora bisitek, % 12,6 ostatu-gau gehiago izan dira eta BPGaren % 6 izan dira. Alfredo Retortillo Turismo, Merkataritza eta Kontsumo sailburuak datu horri eman dio garrantzia: "Euskadi geroz eta turista gehiagoren bisita jasotzen duen lekua baino zeozer gehiago izatea nahi dugu".
Retortilloren esanetan, "helburu hori kalitatezko enplegua sortzea ahalbidetuko duen turismo baten alde lan eginez gero" lortuko dugu. Datuek joera hori babestu dute. Izan ere, 2016ko azken hiruhilabeteko afiliazioak ikusita, jarduera turistikoekin lotura duten lanpostuek % 3,5 egin dute gora.
Hala ere, Retortillok gogoratu du "lanean jarraitu beharra dagoela", sektorea eta enpresa-egitura hobetzeko, lan-baldintzak hobetuz, heziketan inbertsioak lortuz eta berrikuntzan eta etengabeko hobekuntzan oinarrituz.
Prozesu hori guztia eta hazkuntza jasangarritasuna kontuan izanik kudeatu behar direla esan du Retortillok, eta hori izango dela Eusko Jaurlaritzaren helburua berretsi du. Euskadi erreferente jasangarri eta arduratsua izan dadin bultzatuko dutela esan du. Zentzu horretan, sailburuak asteazkenean Madrilen hasiko den FITUR azokan jasoko du arlo horretan Eusko Jaurlaritzari emandako ziurtagiria.
Euskadik FITUR turismo-azokan izango duen agenda aurkeztu du
FITUR 2017 turismo-azoka asteazken honetan, urtarrilak 18, abiatuko da Madrilen, eta Isabel Muela Jaurlaritzaren Turismo sailburuordeak Euskadik egunotan izango duen agendaren inguruko xehetasunak eman ditu. Retortillo sailburuak Euskadiren standa asteazkenean inauguratuko du 13:00ean.
Euskadik 700 metro koadroko eremua izango du azokan, eta Basque Country marka, berrikuntza eta esperientziatan oinarritutako turismoa izango ditu ardatz. Enogastronomiak toki berezia izango du, Gobernuaren turismo-apustu nagusia baita, Muelak azaldu duenez.
azaldu duenez.Zure interesekoa izan daiteke
Inoizko mahats bilketarik goiztiarrena egin dute Arabako Errioxan, klima aldaketak eraginda
Tenperatura altuak izan dira eta ez du ia euririk egin. Horren ondorioz, apenas egon da onddoek eragindako gaixotasunik, eta mahatsaren kalitatea "bikaina" da. Ifrentzuan, baldintza meteorologikoek alkohol graduazioa igoarazi dute; "upategian konpentsatu beharko dute hori", azaldu dute.
Bateriekin izandako intzidentzia batek auto elektrikoen ekoizpena geldiarazi du Nafarroako Volkswagenen
Hornitzaileak arazoa konpondu du eta normaltasunez ekoizten ari da; hortaz, Nafarroako Volkswagenek jarduerari "berehala" ekitea espero du.
CCOOk Pradalesi hainbat eskumenen aurrean dituen "zuhurtziak" azaldu dizkio, langile askori eragiten dietelako
CCOO Euskadiko idazkari nagusi Santiago Martinezek Gernikako Estatutua oso-osorik betetzearen alde egin du lehendakariaren aurrean, baina "zuhurtzia" agertu du eskumen-transferentzia batzuen aurrean, hala nola FOGASAren edo pentsioen ingurukoen aurrean; izan ere, langile askori eragiten diete, eta, azpimarratu duenez, "ondo egin behar dira".
UGTk enpresen irabaziak soldatetara bideratzeko eskatu dio Pradalesi
UGT Euskadiko batzorde kudeatzaileko presidente Jose Manuel «Tximi» Lopezek enpresa handien irabaziak langileen soldatetan islatu behar direla defendatu du Imanol Pradales lehendakariaren aurrean, eta Eusko Jaurlaritzari eskatu dio bitartekari lanak egin ditzala euskal patronala hitzarmenen bidezko gutxieneko soldata interprofesionala negoziatzera esertzeko.
Ondarroako arraste flota: "Gasolioaren prezioarekin itsasora irteteak diru galera dakar"
Gasolio profesionala % 227 garestitu da otsailetik, eta Ondarroako Alturako Arrantza Ekoizleen Elkarteak salatu duenez, igoera hori arrantzaleek asumitu behar dute, handizkariak finkatzen duelako arrainaren erosketa-prezioa.
Gazteentzako hipotekak: zer hartu kontuan sinatu aurretik eta zer dira Gazteaval laguntzak?
EKA kontsumitzaileen elkarteak gutxienez hiru edo lau banketxeren eskaintzak alderatzea, presarik ez izatea eta Urteko Tasa Baliokideari, lotutako produktuei eta benetako ordainketa-ahalmenari erreparatzea gomendatzen du. Gazteaval programari esker, gainera, zenbait kasutan etxebizitzaren balioaren % 80tik gorako finantzaketa lor daiteke.
Bizkaiko Foru Aldundiak arau fiskal berriaren proiektua onartu du, EAJren botoekin eta PSE-EEren abstentzioarekin
Foru erakundearen arabera, EAJk eta PSE-EEk "gutxieneko akordioa" lortu dute, eta testua Batzar Nagusietara bidaliko dute, Legebiltzarrean izapidetzen hasteko.
Hipotekak 600 euro baino gehiago garestituko dira urtean, maileguan hartutako 100.000 euro bakoitzeko
ASUFINen arabera, euriborra % 3,2an kokatuko da irailean, eta tasa aldakorreko hipotekak garestituko ditu.
EBZk tasak % 2,5era igo ditu eta inflazioak epe luzean altu jarraituko duela ohartarazi du
Erakundeak hiru tasa ofizialak 25 oinarri-puntutan igo ditu, urteko bigarren igoeran, prezioen gorakadaren ondorioz.
"Eusko Jaurlaritzak ez du Osakidetzaren kolektibo guztien egoera hobetzeko borondaterik"
SATSE, ELA, LAB, CCOO eta UGT sindikatuek bost greba egun iragarri dituzte urritik abendura bitartean, Osakidetzako kolektibo guztientzako lan-baldintza hobeak eta "benetako edukiak dituen benetako negoziazioa" aldarrikatzeko.