Ministerioak dio Gasteiz dela 'Euskal Y'-a eta Nafarroako AHTa lotzeko bide 'onena'
Iñigo de la Serna Sustapen ministroaren hitzetan, Gasteiz da 'Euskal Y'-a eta Nafarroako Abiadura Handiko Trena lotzeko biderik "onena eta abantailatsuena", Sustapen Ministerioak Iruñean astearte honetan aurkeztutako proiektua aztertzeko txostenaren arabera.
De la Sernak Nafarroako AHTaren eta 'Euskal Y'-aren arteko lotura gauzatzeko proiektuaren txosten teknikoa aurkeztu die Manu Aierdi Nafarroako lehendakariordeari eta Arantxa Tapia Eusko Jaurlaritzako Ekonomiaren Garapen eta Lehiakortasun sailburuari.
Ibilbide luzeagoa izan arren, Ezkio-Itsaso (Gipuzkoa) ibilbideak baino "abantaila handiagoak" ditu Gasteizkoak. Eusko Jaurlaritzak nahiago du Gipuzkoako ibilbidea, motzagoa baita, ingurumen eta aurrekontu aldetik konplexuagoa bada ere.
"Behin betiko ibilbidea aukeratzeko goiz da, baina txosten teknikoak Gasteizen alde egiten du, Ezkioko aukera baztertzen ez duen arren", esan du ministroak. Halaber, aukera biak iritzi publikoari aurkeztuko dizkietela gaineratu du De la Sernak.
‘V’ alternatibaren ezaugarri nagusietako bat zabalera estandarreko trenbide bikoitza da, hasierako tarteak Iruña eta Irurtzun lotuko lituzke (Irurtzungo saihesbidea), lau bidegurutze Arakil ibaiaren gainean eta 5,8 kilometroko tartea tunelean (horietatik 3,8 Irurtzungo saihesbidean).
Alternatiba Gasteizera heldu baino lehenago amaitzen da. Hortik aurrera txosten berria egingo dute linea guztiak lotzeko (AHT Burgos-Gasteiz, Renfe Madril-Irun, 'Euskal Y').
EH Bildu, Podemos eta Ezkerrako ordezkariek ekitaldian parte hartu dute. Protesta egiteko elkarretaratze batekin bat egin dute Iruñeko kaleetan, proiektua errefusatzeko. Bitartean, Geroa Bai ekitaldian izan da, baina "kritiko" agertu da, "propaganda" dela iritzita.
AHTko egitasmoaren aurkako protesta Iruñean. Argazkia: EFE
Elkarretaratzea
Horrela, ehun bat lagunek, besteak beste, lauko Gobernuari babesa ematen dioten lau alderdietatik hiruk (EH Bildu, Podemos eta Ezkerra), protesta egin dute Abiadura Handiko Trenaren (AHT) aurka Iruñean.
Espainiako Gobernuak Nafarroan duen Ordezkaritzako egoitzaren aurrean, egitasmoaren "inposaketa" errefusatu dute manifestariek, AHTez kolektiboak deituta. Gutxi geroago Iñigo de la Serna Sustapen ministroak, Manu Ayerdi Nafarroako presidenteordeak eta Arantxa Tapia Eusko Jaurlaritzako sailburuak bilera egin dute bertan.
"AHT inposaketarik ez, Nafarroak erabaki" lelopean, manifestariek proiektuaren aurka oihu egin dute. Era berean, "AHTko dirua gastu sozialerako" edo "155.a ez Katalunian ez Iruñean" pankarta txikiagoak erakutsi dituzte. ELA, LAB eta STEILAS sindikatuetako ordezkariek parte hartu dute elkarretaratzean.
Merkantziak garraiatu ahal izateko trenbidearen zabalera aldatzeko "erabateko konpromisoa" agertu du De la Sernak
Bestalde, Euskadi mesetarekin lotzeko eta merkantziak garraiatu ahal izateko trenbidearen zabalera aldatzeko "erabateko konpromisoa" azaldu du Sustapen ministroak.
EAEko erakundeei lasaitasun mezu bat helarazi die ministroak. Zentzu horretan, Arabako Errioxa zeharkatu dezakeen, Logroño eta Miranda Ebro lotzeko egitasmoa "oso aurretiazko" fase batean dagoela gogorarazi du De la Sernak.
