Euskal gizartea manifestazio 'handi' batera deitu dute 'pentsio duinen' alde
Pentsiodunen aldarriekin bat egin eta manifestaziorako deia egin diote euskal gizarteari larunbaterako, martxoaren 17rako. Deitzaileek martxa "erraldoiak" dituzte helburu, azken hilabeteetako mobilizazioak gaindituko dituztenak.
Urtea hasi zenetik mobilizazio jendetsuak egin dituzte astelehenero pentsiodunek. Astero-astero honako aldarrikapenak eraman dituzte Hego Euskal Herriko kaleetara: pentsio duin, publiko eta bizi-kostuaren araberakoak; gutxieneko pentsioa 1.080 eurokoa izatea eta pentsioen sistemaren erreforma egitea.
Asteek aurrera egin ahala, are jendetsuagoak izan dira protestak. Euren ustez, Espainiako Gobernuak 2018rako ezarritako igoera, % 0,25koa, "adar jotze" bat da.
Martxoaren 17ko deialdiak harago joan nahi du: "herritar guztiak" deitu dituzte mobilizaziora, batez ere gazteak. "Gu laster joango gara beste mundura, eurak hemen geratu dira", argudiatu dute antolatzaileek. Hori horrela, gehiengoarentzat aproposa den eguna —larunbata— eta ordua aukeratu dute: martxa guztiak, Gasteizkoa kenduta (12:00), arratsaldean izango dira.
Arabako hiriburuan izango dira goiztiarrenak; Artiumen da hitzordua:
Bilbon, 17:00etan abiatuko da manifestazioa, Udaletxetik. Udaletxeko zubitik honako ibilbidea egingo du: Ibañez de Bilbao kalea, Mazarredo zumarkalea, Kale Nagusia eta Jesusen Bihotza plaza.
Donostian, ordubete geroago hasiko dute protesta, 18:00etan Alderdi Ederren. Manifestazioak Hernani eta Andia kaleak, Gipuzkoa plaza eta Elkano kalea zeharkatuko ditu, Boulevardera arte. Antolatzaileek manifestua irakurriko dute bertan.
Ordu berean da abiatzekoa Iruñekoa ere, Gaztelu Plazatik:
Laburbilduz, hauek dira martxoaren 17ko manifestazioen ordutegi eta ibilbideak:
GASTEIZ: Artium, 12:00etan.
BILBO: Udaletxea, 17:00etan. Ibilbidea: Ibañez de Bilbao, Mazarredo zumarkalea, Kale Nagusia, Jesusen Bihotza plaza.
DONOSTIA: Alderdi Eder, 18:00etan. Ibilbidea: Hernani eta Andia kaleak, Gipuzkoa plaza, Elkano kalea, Boulevard zumardia.
IRUÑEA: Gaztelu plaza, 18:00etan.
Albiste gehiago ekonomia
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.
Petronorreko enpresa batzordeak enpresaren egoera "tamalgarria" salatu du, eta "presio neurriekin" mehatxu egin du
Plantillako ordezkariek adierazi dute ez direla bete zuzendaritzarekin lortutako akordioak, eta nabarmendu dute "tamalgarria" dela Muskizko findegiko instalazioen egoera.
:eitb-banner?$eitb-banner$&fmt=webp-alpha&qlt=80)
Urte amaierarako 4.000 plaza baino gehiagoko lan-eskaintza publikoa deitzea aurreikusten du Osakidetzak
Lehen Mailako Arretan betetzen zailak diren 169 plazaren esleipena amaitzen ari da Osakidetza, landa-eremuetako, arratsaldeko txandetako eta Etengabeko Arreta Guneetako asistentzia indartzeko.