Jaurlaritzak % 2,5era igo du 2018rako aurreikusitako BPGren hazkundea
Eusko Jaurlaritzak % 2,5era igo du 2018rako aurreikusitako Barne Produktu Gordinaren (BPG) hazkundea, aurrez ezarritakoa baino hamarren bat gehiago.
Pedro Azpiazu buru duen Ogasun eta Ekonomia Sailak 2017ko azken hiruhilekoari dagokion "EAEko ekonomiaren hiruhilabetekaria" argitaratu du gaur. Txostenean, 2018rako egindako aurreikuspenak hobeto ditu, eta bere horretan utzi 2017koak ( % 2,9).
2018ko hasiera bukaera baino hobea izango da, aurreikuspenon arabera. Hala, lehen hiruhilekoan % 2,9 haziko da ekonomia; % 2,5ekoa, bigarrenean; eta % 2,2, hirugarrenean.
Enpleguari dagokionez, enplegu garbia sortzen jarraituko da 2018an ere (% 1,7, 15.600 lanpostu sortuta). 2017an % 2 hazkunde tasa izango du enpleguak (18.700 lanpostu).
Hainbat pertsona Lanbideren bulego batean, zain. Argazkia: EiTB
Egonkortasuna
Barne Produktu Gordinaren urte arteko aldakuntza % 3,0an kokatu da 2017ko hirugarren hiruhilekoan. Hortaz, egonkortze-bideari eutsi zaio bi urtez jarraian % 3,1 (2015 eta 2016) eta 2017an % 2,9 haziz, lehen hiru hiruhilekoen batez bestekoa kontuan hartuta.
Erritmoaren egonkortasun hori, oro har, Espainiako ekonomian emandakoaren antzekoa da (% 3,1 hirugarren hiruhilekoan), eta inguruko ekonomia nagusietan lortutako emaitza onez baliatu da, Europar Batasunak % 2,6ra arte hobetu baitu bere hazkundea.
Eskariari dagokionez, sendotasuna barne-merkatuak ematen jarraitzen du.
Alde batetik, esportazioek "nabarmen" areagotu dute hazkundea —% 3,7ko urte artekoa—, aurreko datuen oso gainetik; eta iradokitzen dute helburu merkatuetan egoerak hobera egin izana EAEko produktuak bultzatzen ari dela.
Bestetik, EAEko ekonomiaren berezko bizitasunak inportazioak % 3,9 igoarazi zituen. Barne-eskaria % 3,1 hazi da, hots, aurreko hiruhilekoan baino lau hamarren gehiago.
Bestalde, kontsumo pribatua % 3,0 hazi da, eta jada hiru urte baino gehixeago daramatza tasa horren antzeko erritmoan edo pixka bat azkarrago hazten.
Kapital-eraketa gordina % 3,9 hazi da, ekipamendurako ondasunetan % 4,5 inbertituz. Bertan, moteltze arin bat antzeman daiteke.
Industria eta eraikuntza, hazten
Sektoreka, eraikuntzaren arloa % 3,0 hazi da, 2007aren pareko (krisialdia baino lehenagoko) hazkunde-erritmoan.
Era berean, industriak % 2,7ko urte arteko gehikuntza eskuratu du, bigarren hiruhilekoaren datua lau hamarrenetan gaindituta.
Zerbitzuek modu egonkorrean handitu dute euren balio erantsi gordina, % 3,1eko tasa lortuta. Merkataritza, ostalaritza eta garraioa egon dira buru, % 3,8ko hazkundearekin.
Ekonomiaren bilakaera onaren ondorioz, 2017ko hirugarren hiruhilekoan enpleguaren urte arteko hazkundea % 2,1ekoa izan da. Beraz, lanaldi osoko lanpostu baliokideen kopuruak 937.000 enpleguen langa gainditu du.
Azken 12 hilabeteetan 20.000 lanpostu garbi inguru sortu dira, horietatik 15.000 inguru zerbitzutan.
Zure interesekoa izan daiteke
Osakidetzak deitutako EPEaren azterketak gainditu dutenen batez besteko tasa % 90 ingurukoa da
Epaimahaiek berehala zuzentzen dituzte azterketak, eta Osakidetzak egun berean edo hurrengo egunean argitaratzen ditu notak. Normaltasunez eta gorabeherarik gabe egin dituzte probak.
Osakidetzako EPEaren azken egun handia BECen
Guztira, 13.112 pertsonak eman dute izena Erizaintzako hautaprobak egiteko. Administrari laguntzaile (16.728 hautagai) eta administrari (9.821) lanpostuak betetzeko azterketak ere egin dituzte goizean.
Kutxa Fundazioak Elgoibarko Geminis enpresa erosi du
Lehendik erosita zuen Itziarko Gurutzpe enpresarekin batzea da operazioaren asmoa, talde indartsu baten bidez nazioartean lehiatu ahal izateko. Guztira 70 milioi euro fakturatzea espero dute.
Medikuek "benetako negoziazioa" eskatu dute, "greba mugagabea saihestu" nahi bada
"Lanbidearen garrantzia eta berezitasuna onartua izan arte", mobilizatzen jarraituko dutela ziurtatu du Euskadiko Medikuen Sindikatuak.
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.
Albiste izango dira: Saretzen mugikortasunari buruzko azterlana, Osakidetzako inoizko LEP handiena eta "Mitoaroa III"
Gaurkoan Orain-en albiste izango direnen laburpena, bi hitzetan.
Nafarroak etxebizitza berrien stocka agortu zuen 2025eko amaierarako, eta Euskadik % 0,23ra murriztu zuen
Urte amaieran, 2.502 etxebizitza zeuden saldu gabe Euskal Autonomia Erkidegoan (EAE). Espainiar Estatuan, berriz, saldu gabeko etxebizitza berrien stocka 452.670 etxebizitzakoa izan zen.
Zabalik dago Tubos Reunidos erosteko interesa agertzeko epea
Hartzekodunen konkurtsoa kudeatzen duen epaileak erosketa-prozesua aktibatu du eta konkurtso-administratzaileak prozesua bideratzeko jarritako arauak onartu ditu. Lehentasuna ematen dio talde osoa saltzeari.
Ekitaldi eta ikuskizunetako teknikariek greba egingo dute berriz
“Patronalaren pasibotasunaren aurrean”, maiatzaren 15ean egin zuten bezala, greba egingo dute Bilbao BBK Liveko zein Gasteiz, Donostia eta Bilboko jaietako egun banatan.