Pertsona bakoitzeko 1.673 euroko gastua aurreikusi du Osasun Sailak 2018an
Eusko Jaurlaritzaren aurrekontuak 3.671 milioi euro bideratuko ditu Osasun Sailera 2018an, 2017an baino 128,6 milioi gehiago (+% 3,6). Horrela, pertsona bakoitzeko 1.673 euroko gastua aurreikusi dute.
Jon Darpon Osasun sailburuak 2018ko aurrekontu proiektua aurkeztu du Eusko Legebiltzarreko Ogasun eta Aurrekontu Batzordean. Jaurlaritzaren aurrekontu osoaren % 32 suposatzen du.
3.671.362.000 euroko aurrekontua “osasun sistema publikoa sendotzeko eta Osakidetzaren zerbitzu unibertsala bermatzen jarraitzeko” erabiliko dutela azaldu du Darponek. Kontuek % 3,6ko hazkundea izango dutela goraipatu du sailburuak, “2013tik izan den handiena”.
1.200 milioi, hezkuntza publikora, eta 622 itunpekora
Hezkuntza Sailak datorren urtean 1.200 milioi euro inbertituko ditu hezkuntza sistema publikoan, eta 622,2 milioi itunpeko ikastetxeetan. Cristina Uriarte sailburuaren hitzetan, datuek Eusko Jaurlaritzaren apustua eta hezkuntza eredua zein den argi uzten dute.
Osasun Sailaren atzetik baliabide handienak izango dituena Hezkuntza Saila izango dela nabarmendu du Uriartek Legebiltzarreko Batzordean. Guztira, 2.718,8 milioi euro izango ditu Hezkuntza Sailaren aurrekontuak 2018an, 2017an baino % 1,9 gehiago.
Langileen soldatek aurrekontuaren % 47,2 eramango dutela azaldu du Uriartek, aurten baino 24,9 milioi euro gehiago, alegia.
Lanbidek "hobetu" behar duela onartu du Artolazabalek
Beatriz Artolazabal Enplegu eta Gizarte Politiketarako sailburuak Lanbide defendatu du, “nahiz eta hobetu behar, helburuak betetzen ari delako”. Langabezia-tasaren jaitsierak hori argi uzten duela erantsi du sailburuak.
“Lanean jarraitu behar dugula egia da, baina zailtasunak eta arazoak onartuta, Lanbide enpleguaren hobekuntzan laguntzeko lanean ari da”, errepikatu du.
Enplegu eta Gizarte Politiketarako Sailaren aurrekontuak “aurrenekoz” mila milioi euroak (1.005,6 milioi euro) gainditzen dituela goraipatu du sailburuak, aurten baino % 0,7 gehiago (6.521.988 euro gehiago).
Etxebizitza politikek 327,5 milioi izango dituzte, % 62 alokairu politiketarako
Etxebizitza politikek 327,5 milioi euroko aurrekontua izango du 2018an; izan ere, Ingurumen, Lurralde Plangintza eta Etxebizitzako Sailaren programari (126,9 milioi), Alokabide (77,8 milioi) eta Visesa (122,7 milioi) elkarte publikoen ekarpena gehitu behar zaio.
Iñaki Arriola sailburuak agerraldia egin du arratsaldean, Eusko Legebiltzarrean. Sailak 205,9 milioi euroko aurrekontua izango duela jakitera eman du, 2017an baino % 7,2 gehiago. Portzentajean hazkunde handiena izango duen saila da.
Etxebizitza politiken gastutik % 62 alokairuak eramango du, eta % 26 hirigintza politikek.
Zure interesekoa izan daiteke
Gasolioaren igoerak alarmak piztu ditu Gipuzkoako garraio enpresetan
Guitrans garraioaren patronalak "litroko 20 zentimoko hobaria" ezartzeko “atzerapena” eta karga-enpresa batzuen "praxi txarra" gaitzetsi ditu.
