Greba hezkuntza publiko ez unibertsitarioan, gaur eta bihar
Gehiengo sindikalak (ELA, LAB eta Steilas) deituta, greba dago asteazken eta ostegunean, martxoaren 14an eta 15ean, Euskal Autonomia Erkidegoko (EAE) hezkuntza publiko ez unibertsitarioan. Aurreko deialdietan ez bezala, oraingoan ez dago batasunik hiru sindikatuon artean, LABek Heziketa Berezian, Sukalde eta Garbiketa eta Haurreskolen Partzuergoan deitutako grebak bertan behera utzi baitzituen martxoaren 2an. Hiru arloetan langileriaren baldintzak hobetzeko akordioak lortu ditu sindikatu abertzaleak, eta bitan (Sukalde eta Garbiketa eta Haurreskolen Partzuergoak) hitzarmena sinatu du Jaurlaritzarekin.
Hala, hiru sindikatuek grebara deitu dituzte EAEko hezkuntza publikoko 26.000 irakasleak, baina ELAk eta Steilasek deituta egingo dute greba Heziketa Berezian, Sukalde eta Garbiketan eta Haurreskolen Partzuergoan. Hiru alorretan greba eten izanak ezinegona sortu du ELA eta Steilas sindikatuengan, eta LABi batasun sindikala haustea eta "Hezkuntza Sailari txeke zuria ematea" leporatu diote.
Astelehenean, Heziketa Berezian akordioa izenpetzeko bilera izan zuten Hezkuntza Sailak eta sindikatuek. Jaurlaritzaren proposamenak gehiengoa duten bi sindikatuen (LAB eta CCOOk ordezkaritzaren % 51 daukate) babesa bazuen ere, azkenean ez zuten sinatu, ELA eta Steilas kontra azaldu zirelako. Hezkuntza Sailarena "proposamen ona" zela iritzi arren, LABek ere ez zuen sinatu, babes gehiago beharko lukeela ulertuta. Adostasun falta horrek sindikatu abertzaleen artean dagoen giro gaiztotua azalarazi zuen berriro ere.
Bi greba egunei begira manifestazio bakarra deitu dute ELAk, LABek eta Steilasek. Gasteizen egingo dute asteazkenean Legebiltzarretik Jaurlaritzaren egoitzara.
Hirugarren hiruhilekoan ere, greba deialdiak
2017ko udazkena "beroa" izan da hezkuntza publiko ez unibertsitarioan, 2017ko azaroan eta abenduan hainbat greba egin baitituzte langileek, eta udaberria ere antzerakoa izan liteke, akordiorik lortu ezean. Ekainaren 12an beste greba egun bat dago aurreikusita, eta beste hiru aste, sektoreka: apirilaren 23ko astea irakasleentzat, maiatzaren 7koa Heziketa Berezikoentzat eta ekainaren 4koa Sukalde eta Garbiketakoentzat. Dena den, azken bi horiek ELAk eta Steilasek bakarrik deitu dituzte. Horrez gain, elkarretaratzeak daude iragarrita ostiralero.
Sindikatu abertzaleek honakoa eskatu diote Jaurlaritzari: "Alda dezala errotik azken urteotan inposatzen ari den murrizketa eta hezkuntza politika, eta eskain diezazkiola hezkuntza publikoari ezinbestekoa duen inbertsioa eta baliabideak".
Cristina Uriarte Hezkuntza sailburuak, bestalde, LAB, CCOO eta UGT sindikatuekin lortutako akordioak txalotu ditu eta "elkarrizketa eta negoziazioa akordioak lortzeko bidea" dela azpimarratu du.
Zure interesekoa izan daiteke
Makinistek greba abiatu dute, tren zerbitzuaren krisiaren ostean
Jaurlaritzak % 50eko gutxieneko zerbitzuak ezarri ditu puntako orduetan, eta % 25ekoak gainerako orduetan Bilboko eta Donostiako aldiriko bost lineetan, trenbide sektoreko sindikatuek otsailaren 9an, 10ean eta 11n deitutako hiru greba egunetarako.
