Europako Justiziak Uber garraio enpresa bat dela ebatzi du
Europar Batasuneko (EB) Justizia Auzitegiak arrazoia eman die taxi gidariei, eta Uber garraio enpresa bat dela ebatzi du. Horrenbestez, tankera horretako konpainiei ezartzen zaizkien baldintza guztiak bete behar ditu, lizentzia edukitzea barne.
Maciej Szpunar EBko abokatuaren irizpidearekin bat egin du Auzitegiak. Abokatutzak maiatzean argudiatu zuenez, plataforma digitalak garraioaren alorrean eskaintzen du zerbitzua, eta hala, Europar Batasunean garraio enpresek dituzten baldintzak bete behar ditu. Abokatu nagusiaren iritzia ez da loteslea, baina Europar Batasuneko Justizia Auzitegiaren epaiek gehienetan bat egiten duten.
"Justizia Auzitegiak uste du bitartekaritza zerbitzu hori garraio zerbitzu bat dela, eta ez 'informazio gizartearen zerbitzu' bat", adierazi du Auzitegiak ohar batean.
Ondorioz, "Estatu kideei dagokie zerbitzu horiek arautzea, betiere Europar Batasuneko Erabilera Itunak ezarritako arau orokorrak beteta", erantsi du.
Bartzelonako taxi gidarien salaketa
Bartzelonako Merkataritza-arloko 3. zenbakiko epaitegian Elite Taxi Barcelona taxi gidarien elkarteak Uberren kontra aurkeztutako salaketa bat du oinarri Europako Auzitegiak gaur eman duen epaiak. Elkarteak Uber plataforma digitalaren kontra egin zuen, lehia desleiala egiten ziolakoan.
Bartzelonako epaitegiak Bruselan galdetu zuen, EBren irizpideak zeintzuk diren jakiteko. Izan ere, konpainia motaren arabera araudia ezberdina da Europan. Araudia bat da garraio enpresa batez ari bagara, eta beste bat, berriz, "informazio gizartearen zerbitzuak" eskaintzen dituen batez ari bagara.
Europako Justizia Auzitegiak ebatzi duenez, Uberrek eskaintzen duen "bitartekaritza zerbitzua" garraio enpresa bati dagokiona da, eskaintzen duen zerbitzua bitartekari lana egiteaz harago baitoa.
Ebazpen horren kontra ezin daiteke helegiterik jarri.
Zure interesekoa izan daiteke
CAFek lortu egin du "mendeko kontratua": 1.700 milioi euro Belgikan trenak egiteko
Beasainen egoitza duen konpainiak kontratu horren inguruko ziurgabetasunarekin amaitu du; izan ere, polemika handia piztu zen han, Alstom enpresa frantziarrak dagoeneko hainbat lantegi baititu Belgikan, eta enpresa horrek kontratua ez lortzea kritikatu zuten.
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.