Sare elektrikoetan inbertsioak handitzea "ezinbestekoa" dela uste du Galanek (Iberdrola)
Plantillaren mobilizazioen erdian, ELAk langileen erosteko ahalmenaren galera eta enpresaren jarrera kritikatu ditu; izan ere, langileen ordezkarien hitzetan, hitzarmen kolektibo berria 16 hilabetez negoziatu ondoren, "ezin da atzerakoiagoa izan".
Itxasok dio Bilduri "musika berria" entzun diola etxebizitzaren arloan eta Jaurlaritzarekin "bateragarria" dela
Sailburua eta EH Bilduko kideak Eusko Legebiltzarrean izan dira ostiral honetan, etxebizitzaren krisia eta etxebizitza arloko politikak aztertzea helburu. Bileraren ostean, Pello Otxandianok Jaurlaritzarekin "desadostasunak" daudela onartu du, baina baita "kointzidentziak" ere.
Denis Itxasok EH Bilduko ordezkariak hartu ditu etxebizitza arloko krisiaren inguruan hitz egiteko
Eusko Jaurlaritzako Etxebizitza eta Hiri Agendako sailburua, Denis Itxaso, eta EH Bilduko Eusko Legebiltzarreko bozeramailea, Pello Otxandiano, ostiral honetan bildu dira Eusko Legebiltzarrean, etxebizitzaren krisia eta etxebizitza arloko politikak aztertzea helburu. EH Bilduk Posible 30K ekimena aurkeztu dio bertan sailburuari; etxebizitzaren arloko bere proposamenak jasotzen dituena. Etxebizitza sailburuorde Miguel de los Toyos eta EH Bilduren Programa idazkari Nerea Kortajarena ere izan dira bileran.
Gasteizko Mercedes-Benzek eten egingo du gaur arratsaldeko ekoizpena, hornidura faltagatik
Fabrikako zuzendaritzak jakinarazi duenez, Marokoko Tanger hiriko portuaren "salbuespenezko" blokeoaren ondorioz, Gibraltarko itsasartean itsas trafikoa geldiarazita dago, eta horrek hornidura-katea kolapsatzea ekarri du; arazo horrek bereziki lantegiaren kable-hornitzaileari eragin dio.
Gipuzkoako Ogasunak ohartarazi du iruzur saiakerak ematen ari direla SMS mezu bidez
Gogorarazi du ez duela horrelako jakinarazpenik egiten SMS bidez, eta ez duela informazio konfidentzialik eskatzen.
Jaurlaritzak babes ofizialeko etxebizitzen salerosketan "bitartekari lanak" egingo ditu, ezkutuko gainprezioak saihesteko
Esleipena ez da egongo partikularren arteko "akordio pribatuen mende", eta Etxebideren bidez bideratutako prozedura baten bidez egingo da. "Guk esango diogu nork erosiko dion", azaldu du Itxasok.
Jose Antonio Santano: "AHTren Nafarroarekiko loturari buruzko erabakia aurten hartu beharko da"
Garraio estatu idazkariak berretsi du kontuan hartuko direla Aralar mendilerroan egiten ari diren zulaketen emaitzak, baita ibilbideen denboren azterketa funtzionalak emandako ondorioak, kostu ekonomikoak eta obren epeak ere.
Donostiako Atotxako geltokiko lanak azken fasean, AHTaren iritsieraren zain
Urumea eta Egia lotzen dituen pasabidea erabat zabaldu dute eta trenbideen gainean 5.700 m2-ko plaza zabal bat eraiki dute. 2027an jakingo da noiz iritsiko den AHT-a Donostiara, Espainiako Gobernuaren hitzetan.
Petronorrek 27,8 milioi irabazi zituen 2025ean, aurreko urtean baino % 61 gutxiago, itzalaldiaren eta hiru hilabeteko grebaren eraginez
Konpainiak apirileko itzalaldiaren eraginari eta urteko azken hiruhilekoko lan-gatazkari egotzi die irabazien beherakada. Hala ere, inbertsioak % 48 igo zituen, 217,8 milioi euroraino.