Nafarroako Gobernuak 566 plazako lan eskaintza publikoa onartu du 2017rako
Nafarroako Gobernuak 2017ko lan eskaintza publikoa onartu du. Hain zuzen ere, 566 lanpostukoa izango da, Estatuak berritze tasa zenbatekoa izan daitekeen zehaztu eta gero.
Lanpostu gehienak Osasun zerbitzuari (221), Hezkuntzari (191) eta Administrazio Erdiguneari (154) dagozkie.
Maria Jose Beaumont Presidentetza kontseilariak baieztatu duenez, 2018an “gauzatu egingo dira deialdiak”, eta baliteke deitzea Estatuarekin negoziatzen ari diren eskaintza publiko ezohikoa.
Plazen banaketa
Osasun zerbitzuari zuzendutako 221 lanpostuetatik, 219 Osasunbiderako izango dira, eta bi Nafarroako Osasun Publikoaren Instituturako.
Hezkuntzan, 191 irakasle plazak DBH eta Lanbide Heziketarako izango dira.
Administrazioaren kasuan, 37 lanpostu justizia eta ekonomia arloko teknikariak izango dira; 17, foruzainak; 15, suhiltzaileak; 14, gizarte langileak; lau, euskara itzultzaileak; eta bat, euskarako itzultzaile-interpretea.
Hezkuntzako zerrenda bakarra
Sailburuak ohartarazi duenez, baliteke AFAPNA sindikatuak euskararen dekretuaren aurka jarritako helegiteak eragina izatea lan eskaintza honetan.
Maria Solana Hezkuntza kontseilariak gaineratu duenez, “harroa” da helegitea aurkeztea lan eskaintza onartuta eta deituta ez zegoenean.
Gainera, deitoratu egin du PSNk hezkuntzako zerrenda bakarra saihesteko aurkeztutako lege proposamena. Izan ere, onartzekotan, “Parlamentuak esku sartuko du Departamentuan”.
Nafarroako Ganberak ostegunean eta ostiralean eztabaidatuko du sozialisten proposamena. Segur aski, aurrera egin du, I-Eren babesarekin.
Zure interesekoa izan daiteke
EBZk inflazioaren gorakada eta hazkundearen moteltzea aurreikusi ditu, Ekialde Hurbileko gerraren ondorioz
Abenduko proiekzioekin alderatuta, aurten bereziki inflazioak gora egingo duela ohartarazi du Europako Banku Zentralak (EBZ), Ekialde Hurbileko gerraren ondorioz energiaren prezioak nabarmen igo direlako.
Angularik ezin dela arrantzatu berretsi du EAEko Justizia Auzitegi Gorenak
Iazko azaroan, 2025-2026rako aurreikusitako angularen kanpaina bertan behera geratu zen EAEn, Eusko Jaurlaritzaren txostenek espeziea egoera kritikoan zegoela egiaztatu baitzuen.
Diesel litroa 2 eurotik gora dago Hego Euskal Herriko gasolindegi askotan
Gasolioaren prezioa % 30,78 igo da martxoan, Irango gerrak eragindako ezegonkortasunaren ondorioz, eta maximo berria ezarri du, litroko 1,916 eurora iritsi baita EAEn, batez beste, 2022ko uztailetik izan duen preziorik garestiena.
Euskadiko CCOOk gaitzetsi du ELAk "seinalamendu kanpaina" darabilela haren kontra, eta adierazi du euskararen aldeko jarrera "integratzailea" duela
Comisiones Obrerasek salatu du sindikatuaren aurkako manifestazio kanpaina bat darabiltzatela beste sindikatuek, euskararekiko eta hizkuntza eskakizunekiko duen jarrera dela eta. Santi Martinez idazkari nagusiak, gainera, Korrikan parte hartzeko "betoa" jarri izana gaitzetsi du, eta sindikatu abertzaleak haien kontra "erakunde ultra batek egingo lukeen moduan" jokatzen ari direla uste du.
Aste Santuan greba egingo dute Bilboko aireportuko Grounforceko lurreko asistentziako langileek
Lanuzteak martxoaren 27an hasiko dira eta apirilaren 1ean (asteazkena), apirilaren 3an (Ostiral Santua) eta 6an (Pazko Astelehena) izango lukete eragina. KPIaren diferentzialari eta erosahalmenari eustea aldarrikatzen dute langileek. Handling enpresa horrek zerbitzua ematen duen Estatuko aireportu guztietan izango dira greba-deialdiak.
Nafarroako Ekonomia eta Gizarte Kontseiluak Irango gerraren ondorioei aurre egiteko neurriak aztertuko ditu
Nafarroako Gobernuak aurreratu du Ministroen Kontseiluak ostiral honetan iragarriko dituen neurriak arretaz aztertuko dituela Nafarroan aplika daitezkeen egiaztatzeko.
"Indarberriturik eta helburua lortzetik gertuago" atera dira langile klasea eta indar sindikala, ELAren eta LABen ustez
Sindikatuen ustez, greba orokorra "klase elkartasun erakustaldia" izan da. LGS propioa lortzeko bideak zabalik daudela adierazi dute (bai patronalarekin, bai Espainiako Kongresuan) eta Jaurlaritzari eta, bereziki, EAJri, eskatu diote argitu dezala Legebiltzarrean eta Espainian dituen jarrera kontraesankorrak.
Atzoko greba orokorra "indar erakustaldia" izan zen, LAB eta ELA sindikatuen aburuz
Radio Euskadin eta Euskadi Irratian egindako elkarrizketetan LAB eta ELAko idazkari nagusiek adierazi dutenez, atzokoak "oso mobilizazio jendetsuak izan ziren, 135.000 pertsona ere batu zirela". "Indarberrituta atera gara", azpimarratu du Garbiñe Aranburu LABen koordinatzaile nagusiak.
Albiste izango dira: Greba orokorraren balantzea, Iranek Ali Larijaniren heriotza eta Ipar Euskal Herriko udal hauteskundeen bigarren itzulia
Orain-ek gaur landuko dituen albiste nagusien laburpena.
Ertzaintzak hiru pertsona atxilotu ditu greba orokorraren egunean
Desordena publikoak egitea leporatzen zaie. Gainera, bost pertsona ikertzen ari da eta 165 identifikatu ditu.