Ministroa Gasteizera joan da arratsaldean, Burgos-Gasteiz AHTko tartearen txostena aurkezteko. Arantxa Tapia Garapen Ekonomikorako eta Azpiegituretarako sailburuak eta Gorka Urtaran Gasteizko alkateak ekitaldian parte hartu dute.
Bestalde, merkantziak "egoki konektaturik" egongo direla goraipatu du Tapiak, Euskadiko industriarentzako "berebizikoa" dena.
Zure interesekoa izan daiteke
Abadiñoko lantegiaren itxieraren aurka mobilizatu dira Metal Groupeko langileak
Langileek elkarretaratzea egin dute Berrizen, Abadiñoko lantegiaren itxiera salatzeko, izan ere, 48 pertsona lanik gabe utziko ditu, eta Legutioko lantegian aurkeztutako lan-erregulazioko espediente (LEE) salatzeko, bertako 183 langileetatik 91 kaleratzea aurreikusten baitu.
Amaitu dira Basauri eta A-8a arteko lotunea hobetzeko lanak, 26 hilabeteko lanen ondoren
Proiektuak 5,36 milioiko inbertsioa izan du euste- eta seinaleztapen-sistemak egokitzeko.
Bilboko Aireportuak 200 hegaldi baino gehiago eskainiko ditu gaur eta bihar artean
Guztira, Gabonetan zehar 2.368 hegaldi hartuko ditu Bizkaiko terminalak. Joan den ostiralean, abenduak 19, programatutako operazio gehien izan zituen eguna izan zen, 137 guztira, eta ondoren, abenduaren 22an, astelehena, 136 operaziorekin.
Uvesco euskal inbertsoreen esku geratu da berriz
BM Supermerkatuen eta Super Amararen jabe den konpainiak enpresa-sustraitzea indartuko duen operazioa burutu du; datozen egunetan beste euskal partzuergo batek Ayesa (garai bateko Ibermática) ere erosiko duela baieztatu dute.
CCOOk eta LABek Nafarroako Osasun Zerbitzuan izandako sexu-erasoen inguruan erantzukizunak argitzea eskatu dute
Kautelazko neurriak berehala hartzea, kaltetutako pertsonak babestea eta ikerketa zorrotza egitea eskatzen dute; horrez gain, goragoko instantziek gertakarien berri ba ote zuten argitzea eskatu dute.
Espainiako Gobernuak 2026an luzatuko ditu garraiorako laguntzak, eta hilean 60 euroko abonu bakarra onartu du
Eusko Jaurlaritzak eskatuko du abonu bakarra Euskadiko aldirietan aktibatzea, Estatuko gainerakoekin homogeneotasuna mantentzeko.
Espainiako Gobernuak gutxieneko pentsioak % 7 igo eta autonomoen kuotak luzatuko ditu 2026rako
Urteko azken bileran erabaki dute ere, besteak beste, bizitzeko gutxieneko diru-sarrera % 11,4 handitzea.
Noël d'Anjou sailburuak nabarmendu duenez, aurrekontuek "norabide argia markatzen dute etorkizuneko Euskadirantz"
Aurrekontuak onartzeko bozketaren ostean, Noël d’Anjou Ogasun eta Finantza sailburuak berretsi du horiek zerbitzu publikoak indartzen dituztela eta “pertsonak erdigunean jartzen” dituztela, kontu “arduratsuak” eta “konprometituak" direlako herritarren arazoekin, eta “etorkizuneko Euskadirantz norabide argia" markatzen dutela.
Eusko Legebiltzarrak 2026rako aurrekontuak onartu ditu, oposizio osoaren ezezkoarekin
Gobernuko kideen (EAJ eta PSE-EE) gehiengo absolutuari esker egin dute aurrera, eta aurrekontuak 16,3 milioi eurokoak izango dira, aurtengoak baino % 4,1 gehiago.
Greba deitu dute Legutioko Metal Groupen, eta protestak egingo dituzte Abadiñon, 139 kaleratze eragingo dituen EEEa salatzeko
Enplegu-erregulazioko espedientean, Lebarioko (Abadiño) lantegia ixtea proposatzen dute, eta bertako 48 langileak kaleratzea. Legutioko lantegiko 91 behargin ere botako dituzte.