Amurrioko Tubos Reunidoseko langileek 24 orduko lanuzteari ekin diote, enplegu-erregulazio prozesuari aurre egiteko
Igandeko 22:00etan hasi da lanuztea. Astelehen honetan bilduko da zuzendaritza Amurrioko zein Trapagarango lantegietako ordezkaritza sindikalarekin, eta enplegu-erregulazioko txostenaren berri emango die. UGT beldur da kaleratzeak 130 baino gehiago izango ote diren.
Talgok 1.332 milioi euroko kontratua lortu du Saudi Arabian, abiadura handiko 20 tren egiteko
Jose Antonio Jainaga urtarrilean tren-konpainia horretako presidente izendatu zutenetik sinatutako lehen kontratu handia da. 20 tren horiek Talgok 2018an hornitu zituen 35 trenei gehitu behar zaizkie.
Ertzaintzaren lan eskaintzarako lehen probak atzerapenarekin hasi dira, espero baino jende gehiago aurkeztu baita
Aurreikusitakoa baino ordubete eta laurden geroago hasi dira azterketak, leku eta proba gehiago prestatu behar izan dituztelako; izan ere, hautagaien % 70 aurkeztu ohi dira, eta % 85etik gora bertaratu dira gaurkoan. Segurtasun Sailak ohar bidez azaldu duenez, sindikatuei eman diete jada gertatutakoaren berri, baina Legebiltzarrean agerraldia eskatu du azalpenak emateko.
Eusko Jaurlaritzak eta Espainiako Gobernuak gutxieneko zerbitzuak ezarri dituzte datorren asteko trenbideen sektoreko grebari begira
Trenbideko sindikatu nagusiek (CCOO, UGT eta makinisten Semaf) datorren asterako deitutako grebari eutsiko diote, otsailaren 9tik 11ra.
Metal Groupek enpresa-batzordeekin eta administratzailearekin aztertuko du konkurtsoaren eta lantegien itxieraren ondorengo egoera
COOOko iturriek adierazi dutenez, egoera zaila da, eta, gainera, zaila da lantegien jarraitutasuna bermatuko lukeen erosle bat aurkitzea.
Elkarrekin Podemosek zuzenketak aurkeztuko dizkio turismo-zergari "progresiboa eta udalerrien errealitatera egokitua" izan dadin
Miren Echeveste Elkarrekin Podemosen Gipuzkoako Batzar Nagusietako bozeramaileak esan duenez, bere taldeak "jarrera ireki, arduratsu eta eraikitzailearekin" egingo dio aurre zerga honen negoziazioari, "aurreproiektua indartzeko eta herri eta hirietako bizitzarekin bateragarria den turismo eredu jasangarriago baterantz aurrera egiteko".
Adegi: "Absentismoak gizarte osoaren kezka izan beharko luke, ez bakarrik enpresariena"
Jose Miguel Ayerza Adegiko zuzendari nagusiak positibotzat jo du Cebekek gai horretan neurriak hartzeko eskatu izana. "Eragile guztiok partekatu beharko genuke diagnostikoa, eta neurriak jarri beharko genituzke hori murriztu ahal izateko", gaineratu du.
Donostia da hiribururik garestiena: 6.107 euro metro karratuko
Donostia da, alde handiarekin, hiribururik garestiena, Madril, Bartzelona, Palma eta Bilboren aurretik, baina Gasteiz eta Iruñea ere Estatuko 10 hiri garestienen artean daude.
Enplegu-erregulazioko espedientea bertan behera uzteko eskatu du Tubos Reunidoseko enpresa batzordeak, "borrokari" bidea irekita
Mikel Jauregi Industria sailburuak esan du otsailaren 13an Tubos Reunidoseko enpresa batzordearekin egingo duten bileran konponbideak bilatzen saiatuko direla, besteak beste, enplegu-erregulazioko espedientearen ondorioak "txikitzeko".