Gorenak bankuen alde egin du HMEI hipoteken auzietan
Hipoteka batek HMEI (Hipoteka Maileguen Erreferentzia Indizea) indizeari erreferentzia egitea gardentasun falta edo neurrigabekeria bat ez dela erabaki du Auzitegi Gorenak. Ondorioz, kontratu horiek ez baliogabetzea ebatzi du, orain arte bankuek defendatu bezala.
Auzitegiko gai zibiletarako aretoak HMEIren erabileragatik hipoteka baten baliogabetze posiblea aztertu du gaur. Espainiako finantza entitate batzuek indize hori erabiltzen dute, bezeroek hilero ordaindu beharreko zenbatekoa kalkulatzeko. Hipoteka baliogabetzerik ez dagoela erabaki du gelak.
Konkretuki, Kutxabankek Arabako Lurralde Auzitegiaren epai baten aurka aurkeztutako kasazio helegitea onartu du Auzitegi Goreneko gai zibiletarako gelak. Arabako Auzitegiak hipoteka bat baliogabe utzi zuen HMEI indizea erabiltzeagatik.
Gorenak agiri baten bidez erabakiaren berri eman die aldeei, eta sententziaren testu osoa datozen egunetan argitaratuko du.
Auzia 2006an hasi zen. Salatzaileek hipoteka bat sinatu zuten Vital Kutxan. Hipotekak 35 urtera 250.000 euroko kapitala zuen, eta % 4,25eko interes-tasa HMEIri lotuta. 2009an hipoteka berritu zuten.
Bezeroek bankua auzitara eraman zuten, “gardentasun faltagatik eta gehiegikeria delako” HMEIri lotuta zegoen hipotekaren klausula baliogabetzea eskatuz. Era berean, berandutze-interes “neurrigabea” salatu zuten bezeroek.
2015ean, merkataritza-gaietarako Gasteizko epaitegiak klausula baliogabetu zuen, baita berandutze-interesa ere. Horrela, kobratutako diru kopuruak (75.000 euro) itzultzera zigortu zuen bankua.
Azkenik, Arabako Lurralde Auzitegiko epaiaren aurka kasazio helegitea aurkeztu zuen bankuak, eta Gorenak onartu egin du, gaur jakitera eman dutenez.
Duela lau urte, 2013ko azaroaren 1ean, HMEI ordezkatzen duen hipoteka indizea sartu zen indarrean.
IRPH Stop: "Bataila oso garrantzitsu bat galdu dugu"
IRPH Stop plataformak deitoratu duenez, “bataila oso garrantzitsu bat galdu dugu”. “Indizearen kaltedun guztientzako oso albiste txarra” izan dela uste du plataformak. Epaia eskuetan dutenean balorazio “negatiboan” sakonduko dutela iragarri du.
Azkenik, “familia kaltedun guztiei animoak” eman dizkie plataformak. “Sententzia honekin Espainiako sistema judizialean bidea amaitu ala ez, gehiegikeria honen aurkako gerra ez da bukatu”, ohartarazi du.
“Indize kriminal horren aplikazioarekin etxegabetutako familiak etxera bueltatu eta kobratutako diru kopuruak itzuli arte borrokan jarraituko dugu”, erantsi du.
Zure interesekoa izan daiteke
Euskadiko ikuskizunetako teknikariek grebari eutsi diote, lehen hitzarmen kolektiboaren negoziazioa blokeatuta dagoela salatuta
Lanuzteek abuztuaren 14an eta 26an jarraituko dute, Donostiako eta Bilboko jaiekin bat eginez.
Euskal erakundeek bazka erosketa bateratua egingo dute abeltzaintza ustiategi txikienei laguntzeko
Abuztuan egingo dute erosketa, lehorteak gogorren jo dituen ustiategien benetako beharrak zehazteko inkesta egin ondoren. Dirulaguntza zuzenak, berriz, urte amaieran aztertuko dituzte.
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.