Espainiako Burtsak % 2,85 egin du behera Kataluniako egoeraren eraginez
Espainiako Burtsak % 2,85 behera egin du gaur. ‘Brexit’a baieztatu zenetik saiorik okerrena da. 10.000 puntuko mugatik behera jaitsi da. Kataluniako Parlamentuak datorren astelehenean aldebakarreko independentzia aldarrikatu dezake eta inbertitzaileak beldur dira.
IBEX 35 indizea 9.964,90 puntutan kokatu da, martxotik emaitzarik kaskarrena. 416,60 puntu (% 4,01) galdu ditu igandean erreferenduma egin zutenetik. Gainera, urteko irabaziak % 6,55 murriztu dira.
Adituen hitzetan, IBEX 35 indizeak “behea jo” du Kataluniako egoera “goren unean” dagoelako; izan ere, Generalitatea independentzia aldarrikatzeko prestatzen ari dela ematen du. Gainera, antza denez, Rajoyren Gobernuaren eta Puigdemonten Exekutiboaren jarrerak gero eta urrutiago daude.
Espainia, "irtenbiderik gabe"
Are gehiago, bi exekutiboen etorkizuna “airean” dagoela uste dute adituek. Ekonomiaren egonkortasunari “kolpe” bat eman diote eta Espainia “irtenbidea aurkitu” ezinik dago, Saxobanken arabera. IBEX 35 indizea 9.500 puntuen mugatik behera jaitsi daitekeela ohartarazi dute.
Sabadell eta CaixaBank bankuek galera handienak izan dituzte, % 5,69 eta % 4,96, hurrenez hurren. Igandetik bi erakundeen kapitalizazioak ia 3.000 milioi euro galdu ditu.
Bestalde, Espainiaren arrisku-sariak gora egin du gaur eta 133 puntutan kokatu da. Iragan astea 114 puntutan itxi zuen.
utan itxi zuen.Zure interesekoa izan daiteke
Zumaiako Estaños Matienako langileak grebara joango dira apirilaren 13tik 17ra, lan segurtasunean hobekuntzak aldarrikatzeko
Langileek "euren osasuna eta segurtasuna bermatzea" eskatu dute, enpresak hainbat istripu izan ostean, besteak beste, urtarrilaren 31n langile gazte bat hil zen istripua.
Ekialde Hurbileko su-eten hauskorrak urduri ditu parketak
Petrolioaren prezioa % 2 inguru igo da lehen orduko enkanteetan. Asiako burtsek galerekin zabaldu dute, eta Europako eta Estatu Batuetako burtsetan ere beherakadak aurreikusi dira.
Euskalduna Jauregiko garbitzaileek bost greba-egun deitu dituzte soldatak parekatzea aldarrikatzeko
Apirilaren 14tik 18ra egingo dute greba. ISS Facility zerbitzuaren enpresa esleipenduneko langileek salatu dutenez, urtean 18.000 euro inguru kobratzen dituzte, eta Bizkaiko Foru Aldundiko beste eraikin batzuetako garbiketako beste langileek, berriz, 27.000 euro.
Nafarroako Foru Ogasunaren autolikidazio-proposamenak, kontsultagai
Gaur abiatuko da kanpaina telematikoa, eta hilaren 20an, aurrez aurrekoa, ekainaren 25era arte. Esperientzia pilotu gisa, aurten Errenta Bulego Mugikor bat egongo da, hiru puntutan egongo dena (Zangoza, San Adrian eta Altsasu), Ogasunaren bulegorik gabeko eremuetako bizilagunei tramitea egin dezaten laguntzeko.
Medikuen sindikatuek bitartekotzari uko egin diote eta Osasun Ministerioarekin zuten bilera bertan behera gelditu da
Joan den martxoaren 27an, sindikatuei Pazienteen Erakundeen Plataformaren bitartekaritza proposatzea erabaki zuten Osasun Sistema Nazionaleko Lurraldearteko Kontseiluan. Sindikatuak ez daude ados, plataforma ez delako "neutrala, ezta lan kontuetan aditua ere”. Bi aldeek bilera gehiago egingo dituztela adostu dute, baina, bien bitartean, apirilaren 27ko asterako aurreikusitako grebari eutsiko diote medikuek.
Jaurlaritzak bere burua bitartekari gisa eskaini du Tubos Reunidoseko gatazka onbideratzeko
Bien bitartean, langileek salatu dute "enpresari erantzukizunak eskatu beharrean, presioa langileen, komitearen eta sindikatu jakin batzuen gain jartzen" ari direla.
Alquiler Segurok auzitegietara eramango du Kontsumo Ministerioak abusuzko praktikengatik ezarritako 3,6 milioiko isuna
Pablo Bustinduyren Ministerioaren ustez, higiezinen agentziak sei arau-hauste oso larri eta larri bat egin ditu, "merkatuko nagusitasuna baliatuz", kontsumitzaileen eskubideak urratuta.
Euskaltelek Jasone Altuna izendatuko du zuzendari nagusi
Zuzendari berriak Jon Ander de las Fuentes ordezkatuko du, eta MasOrange taldearen arduradun nagusia izango da Euskadin eta Nafarroan. Konpainiaren administrazio kontseiluko kide ere izango da.
Tubos Reunidoseko langileek elkarretaratzea egin dute Jaurlaritza parean, Lan sailburuordearekin bildu aurretik
Tubos Reunidoseko langileen batzordeak "inplikazioa" eskatuko dio Elena Lopez Barredo Lan sailburuordeari, auzia konpondu dezaten. Gorka Abascal ESKren ordezkariak adierazi duenez, bilerara "baikor, baina zuhur" joango dira.
Jaurlaritzak "erantzukizunez" jokatzeko deia egin die Osasun Ministerioari eta medikuen sindikatuei, arratsaldeko bileraren atarian
Medikuen sindikatuek ez dute onartu Pazienteen Elkartea bitartekari izatea. 15:00etan dira biltzekoak sindikatuak Espainiako Osasun ministerioarekin, estatutuaren inguruko gatazka negoziatzeko.