Gestampen akzioak % 4,4 jaitsi dira burtsan sartu den egunean
Gestamp euskal enpresak, ibilgailuen sektorerako lehen mailako hornitzailea denak, ostiral honetan bertan ekin dio burtsan bere ibilbideari. Konpainia horrek galerekin itxi du eguna, eta % 4,46 egin du atzera akzioak. Hala, akzio bakoitzak 5,35 euroko prezioarekin itxi du eguna.
Zehazki, Gestamp euskal enpresaren akzio bakoitza 5,58 eurorekin atera da burtsara, Madrilgo Burtsan egindako ekitaldi ofizialean. Ibilgailu sektoreko enpresak jaitsiera txiki batekin hasi du ibilbidea (% 0,3 galduta). Hasieran 3.222 milioi euroko merkatu-balioa aitortu zaio konpainiari, eta akzioak 5,6 eurotan atera dira.
Burtsara irten denetik galerak izan ditu Gestamp euskal enpresak, baina minutuek aurrera egin ahala jaitsiera nabariagoa egin da. Hala, zenbait unetan % 3ko galerak izan ditu, lehen egun honetan izan duen jaitsierarik nabariena % 8,75ekoa izan den arren.
Burtsan bere ibilbideari ekin dionean lortu du Gestamp konpainiak balio handiena, akzio bakoitzak 5,58 euroko prezioarekin. Bestalde, balioen jaitsiera nabariagoa izan denean akzio bakoitzaren prezioa 5,11 eurokoa izan da.
Ohiturari jarraituz, Francisco Riberas Gestamp enpresaren arduradun nagusiak kanpaia astindu du ibilbide berriari ekiteko. Bere esanetan, azken urteotan lortutako emaitzek garrantzi handiagoa dute, eta 2016an 7.500 milioi euro irabazi zituztela gogoratu du.
Zure interesekoa izan daiteke
Petronorren Muskizko findegiko unitate guztiak geratu dituzte hornidura elektrikorik ez dagoelako
17:15ean segurtasun-neurri guztiak aktibatu dira automatikoki, eta ke beltza atera da hiru tximinietatik.
Beste greba egun bat Tubos Reunidosen, espedientea negoziatzeko batzarrarekin bat eginez
Langileek 24 orduko geldialdia egingo dute astelehenean zuzendaritzari presioa egin eta enplegu-erregulazioko espedientearen baldintzak hobetze aldera.
Pentsiodunek ez dute trukerako txanpona izan nahi: "Ez dezatela pentsioekin jolastu"
Euskal Herriko Pentsiodunen Mugimenduak deituta, milaka pertsona bildu dira Bilbon eta Donostian egin diren manifestazioetan. Kolektiboak berriro eskatu du gutxieneko pentsioak lanbide arteko gutxieneko soldatarekin parekatzea, bereziki emakume pentsiodunak "duintasunez bizi daitezen eta hilaren amaierara irits daitezen".
Mercosurren eta EBren arteko akordioaren kontra egin dute ehunka lagunek Gasteizen
Lehen sektoreko kideek, traktore eta guzti, manifestazioa egin dute larunbat honetan Gasteizen, Europar Batasunaren eta Mercosurren arteko akordioaren aurka eta Euskal Herriaren elikadura-subiranotasunaren alde. Araba Bizirik, Ataca, Bionekazaritza eta UAGA elkarteek deitutako protestan, itun horrek elikagaien osasuna eta segurtasuna arriskuan jarriko dituela salatu dute, "Europan debekatuta dauden pestizida, transgeniko eta osasunerako kaltegarriak diren hormonak erabiltzen dituzten multinazionalei ateak are gehiago irekitzen dizkielako".
Solaria Zierbena proiektuak Araban "kalte konponezinak" eragin ditzakeela salatu dute
Kaltetutako udalerrietako ordezkariek, eragile sozialek, sindikatuek eta tokiko agintariek protesta egin dute larunbat honetan Gasteizen, Solaria enpresak bultzatutako Zierbena Solar "makroproiektu fotovoltaikoa irmoki gaitzesteko", Araba Bizirik plataformak jakinarazi duenez.
Eusko Jaurlaritzak zuhurtzia eskatu du AEBko Auzitegi Gorenak muga-zergen eta Trumpen tasa global berriaren inguruan hartutako erabakiaren ostean
Gogoratu du indarrean jarraitzen dutela altzairu eta aluminioari (% 50) eta autoei (% 15) eragiten dieten muga-zergek.
Mobilizazio jendetsua egin dute Amurrion Tubos Reunidos eta Maderas de Llodio enpresetako langileei babesa adierazteko
"Ez diegu utziko etorkizuna lapurtzen" lelopean, Amurrioko kaleak zeharkatu dituzte. Aiaraldea eskualdeak egoera kritikoa bizi du, Arabako langabezia-tasa handienarekin, eta mobilizazio horrek inguruko industria defendatzeko ere balio izan du.
Medikuek hiriburuetan egindako manifestazioekin eman dute amaitutzat estatutu propioa eskatzeko astebeteko greba
Parte-hartze handia egon dela ziurtatu dute, eta ezohikoa izan arren, zerbait lortzeko grebaren bidea azpimarratu besterik ez dutela egin. Aldaketarik ez badago, grebaren bigarren astea martxoaren 16an hasiko da.
Lehendakariak iragarri du Ayesaren egoitza Donostian egongo dela
Pradalesek adierazi duenez, Eusko Jaurlaritzak eta erosketan parte hartzen ari diren gainerako akziodunek erabakia hartu dute jada. "Ayesa Donostian sortu eta garatu zen, eta bertan jarraitu behar du", esan du.
Etxebizitzen salerosketak % 14,7 hazi ziren iaz EAEn, 2007ko burbuilako markak gaindituz
INE Espainiako Estatistika Institutuak gaur jakinarazi dituen datuen arabera, salerosketen kopuruak bigarren urtez jarraian egin du gora.