1.861 langabe gutxiago zenbatu dituzte Hego Euskal Herrian azaroan
Behera egin du langabeziak azaroan Hego Euskal Herrian. Zehazki, 1.861 langabe gutxiago zenbatu dituzte urriko datuekin alderatuta, Espainiako Enplegu Ministerioak emandako datuen arabera. Guztira, 163.514 pertsona daude lan barik.
Aurreko hilabeteko datuekin alderatuta, beherakada % 1,36koa da Euskal Autonomia Erkidegoan (EAE) eta % 0,28koa Foru Erkidegoan.
Urte arteko aldaketari dagokionez, iazko hilabete berean baino 13.102 pertsona gutxiago daude lan gabe. Hala, jaitsiera % 6,83koa da EAEn eta % 9,49koa Nafarroan.
Datuak lurraldez lurralde aztertuta, langabezia tasa Araban jaitsi da gehien, % 2,09 (443 langabe gutxiago, aurreko datuekin alderatuta). Guztira, 20.768 arabar daude langabezian.
Gipuzkoan, 495 langabe gutxiago zenbatu dituzte azaroan, % 1,44ko beherakada izan baita. Beraz, 33.826 pertsona daude lan barik lurralde horretan. Bizkaiko datuei dagokienez, % 1,11koa izan da jaitsiera (825 langabe gutxiago; guztira 73.699 pertsona lan barik).
Nafarroak eduki du jaitsierarik apalena: 98 pertsonak topatu dute lana bertan, eta tasak % 0,28 egin du behera, urriko datuekin alderatuta.
Jaurlaritzaren eta Nafarroako Gobernuaren balorazioa
Beatriz Artolazabal Eusko Jaurlaritzako Enplegu eta Gizarte Politikako sailburuak balorazio positiboa egin du azaroko datuez. Izan ere, langabeziaren datuek sektore guztietan, adin tarte guztietan, gizonen eta emakumeen artean eta hiru lurraldeetan egin dute hobera. Hala, 2009ko langabeen kopuru "bertsua" dago gaur egun.
"Krisialdia izan baino lehen, oparoaldian, azaroa ez zen hilabete ona, baina 2013tik langabeen kopuruan beherakada izaten ohi da urte sasoi honetan, eta 2017an ere eutsi diogu joera horri", adierazi du.
Artolazabalen iritzian, azaroko daturik "adierazgarriena" kontratu mugagabeen gorakada da (% 12,85). "Horrek agerian uzten du kontratazioa kalitate hobekoa dela", azaldu du sailburuak.
Tankerako balorazioa egin du Miguel Laparra Nafarroako Gobernuko Gizarte Gaietako presidenteordeak. Horren ustez, "oso positiboak" dira langabeziaren datuak, "krisialdia hasi aurreko azarorik onena izan da honakoa".
Nafarroako Gobernuak igorritako ohar baten arabera, "langabeziak behera egin du bai aurreko hilabetearekin zein 2016ko azaroarekin alderatuta. Langabezia gutxien duen erkidegoetako bat izan arren, Espainiako Estatuan baino gehiago jaitsi da".
Estatuko datuak
Espainiako Estatuan, aldiz, gora egin du langabeziak, urriko datuekin alderatuta. Zehazki, 7.255 pertsonak galdu dute lanpostua (% 0,21). Iazko hilabete berako datuekin alderatuta, ordea, behera egin du langabeen kopuruak. 315.542 pertsona gutxiago daude orain langabezian.
Guztira, 3.474.281 pertsona daude Espainian langabezia bulegoetan izena emanda.
Zure interesekoa izan daiteke
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.
Bazka erosketa bateratua aztertuko du Euskadik, lehorteak eragindako larre-eskasia dela eta
ENBA sindikatuaren eta UAGA Arabako nekazarien elkartearen ordezkariak Eusko Jaurlaritzarekin bildu dira Lakuan, beroak eta euri faltak lehen sektorean eragindako kalteak aztertzeko.