Irakasleen % 75ek egin dute greba sindikatuen arabera; % 42,9k Jaurlaritzaren ustez
Gehiengo sindikalak (ELA, LAB eta Steilas) deituta, lehendabiziko greba eguna egin dute gaur Euskal Autonomia Erkidegoko (EAE) hezkuntza publiko ez unibertsitarioan. Bigarren lanuztea bihar izango da. CCOO eta UGT sindikatuek, ostera, ez dute bat egin deialdiarekin.
Aurreko deialdietan ez bezala, oraingoan ez dago batasunik hiru sindikatuon artean, LABek Heziketa Berezian, Sukalde eta Garbiketa eta Haurreskolen Partzuergoan deitutako grebak bertan behera utzi baitzituen martxoaren 2an.
Hiru sindikatuek grebara deitu dituzte EAEko hezkuntza publikoko 26.000 irakasleak, baina ELAk eta Steilasek deituta egingo dute greba Heziketa Berezian, Sukalde eta Garbiketan eta Haurreskolen Partzuergoan.
Ikastetxeen % 94 zenbatuta, Eusko Jaurlaritzak esan du grebaren jarraipena % 42,9koa izan dela irakasleen artean, % 24,5ekoa Hezkuntza Berezian, % 17,1ekoa sukalde eta garbiketa sektorean eta % 15,6koa Haurreskoletan (kasu honetan haurreskola guztietako datuak bildu dituzte).
Sindikatuek, berriz, zifra handiagoak eman dituzte, sektorearen arabera deialdiak jarraipen ezberdina izan duela aitortu badute ere.
Sindikatuen esanetan, irakasleen % 75ek egin dute lanuztea, eta grebaren jarraipena % 60koa izan Hezkuntza Berezian, % 65ekoa sukalde eta garbiketan eta % 30ekoa Haurreskolan.
LAB sindikatuak Sukalde eta Garbiketako eta Haurreskoletako Mahaian akordioa ahalbidetu duen "borrokaren balioa" nabarmendu du. Hori dela eta, irakasleen gatazkan ere "erantzukizun" berarekin jardungo duela iragarri du. "Hezkuntza Sailari dei egiten diogu Irakasleen Mahaira eduki berriak aurkeztu ditzan", gaineratu du.
ELA sindikatuak esan du, langileen jarraipena ikusita, greba eta mobilizazioaren bideari eutsiko diola, baldin eta Eusko Jaurlaritzak "sektorearen aldarrikapenei erantzuten ez badie".
(Hezkuntza Publikoko langileek Gasteizen egindako manifestazioa. Argazkia: EFE)
Bi greba egunei begira, manifestazio bakarra deitu dute ELAk, LABek eta Steilasek. Eusko Legebiltzarretik Eusko Jaurlaritzaren egoitzara arteko bidea egin dute eguerdian. Milaka langile batu dira mobilizazioan.
Manifestazioa hasi aurretik, Ana Peraz Steilas sindikatuko ordezkaria pozik agertu da beharginek emandako erantzunarekin, baina aitortu du LABek sektore batzuetan greba egiteari uko egin izanak eragina izan duela, hala nola, haurreskoletan, gehiengoa baitu han.
Nolanahi ere, sindikatuek uste dute lanuzteak jarraipen zabala izan duela eta Eusko Jaurlaritzari "mezu zuzena" igorri diotela, "edukiz betetako proposamenak egin ditzala" exijituz.
(Jendetza bildu da Gasteizen egindako mobilizazioan. Argazkia: EFE)
Zure interesekoa izan daiteke
Pentsiodunek "onartezintzat" jo dute pentsioak gutxieneko soldataren parera ez iristea
Pentsioen balioa "urteko erabaki politikoen menpe" dagoela salatu du Euskal Herriko Pentsiodunen Mugimenduak.
Balenciagako lan-batzordeak eta Abu Dhabi Ports taldeak soldatak % 5 jaitsiko dituen akordioa sinatu dute
Langileek joan den astean onartu zuten erosketa akordioa. Ontziolak Gipuzkoako portuan jarraituko duela bermatuko du.
Turismo-gastua % 31,1 hazi da Euskadin azken bost urteetan, eta BPGren % 6,8an dago
Eustaten arabera, Euskadiko turismo-gastua 6.665 milioi eurora iritsi da 2024an, hau da, aurreko urtean baino 526 milioi euro gehiago.
Euskadiko batez besteko erretiro-pentsioa 1841,80 eurokoa da hilean, Estatuko altuena
Lurraldeka, Bizkaian batez besteko erretiro-pentsioa 1.873,61 eurokoa da, Araban 1.857,58 eurokoa eta Gipuzkoan 1.788,35 eurokoa.
Eusko Jaurlaritza behi guztiak txertatzearen alde agertu da
Elikadura, Landa Garapen, Nekazaritza eta Arrantzako sailburu Amaia Barredok azaldu duenez, "Kataluniakoa baino askoz hurbilago dagoen foku bat dago orain; logikoena murrizketa-neurriak martxan jartzea da".
Honela ordainduko dizkie Jaurlaritzak langile publikoei 2025eko atzerapenak
90.000 langile publiko inguruk jasoko dute igoera, eta 150 milioi euroko aurrekontu-inpaktua izango du.
Otsailera arte, animaliarik gabe azoketan dermatosi nodularragatik
Dermatosi nodularrak eragindako abereak erakusteko debekua indarrean sartu da gaur. Elgoibarko azoka izango da eragina jasango duen lehendabizikoa, bihar.
Abadiñoko lantegiaren itxieraren aurka mobilizatu dira Metal Groupeko langileak
Langileek elkarretaratzea egin dute Berrizen, Abadiñoko lantegiaren itxiera salatzeko, izan ere, 48 pertsona lanik gabe utziko ditu, eta Legutioko lantegian aurkeztutako lan-erregulazioko espediente (LEE) salatzeko, bertako 183 langileetatik 91 kaleratzea aurreikusten baitu.
Amaitu dira Basauri eta A-8a arteko lotunea hobetzeko lanak, 26 hilabeteko lanen ondoren
Proiektuak 5,36 milioiko inbertsioa izan du euste- eta seinaleztapen-sistemak egokitzeko.
Bilboko Aireportuak 200 hegaldi baino gehiago eskainiko ditu gaur eta bihar artean
Guztira, Gabonetan zehar 2.368 hegaldi hartuko ditu Bizkaiko terminalak. Joan den ostiralean, abenduak 19, programatutako operazio gehien izan zituen eguna izan zen, 137 guztira, eta ondoren, abenduaren 22an, astelehena, 136 operaziorekin.