8.800 milioiko inbertsioa 2020ra arte, langabezia % 10etik jaisteko
Eusko Jaurlaritzak 8.800 milioi euro bideratuko ditu datozen lau urteetan Ekonomiaren Susperraldiaren eta Enpleguaren aldeko 2017-2020 Esparru Programara. Egitasmoak hainbat helburu ditu: langabezia tasa % 10etik behera kokatzea, 45.000 enplegu sortzea, 6.000 enpresa berriri babesa ematea eta ikerketako 100 proiektu berri finantzatzea.
Programa goizean onartu dute gobernu bileran, eta, ondoren, Iñigo Urkullu lehendakariak aurkeztu du, hainbat sailburu ondoan zituela. Urkulluk azaldu duenez, legealdi honetan langabezia tasa bi hamarren baino gehiago jaistea da xede nagusia. "Enplegu gehiago eta hobea", azpimarratu du lehendakariak.
8.800 milioiko aurrekontua hainbat arlotan banatuko dute: 1.175 milioi enplegua sortzeko egitasmotan inbertituko dituzte; 5.225 milioi, inbertsio, berrikuntza, nazioartekotze eta industrializaziorako, eta gainerako 2.400 milioiak, abaletan.
Orain arte indarrean egon den egitasmoa (2014-2016 programa) ordezkatzera dator gaur aurkeztu dutena. Bi urteko epean 6.400 milioi inbertitu ditu Jaurlaritzak, eta ezarritako konpromisoen % 93 bete eta "helburuak erdietsi" ditu.
Gazteei zuzendutako neurriak
Enplegua sustatzeko, hainbat neurri edo ekintza-alor aurreikusi ditu egitasmoak: birgaitzeko 'renove' plana (347 milioi euro), laneratzeko pizgarriak (298 milioi), enplegurako prestakuntza (282 milioi), gazte enpleguaren sustapena (99 milioi), ekintzailetzaren sustapena (86 milioi) eta enpresa txiki eta ertainak, gizarte ekonomia eta tokiko garapena (63 milioi).
Plan honi esker, 45.000 enplegu sortzea, 6.000 enpresa berriri laguntzea eta 100 proiektu berri finantzatzea aurreikusi du Jaurlaritzak. Horrekin batera, enpresa txiki eta ertainei (ETE) hainbat eratara lagunduko zaie: 1.200 ETEri merkatu berrietara iristen lagunduko zaie; 1.100ri, modernizatzen eta hedatzen, eta 4.100ri, berrikuntza proiektuak garatzen.
20.000 gaztek lehen lana izateko aukera izan dezaten, lerro espezifikoa du programak, eta hainbat plan aurreikusi dituzte horretarako: Lehen Aukera Plana, ekintzailetza planak, tokiko eta eskualdeko enplegu planak...
Suspertze ekonomikoari dagokionez, 5.225 milioiko aurrekontua modu honetara banatuko dute: inbertsioak (2.610 milioi euro), berrikuntza (1.765 milioi), nazioartekotzea (125 milioi) eta industrializazioa (725 milioi).
Ikerketa, Garapena eta Berrikuntzara (I+G+B) bideratutako aurrekontua urtero % 5 hazteko konpromisoa hartu du Jaurlaritzak.
Beatriz Artolazabal, Josu Erkoreka, Arantxa Tapia eta Maria Jesus Carmen San Jose sailburuak, lehendakariarekin batera. Argazkia: Irekia
Industria 4.0
Industria garapen ekonomikoaren motorra dela sinistuta, industriaren laugarren iraultzaren alde egingo du Jaurlaritzak, 1.500 enpresaren modernizazioa eta digitalizazioa sustatuta. Halaber, lantokietan Lanbide Heziketa eta Prestakuntza Duala babesteko neurriak hartuko ditu.
Enplegu publikoa eraberritu eta sendotzeko xedea ere badu Iñigo Urkulluren gobernuak. Datozen hiru urteetan, 9.000 langile publikoren erretiroari egin beharko dio aurre, eta horretarako lan eskaintza publikoak agindu ditu, Espainiako legediak ezarritako baldintzak beteta.
Inbertsioei dagokienez, honakoak aurreikusi ditu planak: Abiadura Handiko Trena (AHT) amaitzea, Donostialdeko metroa (Lugaritz-Morlans saihesbidea), Ezkerraldeko teknologia parkearen lehen fasea burutzea, hezkuntza azpiegitura berriak egitea, Eibarko Ospitalea zabaltzea eta Txagorritxu handitzea, Biocruces eraikuntza berria egitea, Gasteizko Koroatze auzoa birgaitzeko proiektua bukatzea, saneamendua hobetzea Urdaibain, Pasaia birgaitzea eta beste.
