AHTak Nafarroa eta EAE nondik lotuko dituen jakinaraziko du gaur De la Sernak
Abiadura Handiko Trenak Nafarroa eta Euskal Autonomia Erkidegoa nondik barrena lotuko dituen argitu dezake gaur Iñigo de la Serna Espainiako Gobernuko Sustapen ministroak. Berez, esku artean dituzten aukerak aurkezteko deituta dago hitzordua Iruñean, baina ez da baztertzen Espainiako Gobernuak erabakia bertan plazaratzea.
Goizean iritsi da De la Serna Nafarroako hiriburura, eta, besteak beste, Manu Ayerdi Garapen Ekonomikorako lehendakariordearekin batu da bertan. Arantxa Tapia Eusko Jaurlaritzako Ekonomiaren Garapen eta Azpiegitura sailburua ere izan da bilera horretan.
AHTak Nafarroa eta EAE nondik eta nola lotuko dituen gaur jakitea espero da. Bi aukera nagusi daude mahai gainean. Bata Gasteizen lotzea da. Ibilbide hori luzeagoa litzateke, 84 kilometro ingurukoa, baina merkeagoa: 773 milioi euroko aurrekontua. Bestea, aukera garestiagoa eta konplexuagoa, lotura Ezkio-Itsasotik barrena egitea litzateke. 50 kilometroko ibilbidea baina 1.597 milioi euroko aurrekontua izango luke. Ingurugiroan ere eragin askoz handiagoa izango luke bigarren horrek.
Hainbat hedabidek dagoeneko aurreratu dutenez, De la Sernak Gasteizko aukeraren alde egingo du gaurko bileran. Eusko Jaurlaritzak, berriz, Ezkio-Itsasoko bidea lehenetsi du orain arte.
Garraiobide mistoa
Goizeko bilera amaitutakoan, De la Serna eta Tapia Gasteizera joango dira, Burgos eta Gasteiz lotuko dituen AHTaren zatiari buruz hitz egitera.
Joan den hilean Espainiako Gobernuak jakitera eman zuenez, tarte horretan bidaiariak bakarrik garraiatuko ditu tren azkarrak, eta ez merkantziak, Eusko Jaurlaritzak eskatu bezala.
Erabaki horren aurrean ezinegona agertu zuen Iñigo Urkullu lehendakariak, eta azalpenak eskatu zizkion Espainiako Gobernuari.
Zure interesekoa izan daiteke
CAFek lortu egin du "mendeko kontratua": 1.700 milioi euro Belgikan trenak egiteko
Beasainen egoitza duen konpainiak kontratu horren inguruko ziurgabetasunarekin amaitu du; izan ere, polemika handia piztu zen han, Alstom enpresa frantziarrak dagoeneko hainbat lantegi baititu Belgikan, eta enpresa horrek kontratua ez lortzea kritikatu zuten.
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.