1.704 langabe gehiago zenbatu dituzte urtarrilean Hego Euskal Herrian
Hego Euskal Herriko enplegu zerbitzu publikoetako bulegoetan izena emanda dauden langileen kopuruak gora egin du urtarrilean. Zehazki, aurreko hilean (2017ko abendua) baino 1.704 langabe gehiago zenbatu dituzte. Guztira, 164.983 pertsona daude lan barik Euskal Autonomia Erkidegoan (EAE) eta Nafarroan.
2017ko urtarrileko datuekin alderatuta, ordea, langabeziak behera egin du: 15.336 pertsonak topatu dute lana.
Datuak lurraldez lurralde aztertuta, Nafarroan igo da gehien langabezia: 925 langabe gehiago zenbatu dituzte (aurreko hilean baino % 2,95 gehiago). Araban, 300 pertsonak galdu dute lana (% 1,45 gehiago), eta Bizkaian, 469k (% 0,64 gehiago). Gipuzkoan izan da hazkunde apalena: 10 langabe gehiago zenbatu dituzte (% 0,03 gehiago), iazko abenduko datuekin alderatuta.
2017ko urtarrileko datuekin alderatuta, berriz, lurralde guztietan izan da beherakada: Nafarroa (% 11,12), Gipuzkoa (% 10,17), Araba (% 8,09) eta Bizkaia (% 6,45).
Estatuan, gora egin du langabeziak, 2017ko abenduan baino 63.747 langabe gehiago zenbatu dituzte urtarrilean. Guztira, 3.476.528 pertsona daude lan barik Estatuan. 2015etik urtarrilean izan den gorakadarik handiena izan da honakoa.
Gizarte Segurantzan afiliatuak
Gizarte Segurantzak afiliatuak galdu ditu urtarrilean Hego Euskal Herrian, 2017ko abenduko datuekin alderatuta, baina irabazi egin ditu, 2017ko urtarrilekoekin erkatuta. Hala, batez beste 935.931 eta 271.562 afiliatu zeuden EAEn eta Nafarroan, hurrenez hurren. EAEn, % 0,85 egin du behera afiliatuen kopuruak abenduko datuekin alderatuta, eta % 2,16 egin du gora iazko hilabete berekoekin alderatuta. Nafarroan, gora egin du afiliatuen kopuruak, 2017ko urtarrilean baino % 3,60 gehiago zenbatu baitituzte oraingoan.
Zure interesekoa izan daiteke
Euskal erakundeek bazka erosketa bateratua egingo dute abeltzaintza ustiategi txikienei laguntzeko
Abuztuan egingo dute erosketa, lehorteak gogorren jo dituen ustiategien benetako beharrak zehazteko inkesta egin ondoren. Dirulaguntza zuzenak, berriz, urte amaieran aztertuko dituzte.
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.