Laboral Kutxak 2018rako aurreikuspen ona egin du, ekonomia % 2,7 haziko baita
EAEko ekonomiak onera egingo du 2018an, Laboral Kutxaren aurreikuspen ekonomikoaren arabera. Hala ere, aurten baino motelago haziko da, 2018an % 2,7ko hazkundea izatea aurreikusi baitute. Gainera, 16.000 enplegu inguru sortuko direla esan dute.
Xabier Egibar Negozio Garapena arloko zuzendariak eta Joseba Madariaga Ikerketa Departamentuko zuzendariak Euskal ekonomiari buruzko 2018ko txostena aurkeztu dute ostegun honetan.
Horren harira, aurtengoa oso urte positiboa izaten ari dela esan dute, analistek aurreikusitakoa baino hobea, hain zuzen; horrela, urte bukaeran hazkundea % 3,1ekoa izango da Estatuan, eta % 3koa, berriz, EAEn.
"Une ekonomiko gozoa bizi dugu, nazioarte mailako ekonomien hazkunde sinkronizatua izaten ari baita" eta horrek "eragin positiboa du Espainiako eta EAEko ekonomietan", esan du Egibarrek.
Horrela, datorren urtean ekonomiak hazten jarraituko du, baina hazkunde hori moteldu egingo da urtearen erdi aldera. Alemania eta Frantzia dira euskal produktuak erosten dituzten herrialde nagusiak, eta horien ekonomien aurreikuspenak ere une onean daude.
Kanpo zein barne arriskuak izan daitezkeela onartu du Egibarrek. Lehenengoei dagokienez, zenbait arrisku arindu direla esan du; petrolioaren salneurria, esaterako, % 24 hazi da, oraindik merke samar egon arren, eta euroaren balioa ere handitu egin da, 2015ean behera egin ostean, eta horrek kalte egiten die esportazioei.
Ildo beretik, Laboral Kutxak ez du diru-politikan aldaketarik antzeman, eta, beraz, 2019ra arte ez du interes-tasen igoerarik espero. Halaber, kezka politikoa eragiten dute Alemanian gobernu itunik ez izateak eta Italiako hauteskundeak.
Bestalde, Kataluniako krisiak "ez du eragin esanguratsurik izan" orain arte Euskadiko ekonomian, baina arrisku "nagusia" hori da, Laboral Kutxako adituen ustez.
Kutxak irtenbide "posibilista" baten beharra ikusten du Kataluniako hauteskundeen ostean. "Akordio fiskala negoziatzeko garaia izango da Katalunian", horien arabera, baina Katalunian arazoa trabatzen bada, Euskadiko hazkunde ekonomikoa ere moteldu egingo dela eta % 2,5ean geldituko dela iragarri dute.
Xabier Egibar (ezk.) eta Joseba Madariaga, Euskal Ekonomiari buruzko 2018rako Aurreikuspenak txostenaren aurkezpenean. Argazkia: EFE
Amaitzeko, Laboral Kutxako arduradunek etorkizunera begira egin beharreko lanak azaldu dituzte.
Batetik, prekarietatea murrizteko kontratuen egonkortasunaren sustapena aipatu dute, eta, bestetik, berrikuntzan gehiago inbertitzeko beharra azpimarratu dute. Halaber, zorra murriztea beharrezkoa dela aipatu dute, eta, azkenik, erretiro pentsioen arazoari aurre egitea beharrezkotzat jo dute, 2018an Espainiako Gobernuak "ez baitio gai horri helduko, gizartearentzat konponbideak oso zakarrak direlako", esan dute.
Zure interesekoa izan daiteke
Euskal erakundeek bazka erosketa bateratua egingo dute abeltzaintza ustiategi txikienei laguntzeko
Abuztuan egingo dute erosketa, lehorteak gogorren jo dituen ustiategien benetako beharrak zehazteko inkesta egin ondoren. Dirulaguntza zuzenak, berriz, urte amaieran aztertuko dituzte.
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.