AHT lurpetik helduko da Bilbora 2023an, 730 milioiko inbertsioa egin ondoren
Abiadura handiko trena (AHT) Abandoko (Bilbo) geltoki berrira lurpetik helduko da 2023an, gutxi gorabehera 730 milioi euroko kostua izango duten obrak bukatu ondoren, Iñigo de la Serna Sustapen ministroak gaur iragarri duenez.
Bilboko udaletxean egindako ekitaldian, Juan Mari Aburto alkatearekin eta Arantxa Tapia Eusko Jaurlaritzako Garapen Ekonomikorako sailburuarekin batera, proiektuaren berri eman du Sustapen ministroak. Hiru erakundeek egitasmoa adostu dute, AHTren sarrerari "behin betiko" irtenbide teknikoa emateko.
"Datozen 100 urteetarako tren proiekturik handiena da Bilbon", azpimarratu du alkateak. Horregatik, egun "zirraragarria" eta "historikoa" dela nabarmendu du Aburtok.
6,2 kilometroko tunela
Gaur jakitera eman dituzten planen arabera, abiadura handiko trena 6,2 kilometroko tunel baten bidez sartuko da Bilbon, eta bi solairu izango dituen Abandoko geltoki berrira helduko da; horietako bat aldiriko trenentzako, eta bestea ibilbide luzekoentzako, baita abiadura handiko zerbitzuentzako ere.
Gainera, geltokia "erabat intermodala" izango da. Tapia sailburuak azaldu duenez, Bilboko Metroarekin lotura zuzena izango du eta autobusentzako aldagune bat, baita 550 ibilgailurentzako aparkaleku eta taxientzako zona bat ere.
Eusko Jaurlaritzak, Espainiako Gobernuak eta Bilboko Udalak irtenbidea adostu dute, AHT Bizkaiko hiriburura lurpetik sartzeko aurrekordioa sinatu eta urtebete geroago.
Aburto, De la Serna eta Tapia Abandoko geltoki berriaren irudi baten aurrean. Argazkia: EFE
Konponbide tekniko "ikaragarri konplexua"
Ministroak aurreratu duenez, administrazioek irtenbide tekniko "ikaragarri konplexu" hau behin zehaztu ondoren, Ineco ingeniaritzak proiektuaren azterketa egingo du. Sustapen Ministerioaren menpeko ingeniaritzak txostena datorren azaroan aurkeztea espero da.
Horrela, azterketa informatiboa 2019ko udan behin betiko onartzea espero dute. Ondoren, azken proiektua egingo dute. "Hasierako aurreikuspenak kontuan izanda, atzerapen" bat izango dela onartu du De la Sernak.
Bilboko sarrera korridore osoa tunel batean eraikiko dute eta 'euskal Y'-ren ibilbidearen zati izango da. Lanak Sustapen Ministerioak finantzatuko ditu. Geltokia, aldiz, Gobernu zentralak eta EAEko administrazioek erdibana ordainduko dute.
Albiste gehiago ekonomia
LABen ustez "udazken gorria" datorkio patronalari, EAErako LGS propioa negoziatzea onartu ezean
Igor Arroyo LABen koordinatzaile nagusiak adierazi duenez, patronalak 1.500 euro gordineko langilearteko soldata ezartzeko proposamena "blokeatzen" jarraitzen badu, sindikatuak "gatazkak sortuko ditu, mahaiz mahai, diru-sarrera horien azpitik dauden sektore guztietan". Imanol Pradales lehendakariari ere dei egin dio, eta Confebaski "presioa" egiteko eskatu dio, negoziazio mahaian "eser dadin". Eusko Jaurlaritzak "horretarako baliabideak" dituela gaineratu du.
Espainiako Gobernuak ez du onartu aireportuen kudeaketa osoa Euskadira transferitzea
Diario Vasco egunkariak argitaratu duenez, Eusko Jaurlaritzak erabaki estrategikoetan iritzia eman ahal izatea proposatu du Espainiako Gobernuak, baina osorik eskualdatzea baztertu du, Estatuaren eskumen esklusiboa delako.
Azkoitiko Juaristi eta Aitek enpresetako langileek bizi duten "egoera jasanezina" salatu dute
Orain urtebete inguru lehertu zen lan-gatazkaren berri emateko, agerraldia egin dute bi enpresetako langileek. Uste dute zuzendaritzak "ezkutuko itxiera plan bat" duela. 130 lanpostu eta hainbat familia "arriskuan" daudela salatu dute.
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.