"Enplegua: gehiago eta hobe"
Iñigo Urkullu lehendakariak agerraldian azpimarratu duenez, euskal enpresen "lehiakortasuna indartu" eta, susperraldi ekonomikoarekin batera, "enplegu gehiago eta hobea" sortzeko helburuarekin prestatu du plana EAJk eta PSE-EEk osatzen duten koalizio gobernuak.
Zure interesekoa izan daiteke
Mugikortasun Sailak 581,7 milioi izango ditu "trenbidea garraiobide gisa bultzatzeko"
Trenbide-azpiegiturak eraiki eta hobetzeko erabiliko da inbertsioaren zati handi bat. Era berean, Bat, Barik eta Mugi txartelen interoperabilitatea burutu nahi da, eta 12 urtera arteko garraioaren doakotasuna egiturazkotzat ezarri.
Juan Ignacio Perez Iglesias: "Kezkatuta eta triste nago"
Eusko Jaurlaritzako Zientzia, Unibertsitate eta Berrikuntza sailburu Juan Ignacio Perez Iglesiasek adierazi duenez, "behar beste" hitz egiteko prest dago, baina EHUn gauza handiak egiteko aukera paregabea galtzen ari dela uste du.
Euskal kofradiek Kofradia Basque Seafood sortu dute, baxurako arrantza modernizatzeko
Bizkaiko eta Gipuzkoako federazioek, Hazilur sozietate publikoarekin batera, Kofradia Basque Seafood enpresa eratu dute, Ondarroan. Nobedade nagusien artean, laugarren eta bosgarren gamako produktuen lerro bat garatuko du konpainiak, arraina xerratu, ontziratu eta kozinatzeko moduan elaboratzeko.
Eusko Jaurlaritzak inoizko partidarik handiena bideratuko du 2026an etxebizitza sustatzeko: 596 milioiko inbertsioa, 3.669 etxebizitza egiteko
Etxebizitza eta Hiri Agenda Sailak 2026rako kontuak aurkeztu ditu, aurreko urtean baino % 14 altuagoak. Denis Itxaso sailburuak iragarri du 1.700 etxebizitza babestu baino gehiago eraikiko direla, eta Visesa baliabide propio gisa onartuko dutela.
3.346 milioiko aurrekontua aurkeztu du Hezkuntza Sailak, langileen arlora eta inklusio-programetara bideratutakoa nabarmenduz
Begoña Pedrosak "funtsezko zerbitzu publikoak indartzea" bilatzen duten kontuak aurkeztu ditu Eusko Legebiltzarrean, "herritarren benetako arazoetan arreta jarriz".
Imanol Pradales: "EHUk ez du inoiz hainbeste baliabide izan"
Lehendakariak adierazi du EHUren aurrekontua % 6,9 handituko dela 2026an. Horrez gainera, 2025ean % 5,2ko igoera izan duela esan du eta, beraz, bi urteren buruan ohiko aurrekontua % 12 handitu dela azpimarratu du.
Bengoetxeak instituzioek EHU errespeta dezaten eskatu du, eta premiazko bilera galdegin dio lehendakariari
Horrela erantzun dio Euskal Herriko Unibertsitateko errektoreak Perez Iglesias sailburuari, Eusko Legebiltzarreko agerraldian ukatu egin baitu unibertsitate publikoak behar baino diru gutxiago jasotzen duenik. Iglesiasen hitzetan, 2026rako esleitutako aurrekontua "zifra errekorra" da.
Horrelakoa izango da Bekadunen Estatutu berria: gastuak konpentsatzea, praktikaldiak mugatzea eta enpresei kontrol gehiago egitea
Espainiako Gobernuak Bekadunen Estatutuaren aurreproiektua onartu du, prestakuntza praktikoan daudenen eskubideak bermatzeko.
Petronorreko langileek greban jarraitzen dute eta aldagelen kontua ukatu dute
Hori jakinarazi dute batzordearen ordezkariek Kutxabankek Bilbon dituen bulego orokorren aurrean deitutako langileen kontzentrazioan. Beharginek akordioa atzera bota dute eta auzitegietan argituko da afera.
Eusko Jaurlaritzak EHUrekin duen "konpromiso irmoa" azpimarratu du Perez Iglesiasek
Zientzia, Unibertsitate eta Berrikuntza sailburuak nabarmendu duenez, Eusko Jaurlaritzak EHUri 2026an egingo dion ekarpen arrunta 339 milioi eurokoa da, aurtengo urtean baino % 6,9 gehiago bideratuta. Eta azaldu du unibertsitate publikoari esleitutako diru kantitatea inoizko handiena dela.